Автор.ГЬ. АБУЛПАЗЛУЕВА, ТIануси школалъул учительница.Июнь 2012г.

Дагьаб цебе Т1ануси школа рагьаралдаса 85 сонилаб юбилей к1одо гьабураб рохалилаб тадбир т1обит1ана. Школалъул директор Дибиров Хъайтмазил нухмалъиялда гьеб байрамалде к1удияб х1адурлъи гьабун бук1ана  учительзабазгун ц1алдохъабаз. Гьелда г1ахьаллъизе ах1ун рук1ана г1емерал гьалбал ва бат1и-бат1иял соназ г1агарб школа лъуг1ун къват1ире арал. Х1адур гьарун рук1ана жиндир заманалда школалъе нухмалъи гьабуразул,  учительзабилъун х1алт1аразул, школалъе квербакъи гьабуразул бицунел стендал.

Автор.Г1иса Г1исаев.Июнь 2012г.

Хочоева Пат1имат Мух1амадовна культураялъул х1алт1ухъабазда гурейги лъик1 лъала районалда. Гьей машгьур гьаюна рак1бац1ц1адаб х1алт1уца, культура-лъай цебет1еялда бихьизабураб жигараб х1аракаталъ. Хъулухъалъулал ишаз чанц1улго Пат1имат щвеч1еб росуги гьеч1о районалда. Гьелъги лъала Пат1имат районцоязда. 

Автор. Халилбегов М-Х1.Июнь 2012г.

Дида г1емер раг1улаан бицунеб Харахьи участкаялъул больницаялъул х1акъалъулъ. Раг1улаан г1емерал рецц-бакъалъул раг1аби гьенир х1алт1улел ругел тохтурзабазул ц1аралги рехсон, толаан гьеб батилин жидер сахлъи гьениб лъик1аб даражаялде бач1индал роххиялъ бицунеб гьонц1ораб хабарилан.

Автор. Т1алх1ат Ахъбердиев.Июнь 2012г.

Г1абдулгъениева Умайра гьаюна ва г1уна Мах1ачхъалаялда. Гьабсаг1ат Мах1ачхъалаялда г1умру гьабун ругониги гьелъул эбел-эмен  ккола Бакьагьеч1иса.Умайраца лъуг1изабуна  Мах1ачхъалаялъул № 4 гьоркьохъеб школа, хадуб т1ок1лъиялда лъуг1изабуна Дагъистаналъул медицинаялъул училище. 1997 соналъ баг1араб дипломгун Умайраца  лъуг1изабуна Дагъистаналъул медицинаялъул институт, ва х1алт1ана  Республикаялъул геронтологиялъул централда тохтурлъун.

Автор.Пат1имат Мух1амаева.Июнь 2012г.

Т1оцебесеб июналъ къват1ибе бач1араб № 22 «Х1акъикъат» газеталда бахъун  буго гьелъул мухбир  Пат1имат Мух1амаевалъ нилъер райадминистраялъул бет1ер Дарбишев Х1ажиясулгун гьабураб гара-ч1вари. Районцоязул гьелдехун бугеб интересги х1исабалде босун бахъулеб буго гьеб «Росдал зах1матчиялда».Ахираб заманалда Хунзахъ районалъул г1емер бицунеб буго. Хасго бицунеб буго «Макьасда» базе бугеб х1ухьбахъиялъулаб базаялъул. Амма районалъул бет1ер Дарбишев Х1ажиясулгун дандч1вай т1обит1иялъе г1илла г1иц1го «Макьасда» курорталда бараблъун бук1инч1о. Редакциялде рач1унел кагътазда гьоркьор  г1емер рук1ана гьеб районалдаса рач1унел суалалги. Гьединлъидал, нижер ният ккана Х1ажияв Дарбишев  гьоболлъухъе ах1изе ва гьес нижер гьариги къабул гьабуна.

Автор.Пат1имат Гунашева.Июнь 2012г.

Ц1алул сон лъуг1улелъул ц1акъго г1емерлъула районалъул школлъималазда гьоркьор т1орит1урел къецал. Гьез бихьизабула лъималазда ц1алул соналъго малъараб, лъараб материалалъул кинаб х1асил ккун бугебали, кин гьеб гьезда  лъан бугебали. Дагьал церег1ан къояз районалъул халкъияб творчествоялъул рокъоб т1обит1ана пагьму-гьунар, махщел бугел (одаренные) лъималазул Ассамблея. Гьелда г1ахьаллъана бат1и-бат1ил къецазда,  олимпиадабазда бергьарал, ц1алулъ  кидаго лъик1ал х1асилал рихьизарулел ц1алдохъаби.

2 июналда Кочубеялда т1обит1ана г1адатлъун лъугьараб республикаялъул росдал маг1ишаталъул  х1алт1ухъабазул байрам – «Г1и-боц1ухъанасул къо». Байрамалда г1ахьаллъана муг1рузул улкаялъул т1олалго районалдаса г1и-боц1ухъабиги Дагъистаналъул президентасдаса бахъараб  республикаялъул нухмалъулелги  мадугьалихъ ругел республикабаздаса т1аде ах1арал х1урматиял гьалбалги.

Автор.Пат1имат Гунашева.Май 2012г.

Г1ажаибго г1адатав, инсан хирияв,  киназдаго гъорлъ восарав, рекъон  ккарав чи вуго Дагъистаналъул халкъияв поэт нилъер районцояв Г1абасил Мах1амад. Гьесул ц1ар бахъидал гьеб параялъго киназдаго рак1алде щола гьесул г1умруялъул гьудул  Савдат – эбелги. Гьелъул рух1иял  рахъазул борхалъиги  т1адег1анлъиги борцун дихъа  бажариларо. Цо нухалъг1аги гьел х1еренал,  х1алимал г1адамазухъе щваразда кинго к1оларо  хадубккунги, гьенире щвеч1ого  рук1ине,  макърат1исалъ г1адин ц1алеб бук1уна гьенибе рак1, Лъаг1илухъе бугеб нухалъул халалъиги лъиданиги рак1алде щоларо,  Хунзахъа Г1аранире ине бокьуларого  рук1унелъулцини.

Автор.Г1абасил Мах1амад.Май 2012г.

Хабар бач1ун буго,  Х1ажимурадил бет1ер т1ад буссинабулеб бугилан, гьеб букъизе ресги щванилан. Гьелъул х1акъалъулъ  макъалаги буго «Россиялъул газеталъул» 68 абилеб номералда.

К1удияб рохалилаб ах1вал-х1алалда, гьебго заманалда дагьабго  пашманлъиялъул асаргун к1одо гьабула районалъул школазда ахирисеб ц1умур кьабиялъул байрам. Рохел бук1уна ц1алдохъаби школаги лъуг1ун  ц1ияб жалго жидедаго ч1араб г1умруялде  лъугьунел  рук1иналдаса,  пашманлъи  бач1уна 11 соналъ цадахъ ц1аларал гьудул-гьалмагъзабаздаса, жидее тарбия  кьурал учительзабаздаса, г1агараб школалдаса рат1алъулел рук1иналдаса. Исана ахирисеб ц1умурги  кьабг1ун школагун къо-мех лъик1 гьабулеб буго улкаялдаго 1млн. 583 азарго  чияс, Дагъистаналда 29270  ва районалдаса 360 ц1алдохъанас.

1920 соналъул 2 маялда  Дагъревкомалъ х1укму гьабуна 15-50 соналде щвезег1ан  г1адамазда гьоркьоб  лъай гьеч1олъи  т1аг1инабизе. Хунзахъ РИКалъул х1укмуялдалъун 1927 абилеб соналда,  гьеб мурадалда Т1ануси  Чупанов Г1алил рокъоб рагьун  буго хъвадаризе, ц1ализе малъулеб пункт. Ц1алдохъаби  рук1ун руго бат1и-бат1ияб г1елалъул, 15-ялдаса 50-ялде щвезег1ан  ригьалда ругел. Гьениб дарсал кьолел  рук1ун руго  Х1усенова Гьумайчуца.

Автор.Пат1имат Гунашева.Май 2012г.

Хунзахъ росулъа, гьабсаг1ат нилъгун гьеч1ев, 25 соналъ къват1исел улкабазда дипломатлъун х1алт1арав, разведчик ва полковник Г1абдулхаликъ Х1ажиевас  жиндирго «Честь имею!»  абураб т1охьол цебераг1иялда хъвалеб буго гьеб ц1ар жинца  г1адада т1аса бищич1илан, гьеб раг1уде  гъорлъе унел  ях1-намусги, инсанасул къадруги  г1умру гьабизе  кколеб къаг1идалъун, жиндилъ эталонлъун бук1анила  ва бугилан.  Гьеле гьеб ях1-намусалда рекъон, гьеб ц1унун г1умру гьабурав чи вук1ана Г1алдулхаликъ. Гьесул гьудулзабилъун рук1ана ц1акъго жавабиял хъулухъазул, г1уц1абазул нухмалъулелги г1адатиял г1адамалги.