Араб моц1алда нилъер район
бечелъана цойги ц1ияв спортсменасдалъун. Гьеб заманаялъ
Санкт-Петербургалда т1обит1ун буго
рагъулал искусствабазул Европаялъул
чемпионат. Гьениб ММА «free-combat»
абураб спорталъул тайпаялда (гьеб раг1ула бои без правил г1адинаб
спорталъул тайпа) т1оцебесеб бак1ги ккун
чемпионлъун вахъун вуго Лъаг1илухъ росулъа Гъайирбеков
Г1алибег (1991 соналъ гьавурав).
Г1агараб росдал гьоркьохъеб
школаги лъуг1изабун гьабсаг1ат гьев
ц1алулев вуго Мах1ачхъалаялъул
автодорожнияб институталда, цадахъго хьвадулев раг1ула «Кавказ» спортивияб
клубалдеги, ругьун гьавулев вуго тренер М.Ширвановас. Цин жив тайский спорт абулеб тайпаялъе
ругьун, гьавулев вук1анин, хадуб т1адехун рехсараб спорталъул тайпаялъе ругьун гьавизе
байбихьанин живан, гьелде хьвадизе
лъугьаралдаса г1иц1го к1иго моц1 бан бук1анин чемпионаталде инег1анин бицана
Г1алибегица. Абизе ккола чемпионаталда
бат1и-бат1иял улкабаздаса чанги х1албихьи бугел спортсменалги
г1ахьаллъанилан.
Рак1-рак1алъ баркула
нилъецаги Г1алибегида бергьенлъи,
гьарула гьесие хадубккунги спортивиял
карьераялда ч1ах1иял бергьенлъаби
щвей.
П.Гунащева
|