Г1абдулгъениева Умайра гьаюна ва г1уна Мах1ачхъалаялда.
Гьабсаг1ат Мах1ачхъалаялда г1умру гьабун ругониги гьелъул эбел-эмен ккола Бакьагьеч1иса.
Умайраца лъуг1изабуна
Мах1ачхъалаялъул № 4 гьоркьохъеб школа, хадуб т1ок1лъиялда лъуг1изабуна
Дагъистаналъул медицинаялъул училище. 1997 соналъ баг1араб дипломгун Умайраца лъуг1изабуна Дагъистаналъул медицинаялъул
институт, ва х1алт1ана Республикаялъул
геронтологиялъул централда тохтурлъун.
2000 соналда къисматалъ гьей ячана Гъизилюрт шагьаралде. Гьелъул хъизаналъ
г1умру гьабулеб буго Гъизилюрт районалъул
Султанянгъиюрт росулъ. 11 соналъ х1алт1улей йиго Гъизилюрт шагьаралъул
централияб больницаялъул ч1ах1иязул поликлиникаялда участкаялъул терапевтлъун.
Умайраца жиндирго х1алт1и
гьабула рак1бац1адго. Гьей йиго
лъайги бугей, унтараз адаб-х1урматги гьабулей тохтур. Гьелъ диспансерияб
х1исабалде росула бат1и-бат1иял унтаби
ккарал г1адамал ва гьезухъе рокъое хьвадун, жиндихъего ах1ун халгьабула.
Х1ажалъи ккарал унтарал гьелъ больницаялде регизеги рит1ула. Гьал ахирал
соназда гьелъул участкаялда дагьлъана
туберкулезалъ, онкологиялъул унтабаз унтарал г1адамазул ва г1олохъанго холезул къадар. Умайра кидаго
х1алт1ула жиндирго лъай борхизабиялда т1ад. Щибаб унтиялъе рихьизарурал
стандарталги кьоч1ое росун, унтарал сах гьаризе гьелъ х1алт1изарула ц1и-ц1иял
къаг1идаби.
Т1алх1ат Ахъбердиев
Россиялъул
журналистазул
союзалъул член, зах1маталъул ветеран
г.
Кизилюрт
| 
