Гьал г1агарал къоязда г1умрудул гьайбатаб юбилей – 50 сон т1убай к1одо гьабулеб  буго «Хунзахъ район» мниципалияб г1уц1иялъул  бет1ерасул заместитель Г1абдуразакъов Асадг1алица.

Г1ахьаллъарал разияб, киназго г1уц1аразе баркала кьураб тадбир т1обит1ана культураялъул х1алт1ухъабаз ригь аразул къоялъул х1урматалда районалъул маданияталъул  рокъоб гьал  къояз. Нахъа тарал соназ  бихьараб зах1мат-г1акъубаялъ дагьалго тархъун рук1аниги, жеги  г1олохъанлъиялъул гугьар бекич1ел, жидер г1умрудул х1албихьи г1исиназе сайгъат гьабизе  х1адурал райцентралдасаги сверухъ росабалъаги херал г1адамал данделъун рук1ана гьеб къоялъ клубалде. Социалияб зах1маталъул Бах1арчи Махулов Мух1амад, КПССалъул Хунзахъ райкомалъул к1иабилев секретарлъун вук1арав Гьиматов  Гъазимух1амад, райисполком Мух1амадинов Г1алиасх1аб, 60  соналъ цебе Хунзахъе учительлъун яч1арай, гьениб жиндир къисмат батарай  Г1аликулова Муслимат (Валентина), кеч1-бакъаналъул устар Г1арабова Загьидат…, т1ок1ал  рехсеч1ониги, жидер заманалда раг1и билъарал, гьанжеги г1исиназ г1акълу дандбан ургъел бикьулел херазул сиях1 к1удияб бук1ана.

Автор.Написат Г1алиева.Октябрь 2012г.

Учителасул махщел ккола дунялалдаго бищунго х1урматияблъун ва бищунго адаб гьабулеблъун. Г1иц1го учителасе налъулаллъун ккола лъимал жидерго  церет1еяздалъунги, г1умруялда бергьенлъабаздалъунги. Учителасул профессионалияб махщалида бараб бук1уна лъималазе лъай кьеялда цадахъго, гьезие тарбия щвей, гьел  улкаялъул унго-унгоял гражданаллъун рахъин.5 октябралда районалъул культураялъул к1алг1аялда т1обит1ана Т1олгодунялалъул учителасул къоялъул х1урматалда районалъулго  церет1урал учительзабиги г1ахьаллъун рохалилаб данделъи.Гьеб х1урматияб данделъиялде вач1ун вук1ана райадминистрациялъул  нухмалъулесул заместитель  С. Батиров, районалъул лъай кьеялъул  управлениялъул методикияб централъул х1алт1ухъаби.Жидерго рокьулел учительзабазда  байрам баркизе рач1ун рук1ана  районалъулго  школаздаса ц1алдохъабиги.

Дагьал церег1ан къояз республикаялъул тахшагьаралдаги  нилъер районалъул  Макьасда бак1алдаги рагьана имам  Шамилил бах1арчияв наиб Х1ажимурадиеги г1урусазул к1удияв хъвадарухъан Л. Н.  Толстоясеги  памятникал. Гьал къоязда Хунзахъ централияб библиотекаялъул х1алт1ухъабаз рак1алде щвезаруна росуцоял – имам Шамилил наибзаби.

Автор.Г1.Ибрагьимова.Гьоц1алъ школалъул учительница. Октябрь 2012г.

2002 соналъул 20 августалда Къебед Х1асанбеговасул 70 сон  т1убаялде Дагъистаналъул художниказул союзалъул выставкабазул  залалда Къебедил юбилейный выставка г1уц1ун бук1ана.Гьеб вернисажалда рак1арун рук1арал Къебед Х1асанбеговичасул гьудулзабаз бицунеб бук1ана жакъа жиндир бергьун к1удияб пагьму-гьунар бугев ва метериса жив дунялалда ц1ар раг1аравлъун рик1к1ине вугев Дагьистаналда т1оцевесев чекан кьабун портретал гьарулев Къебед Х1асанбеговасул х1акъалъулъ. Г1емерал лъик1ал раг1аби абуна гьесул гьалмагъзабаз, ц1алдохъабаз ц1ияб гьумер Дагъистаналъул изобразительный искусствоялъул тарихалда рагьарав Къебедил х1акъалъулъ.

Автор.Ф.Мух1амадова.Октябрь 2012г.

Швейцариялда К1удияб Адроннияб коллайдер (дунялалда бищун къуватаб частицабазул ускоритель, г1елмияб  ц1ирагьи - авт) г1уц1улеб ун буго щуго сон, дунялалда бищун халатаблъун рик1к1унеб, Францияги Англияги цолъизабулеб, лъеда гъоркьан бахъараб Ла-Манш тоннель бахъун лъуг1ун буго къокъабго 7 соналда жаниб. Амма щаяли, маг1арулазул микьго районалъе  жиндасан пайдагун  квег1енлъиги ц1ик1к1араб, нухги къокъ гьабулеб Гендерил тоннель базе  байбихьун бук1ун буго  божизе зах1матаб х1ужжа - 1979 соналъго ва халат бахъун буго жакъа къоялде щвезег1ан. Амма,  рецц Аллагьасе, бихьана нилъеда тоннелалъул ахада канлъи – ахир-къадги 2 октябралъ Буйнакск ва Унсоколо районазул  г1орхъуда гендерил къварилъухъ рагьана Россиялда (х1атта, СНГялдацин)  бищун халатаб гендерил  тоннель. Россиялъул Х1укуматалъул председатель Дмитрий Медведевас бицанихъе, г1азу-ц1ер баниги, гьава-бакъалъул кинаб хиса-баси кканиги, 4км.304 м. халалъи бугеб тоннелалдасан транспорт хьвади гьоркьоса къот1изе гьеч1о ва  дагъистанияз нухда унаго балеб заман  къокълъизе буго чанго саг1аталъ ва нусгоялде г1агарун километралъ.

Автор.Н.Г1алиева.Сентябрь 2012г.

Гьал къоязда районалъул централияб библиотекаялда т1обит1ана нилъер районалъул Сивухъ росулъа зах1маталъул ветеран  Патах1ов Къурбанг1алилгун дандч1вай. Гьелъул мурад бук1ана г1ун бач1унеб г1елалда нилъер цересел умумуз г1ет1 т1ун,  зах1мат бихьун гьабураб маг1ишаталъул маг1на бич1ч1изаби, гьелъул церехъаби лъазари. Зах1маталъул цевехъан вук1ин гуребги, Къурбанг1алица хъвала жиндирго г1умруялъул, Сивухъ росдал тарихалъул, гьелъул  г1адамазул инсан иман-иях1алде, исламалъул нухалде ах1улел куч1дулги.

Автор.Ш.Мух1удинов.Сентябрь 2012г.

1886 соналъ гlypyc пачаясул чиновник1аз гьабураб «Бакьаг1еч1иб жамаг1аталъул хъизамазул сиях1алда» хъвалеб буго «Магома Чунки Магома оглы - 75 лет, сыновья его - Чунки - 20 лет, Hyp Магома - 8 лет». Гьелдасан босун абизе бегьула, х1акъикъаталдаги Ч1анк1а (Тажудин) 1886 со­налъ гьавунилан.

Автор.Мух1амад Г1алиев.Август 2012г.

Аби буго, унтарасда г1адин сахлъиялъул къимат лъаларилан. Г1умруялъул х1албихьиялда т1ад рижарал ч1орг1анги рит1арал раг1аби руго гьел. Анц1ила анкьго соналъ цебе хъулухъалъулаб ишалъ унаго автоавариядде ккун сакъатлъана дун. Гьелщинал соназ вуго инвалидазул коляскаялда. Гьеб унтул х1асилалдаги, г1аммаб куцалда черх заг1иплъиялъги ккана г1емерал больницабазде, рихьана чанги тохтурзаби. Рук1ана унтаразе шарт1ал ругелги, гьеч1елги больницабиги, дандч1вана жидер налъи бич1ч1улелги, гьеб т1аса-масаго т1убалелги тохтурзабиги. Гьезул бицинарин.

Автор.Пат1имат Гунашева.Август 2012г.

Районалъул культурияб  г1умруялъулъ бихьулеб бут1а лъола искусствалъул школалъул ва филиалазул  преподователазгун г1исинал гьунарчаг1аз. Гьез кидаго бугониги жигараб  г1ахьаллъи  гьабула район тун къват1ибехун т1орит1улел бат1и-бат1иял къецазда. Исана искусствалъул школалъ, т1обит1ана 50 сонилаб юбилейги. Араб ц1алул соналда жидецаго гьабураб  х1алт1ул х1акъкалъулъ нижее  бицана искусствалъул  школалъул директор  Мух1амадов Мух1амад Жабраг1иловичас.

Автор.Написат Г1алиева. Август 2012г.

Баянаб бук1ахъе,  дагьал церег1ан  къоязда  Мах1ачхъалаялда бугеб «Экспресс» банкалъул филиал х1исабалда Г1арани росулъ рагьана т1адеги ц1ияб офис. Гьелъул х1алт1ул х1акъалъулъ  баянал  кьеян  нижеца гьарана офисалъул нухмалъулев Х1усенов Шамил Х1усеновичасда. Гъоркьехун бахъулеб буго нижедаги гьесдаги  гьоркьоб ккараб гара-ч1вари.