Главная » Архив материалов
Автор.
«Дагестанская жизнь»
газеталдасан «Росдал зах1матчи» газеталъе маг1арул мац1алда хъвана Г1. Г1исаевас.
 Дагъистаналда щив ватилев «Хунзахъилан» ц1ар раг1ич1ев чи.
Хунзахъ ккола коч1охъабазул, ц1ар арал г1алимзабазул, политикиял
х1аракатчаг1азул, совет власталъе г1оло
къеркьохъабазул ват1ан. Хунзахъ районалдаса ккола К1удияв поэт ва гуманист Расул Х1амзатов.
|
Автор.Ф.Мух1амадова.Июль 2013с. Улкаялъул тахшагьар Москва шагьар бакьулъ (Садовияб
кольцоялдаса рик1к1ад гьеч1еб Яузаялъул
бульваралда) дагьал церег1ан къояз рагьана нилъер машгьурав шаг1ир Расул
Х1амзатовасе памятник. Гьеб рагьиялъул тадбиралда г1ахьаллъана РФялъул
президент В. Путин, ДРялъул президентасул ишал т1уразарулев Р. Г1абдулат1ипов,
ДРялъул Халкъияб Собраниялъул председатель Х. Шихсаг1идов, РФялъул
Федерациялъул Советалъул председатель В. Матвиенко, Пачалихъияб Думаялъул вице-спикер И. Г1умаханов, шаг1ирасул г1агарлъи, гьудулзаби, пачалихъиялгун
жамг1иял х1арактчаг1и Е. Примаков ва А. Дзасохов, СССРалъул халкъияв артист И.
Кобзон, регионазул нухмалъулел ва гь.ц.
|
Автор.П. Нажмудинова, Бакьагьеч1и гьоркьохъеб
школалъул директорасул заместитель.Июль 2013с.  Шаг1ир. Философ.
Лирик. Дипломат. Ц1адаса Х1амзатил вас. Твардовскиясул, Фадеевасул,
Симоновасул, Михалковасул гьудул.
Фидель Кастрол, Че Геварол, Индира Гандил квер босарав. Дагъистаналъул
халкъияв шаг1ир. Ленинилги Х1укуматалъулги премиязул лауреат. СССРалъул
хъвадарухъабазул союзалъул секретарь. СССРалъул Верховный Советалъул депутат, Верховный
Советалъул Президиумалъул член, Дагъистаналъул Хъвадарухъабазул Союзалъул
председатель, Социалистияб Зах1маталъул Бах1арчи, Андрей Первозванниясул
орденалъе мустах1икълъарав, гьит1инаб Ц1адаса ц1а г1адав маг1арулав. Рик1к1ун
лъуг1иларо Расул Х1амзатовасул т1адег1анал шапакъатал ва гьев вахараб борхалъи.
|
Автор.П.Гунашева.Июль 2013с. Г1арани рагъулабгун спортивияб лицеялда цебе бугеб памятник
ц1акъ квешаб х1алалда бук1ана. Заманаялъ жиндирабго гьабулелъул ц1адакьги,
бакъукьги, г1азукьги бугеб гьеб т1ут1ун, бек-бекун ун т1убанго хун т1аг1ине рес бук1ана. Памятникалда рак1
унтун, гьелъул г1емер бицунев, гьеб къач1аялъе ресал ралагьулев вук1ана Хунзахъ бугеб музеялъул директор Г1алиев Шамил. Ахирги
т1убана гьесул мурад: къач1алеб буго памятник. Гьенир гьарулел х1алт1абазул
нижер мухбиралъе бицана Ш. Г1алиевас ва
аслиял х1алт1аби гьарулев вугев художник
Х1асанов Г1абдулаца (к1иясго цадахъ ц1и гьабулеб буго памятник).
|
Автор.Шарапудинов Г1иса.Гумбет район.Июль 2013с. Х1урматиял редакциялъул
х1алт1ухъаби, рак1-рак1алъ нужее саламги кьолаго, бокьун буго нужер
газеталдасан дир гьудул, нужерги ракьцояв ва гьудул, гьунар т1ок1ав шаг1ир ва
унго-унгояв г1адан Г1абасил Мах1амадие гьаб цебераг1игун куч1дул сайгъат
гьаризе.
|
Автор.Г1.Г1исаев.Июль 2013с. Аралда туманк1 реч1ч1ани, бач1унелъ г1арада реч1ч1улилан аби
раг1ич1ев чи ватиларо. Цебеккунисеб умумузул ишал, тарих, г1адатал, ай т1олабго
культура, умумуз нилъее тараб къиматаб ирс ккола. Гьеб ирсалъул к1вар
гьабунгут1и, гьелда тунк1алги ганч1алги реч1ч1и бук1ина умумузул адаб гьабунгут1илъун
рух1ияб язихълъи, хъарцинлъилъун. Умумузул рух1иябги материалиябги ирс
лъазабизе, бак1аризе, ц1унизе ва гьелъул пропаганда гьабизе т1адал чаг1и ккола
нилъ, жакъасеб г1ел. Нилъер районалда гьеб рахъалъ гьабулеб х1алт1и квеш
батилин кколаро. Гьеб х1аракат т1аде ккун буго районалъул школазде. Лъик1ал
музеял руго Хунзахъ №2 гьоркьохъеб школалда, Бакьагьеч1и, Х1ариколо школазда,
Шагьрудин Шамхаловасул г1умру ва х1аракат рагьулеб музей бугоан Т1ануси
гьоркьохъеб школалда. Музеял цогидал школазда ратиялдаги рак1ч1ола дир. Масала,
бечедаб материал бак1арараб музей бук1ана Г1арани гьоркьохъеб школалда
(Сулейманил школалда).
|
 .Унго-унгояв гIалимчи-кораблестроитель, мугIалим ва
жамгIияв хIаракатчи .Гьаб соналъул 25 июналда 70 сон тIубана дунялалдаго цIар рагIарав
гIалимчи, нилъер районалъул ТIануси росулъа Шамил Гьиматович ГIалиев
гьавуралдаса. Москваялдасаги Санкт-Петербургалдасаги гьесул
гьудул-гьалмагъзабаз бицунеб буго нилъер машгьурав ракьцоясул хIакъалъулъ. |
Автор.Г1.Г1исаев.Июнь 2013с.  ГIабдулатIипил Рамазан
республикаялъул бетIерлъиялде вачIиналдаса халкъ (гIадатал гIадамал) бохун
буго. Цо гIакъилав чияс абун букIана «революция бергьунилан жиндаго ран ругел
рахсал гурого пролетариаталъе камизе жо гьечIилан, щвезе жо гIемер бугилан».
ГIадатал гIадамазухъги камизе, бахъизе жого хутIун гьечIелъул.
|
Автор.Ф.Мух1амадова.Июнь 2013с. Кинавго чи
разилъуледухъ асар хъван лъихъаниги бажарунаро.Испаниялъул машгьурав
хъвадарухъан Са-аведра Мигель Сервантесица абурал гьал рагIаби росана дица
жакъасеб редакторалъул колонкаялъул бетIерлъун. Росана лъикI ургъун, газета
цIалулезда, хасго газеталда рахъулел материалаздаса жидерго разилъи гьечIолъи
загьир гьабун редакциялде хъвадарулел «критиканазда» бичIчIизелъун.
|
Автор.Г1.Г1исаев.Июнь 2013с.
 Редакциялъул жибго бет1ергьанаб транспорт гьеч1олъиялъ
росабалъе хьвадун районцоязул х1ал-х1укму ц1ехезе кидаго гуро ниж мухбирзабазе
рес щолеб. Амма нижеца х1аракат бахъула райцентралде рач1арал бегавулзабазулгун
гара-ч1вариял гьарун гьезул халкъалда цебе х1исаб кьей бук1инабизе. Лъаг1илухъ
росдал администрациялъул бет1ер Мирзоев Сахратулагьилгун дир ккараб къокъаб
гара-ч1вари кьолеб буго газеталъул гьаб номералда. |
|
22 июнь-КIудияб ВатIанияб рагъ байбихьараб къо
|
Автор.П.Гунащева.Июнь 2013с.
 Маялда к1одо гьабула Т1олгодунялалъул медицинаялъул
сестрабазул къо. Медсестра ккола тохтурасул кумекч1ужу, гьесул кваранаб квер.
Сестрабазул х1алт1и Россиялда баккана Петр 1-сул заманалдаго. 1844 соналда
г1уц1ана т1оцебесеб гурх1ел-рах1муялъулаб сестрабазул Свято-Троицкая община.
1855 соналдасан байбихьун медсестрабилъун х1алт1изе росулез балаан хасаб гьа.
1993 соналдасан байбихьун щибаб соналъ 12 маялда Россиялда к1одо гьабула Т1олгодунялалъул
медсестрабазул къо. |
Автор.Ф.Мух1амадова.Июнь 2013с.
Дида цебе-цебеги г1емерго раг1ун бук1ана терапиялъул
отделениялъул заведующая Дибирдадаева Азимал х1акъалъулъ г1адамаз лъик1ал
раг1аби абулеб. Интерес бук1ана щийг1агидай гьай киназго рехсолей Азима,
сонисей студенткаялъул щиб ч1аголъиг1агидай тохтурлъиялъул зах1матаб х1алт1улъ
бук1унебан. Газеталда гьелъул х1акъалъулъ материал хъвазе дун т1убанго
гьесизаюна цо унтарайгун гьей к1алъалей йик1араб куц бихьидал. Сабуралда гьелъухъ
г1енеккун, рак1 батулеб раг1и бицун Азимаца пациентка лъик1аланго
йигьа-йичинаюна. Киг1ан заман гьеч1ониги, районалъул газета ц1алулезе цо
гьит1инабго интервью кьеян гьарана дица гьелда. Гъоркьехун бахъулеб буго дирги
гьелъулги ккараб гара-ч1вари. |
Автор.Н.Г1алиева.Июнь 2013с.
Маялъул ахирисел къоязда
нилъеца к1одо гьабула халкъазда гьоркьосеб хъизаналъул къо. Щиб бук1инеб
инсанасе хъизаналдаса к1вар бугеблъун? Хинаб, къач1араб рокъоб мунги вич1ч1улел,
дудаги рич1ч1улел, ккани дуе к1вараб кумекги гьабулел г1адамалгун дандч1вай,
гьеб гурищ инсанасул талих1, гьеб гурищ щивасе бищунго къиматаб хазина. Лъимал
гьеч1они хъизан бук1унаро. Хъизаналда хьихьич1ел лъималазулги талих1аб
лъимерлъи бук1унаро. Киг1ан г1емер талих1ал хъизанал ругониги, гьедиг1ан
лъик1аб буго нилъер обществалъеги. Лъимал нилъер г1умруялъул рохеллъун ккола.
Районалъул «Р. З.» газеталъул х1алт1ухъаби г1емерал щола
бат1и-бат1иял росабалъе ва дандч1вала бат1и-бат1ияб къисматалъул, бат1и-бат1ияб
ригьалъул, лъик1алги, чанк1к1аралги, къанаг1аталги, машгьуралги г1адамалгун.
Гьаб нухалда нижер лъай-хъвай ккана
Г1орут1а, Байикь, ва Гъонохъ росабалъа цо-цо хъизаназулгун. |
Автор.Ф.Мух1амадова.Июнь 2013с.
 4 июналда Дагъистаналъул президентасул ишал т1уразарулев
Рамазан Г1абдулат1ипов прямой эфиралда дандч1вана республикаялъул
журналисталгун ва жавабал кьуна телезрителазул ва социалиял сетаздасан г1адатал
г1адамаз хъван рач1арал суалазе. Дандч1ваялда г1ахьаллъана ДРялъул
Х1укуматалъул председателасул заместителал Р. Жафаров, Ш. Шарипов, печаталъул
ва информациялъул министр Г1. Х1ажиев, «Дун президентасул кумекчи» г1олилазул
чвахиялъул вакилзаби ва гь.ц. |
« 1 2 ... 68 69 70 71 72 ... 87 88 » |
