Автор.П.Гьиматова.Май 2014с.

Исана улкаялдаго маданияталъул сонлъун лъазабураб 2014 соналъ «баракаталъулал гъонолъ лъунин» абизе бегьула районалъул нухмалъулев Саг1ид Камильевич Юсуповас ниж, культураялъул учреждениязулгун библиотекабазул х1алт1ухъаби.

Автор.П.Гунашева.Май 2014с.

Поэт, хъвадарухъан, Россиялъул хъвадарухъабазул Союзалъул член, Хъах1абросулъа Мах1мудил, Инхоса Г1алих1ажиясул ва гь. ц. премиязул лауреат, Харахьиса Мах1муд-Апанди машгьурав вуго унго-унголъун адабиятги, маданиятги, г1агараб рахьдал мац1ги хириял маг1арулазда гьоркьов. Г1адатиял маг1арулазе гьев вокьула гьесул жугьабазе г1оло гуревги, гьесул г1адатлъиялъухъги, г1аданлъиялъухъги, г1адан ват1а гьавич1ого маг1арул чи гьесие хиралъиялъухъги. Кутакалда рокьула шаг1ирасе жиндирго росу-ракь, живго жанив ц1аларал школаби, г1умруялде жив вахъинавун дарсал кьурал муг1алимзаби.

Гьал къоязда Мах1муд-Апанди щвезе вач1ун вук1ана живго ц1аларав Г1арани гьоркьохъеб школалде. Гьесда цадахъ рач1ун рук1ана Мах1муд-Апандил гьудул-гьалмагъзаби-г1ахьвалазул «Ашвадо» газеталъул редактор Х1ажиев Махсут1 Исмаг1илович ва цогидалги.

Культураялъул управлениялъул ц1ияй нухмалъулей Мух1амадова Ирайгьанат Халиловна.

Г1агараб Гьоц1алъ росдал гьоркьохъеб школа лъуг1арай И. Мух1амадова ц1ализе лъугьана Дагъистаналъул росдал маг1ишаталъул институталде, 1994 соналъ яхъана агрономлъун. Ирайгьанат Халиловна х1алт1ана г1агараб росдал школалдаги. 1995 соналдаса гьей йик1ана школалъул психологлъун ва цадахъго кьуна биологиялъулги дарсалги. И. Мух1амадовалъ лъуг1изабуна Москваялъул социалияб университетги. Ирайгьанатил муг1алимлъиялъулаб зах1мат к1одо гьабуна грамотабаздалъунги къиматал сайгъатаздалъунги, гьей ккола Россиялъул Федерациялъул г1аммаб лъай кьеялъул х1урматияй х1алт1ухъан, рос Мух1амадгун цадахъ тарбия-лъай кьун г1езарулел руго лъабго лъимал.

Т1оцебесеб маялдасан Мух1амадова Ирайгьанат Халиловна т1амуна районалъул культураялъул управлениялъул нухмалъулейлъун. Ц1ияб х1алт1уда ч1ах1иял бергьенлъаби дуе Ирайгьанат.

Автор.Р.Г1амирханов.Май 2014с.

Районалъул спорталъул г1умруялда жаниб бихьулеб бут1а лъуна эркенаб гугариялъул мастер Хунзахъ росулъа Зайирбег Г1аммаевас. Гугариялъул гьесул бук1араб махщелалъул ва бергьенлъабазул лъала районалъул ва республикаялъул спорт бокьулезда. Гьит1инго бижана Зайирбегилъ гугариялде рокьи. Гугариялде гьев ругьун гьавиялъе ва махщел камил гьабиялъе т1оцебе квербакъи гьабурав чи ккола Дибир Дарбищев.

Автор.Н.Г1алиева.Май 2014с.

К1удияб Бергьенлъиялъул къоялда цебе ва гьеб къоялъ нилъеца к1удияб пашманлъигун рак1алде щвезарула нилъер Ват1ан чияда бараблъун гьеч1олъиялъе ва эркенлъиялъе г1оло рагъулаго хварал нилъер бах1арчиял г1олохъаби, къулула гьезие бут1рул. Ч1аго хут1арал К1удияб Ват1анияб рагъул г1ахьалчаг1азда баркула К1удияб Бергьенлъиялъул къо. Гьарула гьезие киназего щулияб сахлъи, ракълилаб, халатаб г1умру, парахалъи.

Гьале исанаги К1удияб Бергьенлъиялъ 69 сон т1убаялъул байрам баркизе районалъул г1адамазе социалияб хъулухъ гьабиялъул централъул ва «Росдал зах1матчи» газеталъул вакилзаби ун рук1ана Хунзахъ ва Бакьагьеч1и росабалъ ч1аго ругел рагъул ва зах1маталъул ветераназухъе раккизе.

Автор.К.Г1абдуразакъов. Май 2014с.

Бит1ун г1олохъанлъи т1егьалеб г1ужалъ т1ад ярагъ борчине ккана Хунзахъа Къебедов Х1амидицаги. 18 соналъул г1умруялда вук1ана гьев 1941 соналъул июналда Ват1ан ц1унизе axlapaб мехалъ. Рагъулаб хъулухъ гьабизе ккана 18 армиялъул 318 кьвагьдохъабазул дивизиялъул 1339 полкалъул автоматчиказул ротаялде. Гьев вук1ана х1инкъи-къай гьеч1ев, тирияв, лебалав, командованиялъул буюрухъ т1ад калам бук1унаредухъ т1убазабулев рагъухъанлъун. Къокъаб заманалда Къебедов вахъана ротаялъул старшиналъун.



 

Автор Р.Х1амзатов.Май 2014с.

Гьале 69 сон сверана миллатал г1емераб улкаялъул гъункиги гучги бихьизабураб, дунялалдаго кверщел гьабизе къасдалда т1аде вач1арав вах1шияв тушманасе кьварун жавабги кьун, т1олабго Европа фашизмалъул квач1икьа эркен гьабураб пачалихъалъул аслияб байрам-9 май к1одо гьабулелдаса. Дагьлъулел руго жидер хадусел г1елазул бук1инеселъе, эбелаб Ват1аналъе г1оло К1удияб Ват1анияб рагъулъ рух1алда барахщич1ого къеркьаразул кьерал. Ч1аго ругезулги г1емерисел рагъда ккараб сакъатлъиялъ унта-щокълъун къват1ире рахъунел гьеч1о. Жакъа районалда рагъул ветераназул 13 чи хут1ун вуго.

Бищунго ракълилаб махщел т1аса бищун бук1ана Хунзахъ районалъул Шотот1а росулъа Г1алибегов Сайбулаца. Гьес лъуг1изабуна Ростовалда педучилище. К1удияб гъира бук1ана гьесул г1ун бач1унеб г1елалда г1елму малъизе. Х1алт1ана Г1ахьалч1и, хадуб г1агараб росдал школалда. Т1огьолъ бук1ана г1олиласул г1умру. Анищал бечедал, хиялал гьарзаял рук1ана гьесул. 1941 соналъул апрелалда гьабуна хъизан. Рек1ел пикру данде кколей жидерго росулъа Х1ажимух1амадова Мигъица Сайбулал рокъобе босун бач1ана роц1араб гвангъараб зоб. Хинал бакъул ч1орал, рохел, аваданлъи, бук1инеселде хьул, рек1ел бащалъи. Сайбулал рокъоб бук1ана релъи-хъуй, аваданлъи. Амма, наг1ана батаял фашистаз, гьеб кинабго бец1аб сардиде сверизабуна. Рагъ байбихьун бокьигун армиялде ана. Ц1алула Буйнакскиялда, цинги рагъулаб училищеялда-лейтенантасул чингун рагъде вит1ула гьев. Гьенисан рач1арал руго гьал кагътал. Гьазул маг1наялъухъ балагьун нилъеда к1ола Сайбулал рагъул нухаздасан рилълъине, гьесул пикраби, анищал, рек1ел х1ал бич1ч1изе.

 

Автор.Мух1амадрасул Гьиматов.Апрель 2014с.

Дида цебе буго маг1арулазул г1олохъанал ясал-поэтессаби, прозаикал Могьохъа (Хьаргаби район) У. Салих1овалъул, Ч1арадаса П. Г1абдурах1мановалъул, Мариза Мух1амадовалъул, Жамиля Г1абдулаевалъул, нилъер ракьцояй «Росдал зах1матчи» газеталъул редактор П. Мух1амадовалъул ва Шамил районалъул Ракьуса Рабият Къурбановалъул цадахъаб (соавторлъиялъул) куч1дузул ва харбазул 230 гьумер бугеб «Т1угьдул» абураб, берцинго къач1араб мажмуг1. Гьеб данде гьабун, къват1ибе биччазе х1адурун буго Г1. Г1алиевалъ

Автор.М.Х1анапиев.Апрель 2014с.

К1удияб бут1а лъуна г1урус учителас дол рик1к1адал рагъда хадусел соназ улкаялда лъай борхизабиялъул х1алт1улъ. Гьанжего-гьанже педтехникум, институт лъуг1арал г1олилал, хасго ясал рит1улел рук1ана Совет союзалъул бищунго рик1к1адал, нахъе ккарал бак1азде г1ун бач1унеб г1елалъе тарбиягун лъай кьезе. Гьезул цо бут1а бач1ана Дагъистаналдеги. Рач1ана цоял рак1алъ ах1унги цогиял жидее бихьизабурал заманалъги х1алт1ун г1агараб гъанситухъе-эбел-инсул рокъоре т1адруссинелъунги. Бат1а-бат1айса ккана гьезул къисмат. Т1адаб заманалъги х1алт1ун т1адруссаралги ккана, ккана абадиялъего гьанир хут1аралги.

Автор.Тимур Атаевасул статья къокъ гьабун газеталъе х1адурана Г1.Г1исаевас. 2014 с.

Имам Шамилил машгьурав наиб Х1ажимурадил х1акъалъулъ тарихчаг1азда гьоркьоб гуребги рук1уна бах1сал. Жамаг1аталъги г1емер бицуна гьесул г1умрудул нухалъул. Цоял къеркьолел руго къаркъалаги бет1ерги цолъизабун. Кавказалъул рагъул к1удияв рагъухъанасул жаназа ракьулъ букъеян, цогидаз байбихьун буго «Х1ажимурад. Жизнь на вершине отвагиян» ц1ар бугеб кино бахъизе лъабабилез, ц1ар арав маг1аруласул г1умруги бич1ч1ич1ого, Х1ажимурадиде хилиплъиялъул г1айибги г1унт1изабулеб буго. ДГУялъул профессор, «Аваразул милиябгун культурияб автономиялъул правлениялъул член Тимур Айтберовас «НД» газеталъул ц1алдохъабазе Х1ажимурадил х1акъалъулъ жиндирго пикру г1ахьал гьабулеб буго.

«Сундасаго цебе лъазабизе ккола Россиялъул империялда Х1ажимурадица кколеб бук1араб бак1,- ан рик1к1унеб буго Айтберовас. -Гьайгьай Л. Н. Толстояс жиндирго асар «Х1ажимурадилалда» г1адин бах1арчиясул хасият лъицаго рагьиларо. Толстояс жиндирго къисаялда кьун буго маг1аруласул гвангъараб хасияталъул сурат ва дагъистаниязул психология рагьун буго.

Автор.Х1.Г1абдулаев.Апрель 2014с.

Октябралъул революция ккун т1оцересел къояз г1уц1ана Россиялъул милиция.

Россиялдаго г1адин, революция ккун т1оцересел соназ т1обит1ана Дагъистаналдаги такъсирчилъи, шагьараздаги росабалъги рах1ат хвезабулеб бук1ана бикъа-хъамиялъ гъачагълъиялъ. 1920 соналъ ц1акъго зах1матаб х1ал бук1ана Дагъистаналда. Г1олохъанаб республикаялде данде ч1араз жигар бахъулеб бук1ана т1олабго халкъалъул рук1а-рахъин жидерго кверщаликье бачине.

Автор.Атикат Мух1амадова.Апрель 2014с.

Гьаб соналъул 11 апрелалда Мах1ачхъалаялда республикаялъул «Дом дружбы» к1алг1аялда т1обит1ана Хунзахъ районалъул г1олилазул ва интеллигенциялъул вакилзабазул к1иабилеб форум. Нилъер г1емерал ракьцоязул, хасго районалъул нухмалъулезул х1аракаталдалъун гьеб форум лъугьана лъик1аб пайдаяб г1адатлъун. Бихьизабизе ккола исана С. Юсуповасул жигарчиялдалъун т1обит1араб гьеб т1адег1анаб даражаялда араблъи. Гьединал тадбираз г1олилал гьет1изарула лъик1аб ц1алиялде ва жамг1ияб х1аракаталде.

 

Автор.П.Гунашева.Март 2014с.

Ч1ужуг1адан т1абиг1аталъ заг1ипайлъун йижун йик1аниги, дандч1валел зах1малъабаз гьей лъугьинаюлей йиго къвак1арайлъун. Къват1исаги рукъалъулги х1алт1иги, хъизан-лъималги берцинго цадахъ махщалида рачуна гьелъ. Къойидаса къойиде ц1и-ц1иял технологиял раккулел, церет1олел заманаялъ бихьиназда бащад нухмалъи гьабулеб буго руччабаз чанги жавабчилъи ц1ик1к1арал г1уц1абазе. Берцинай, г1акъилай, сабруяй, ч1ух1и, гогьдари гьеч1ей-гьединай йиго маг1арул ч1ужуг1адан.

Автор.Майя Патаг1алиева.2014с.

Садакъа кьезе ккола кваранаб квералъ, квег1алда лъаларедухъ

Мух1амад ва Зиявудин Мух1амадовазул ц1аралги ишалги раг1ич1ев чи Дагъистаналда къанаг1атги ватиларо. Гьел г1олохъабазул эбел Парханисай Шуг1айбова маг1арулазда лъала сахаватай г1адан х1исабалда. Къварилъи-балагьалде ккаразе кумек гьабулаго т1амулеб буго гьелъ г1умру.