Х1урматиял К1удияб Ват1анияб рагъул г1ахьалчаг1и, т1олабго районалъул жамаг1ат!

Рак1-рак1алъ баркула нужеда Бергьенлъиялъул къо-9 май!

Гьале 67 сон сверана тарихалда бищунго вах1шияб, бищун г1емер г1адамазул биял г1одоре т1ураб, халкъазул ва пачалихъазул буголъиялъе ками ккараб рагъ лъуг1аралдаса. Гьединлъидал цойгидал байрамазде данде жиндирго т1ок1лъиги, т1адег1анлъиги бугеб гьеб Бергьенлъиялъул къо хут1ана нилъее бищун хирияблъун ва к1одо гьабулеблъун. Ина жеги г1емерал санал амма абадиялъ к1очене гьеч1о нилъерги, нилъер лъималазулги бук1инеселъе г1оло къеркьаразул бах1арчиял ишал, Бергьенлъи г1агарлъизабизелъун заманаялъухъ, бихьулеб къоялъухъ ралагьич1ого тылалда х1алт1аразул багьадураб зах1мат.

Х1урматиял К1удияб Ват1анияб рагъул г1ахьалчаг1и, хириял районцоял! Къимат т1ок1аб байрамги баркулаго, нужер щивасе гьарула талих1ги рохелги, роц1ц1араб зобги, нилъер к1удияб улкаялда парахалъиги.

Районалъул администрациялъул бет1ер Х1. Дарбишев.

Райсобраниялъул председатель Х. Хваджаев.

Районалъул ветераназул советалъул председатель Г1. Г1алих1ажиев.

Автор.Расул Х1амзатов.Май 2012г.

Лъаларо лъица ва кида т1оцебе  гьеб т1обит1изе  байбихьи лъурабали, амма ч1ах1иял г1елаз гьабулеб батун,  жакъаги рехун теч1еб лъик1аб г1адатлъун лъугьун буго районалда росдал маг1ишаталъул   церехъабиги к1одо гьарун санайил  т1обит1улеб тадбир.«День чабана», «г1и-боц1ухъанасул къо»,  ц1ар бокьараб абе, районалъул экономикаялъул аслияб бут1а -  г1и-бац1ухъанлъи  цебе бачиналъе квербакъулел хурухъабазеги, т1олалго росдал зах1матчаг1азего  г1ахьалаб байрамлъул  лъугьун буго гьеб. Аби буго  ихдалил цо къоялъ лъаг1елго хьихьулилан,  киг1анго ихдалил х1алт1абазул завал бук1аниги заман батула киназдаго гьенир г1ахьаллъизе. Исанаги г1емерисезул г1ахьаллъигун  г1уц1адго ана гьеб тадбир Хизроевасул ц1аралда бугеб колхозалъул «Языковка» гъутаналда.  Ихдалил  «формагун» гъвет1-рохь, г1урчинхарица  бацараб сверухълъи, т1абиг1атго бук1ана гьеб къоялъ  байрамалъулаб ах1вал-х1алалда, къогицин бач1ана бакъулаб, хинаб.

Автор.Г1абидат Ибрагимова Гьоц1алъ гьоркьохъеб школа.Май 2012г.

Гьоц1алъа Гьиматов Шапиг1ил х1акъалъулъ г1емераб хъвана. Шапиг1 Мух1амадович вук1ана унго-унгояв маг1арулав, ях1-намус т1ок1ав инсан, бажари бугев г1уц1арухъан, К1удияб Ват1анияб рагъул х1аракатав г1ахьалчи, жиндир т1олабго г1умру  г1ун бач1унеб  г1елалъе  лъик1аб лъай ва тарбия кьеялъе сайгъат гьабурав, районалда ва  республикаялда машгьурав педагог.