Среда, 28.02.2024, 18:45 | RSS | Приветствую Вас Гость
Главная | Регистрация | Вход
Меню
Последние номера

18 август 2023 г. № 33 (10387)

11 август 2023 г. № 32 (10386)

4 август 2023 г. № 31 (10385)

28 июль 2023 г. № 30 (10384)

21 июль 2023 г. № 29 (10383)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2023 » Декабрь » 29 » РАЙОНАЛЪУЛ БЕТlЕРГИ ВИЩАНА, БЮДЖЕТГИ КЪАБУЛ ГЬАБУНА
18:18
РАЙОНАЛЪУЛ БЕТlЕРГИ ВИЩАНА, БЮДЖЕТГИ КЪАБУЛ ГЬАБУНА

20 декабралда райадминистрациялъул залалда тlобитlана райсобраниялъул депутатазул анкьабилеб ахlиялъул къоабилеб сессия. Гьелда гlахьаллъи гьабуна районалъул нухмалъиялъ, Собраниялъул председатель Мухlамад Мухlамадовас, цо-цо бегавулзабаз ва цогидазги.  


Данделъаразе саламги кьун, сессия рагьана председатель Мухlамад Мухlамадовас. Гьелда гьоркьор лъун рукlана “Хунзахъ район” МРалъул Бетlер вищиялъул; районалъул 2024 соналъул бюджет тасдикъ гьабиялъул; депутатазул Собраниялъул планалъул; халгьабиялъулгун хlисабалъул палатаялъул (КСП) 2024 соналде хlалтlул планалъул, муниципалитеталъул ракьалда гlи-боцlи хьихьиялъул правилаби тасдикъ гьариялда хурхун росдал магlишаталъул отделалъул проекталъул ва 2024 соналде районалъул социалиябгун экономикияб цебетlеялъул прогнозалъул хlакъалъулъ суалал.    

Узухъда, аслияблъун букlана районалъул бетlер вищиялъул суал. Гьелда хурхун сессиялда гlахьаллъи гьабизе рачlун рукlана республикаялъул нухмалъиялъул аппараталъул вакилзабиги. ДРялъул Бетlерасул жанисеб политикаялъул ва бакlалъулаб нухмалъиялъул рахъалъ управлениялъул начальникасул заместитель Гlали Ибрагьимовас бицана гlаммаб къагlидаялъ конкурсалъулаб комиссиялда гlахьаллъи гьабизе документал кьун рукlанин 6 чияс. Гьездасан кlиабилеб этапалде риччан рукlанин 5 чи. Гьезулги жалго рищиязде риччан руго кlигояв - Нурмухlамад Задиев ва цебе Гlобода росдал вукlарав бегавул Къебеддибир Дибирдадаев. Депутатаз хlукму гьабуна гьаркьал кьей рагьараб къагlидаялъ тlобитlизе. Гьедин, сессиялда гlахьаллъи гьабурал 46 депутатаздасан 39 гьаракьги щун, Нурмухlамад Задиев вищана кlиабилеб болжалалдаги районалъул бетlерлъун. 7 депутатас жиндирго гьаракь кьуна Къебеддибир Дибирдадаевасе.   
 

Кlиабилеб суалалда хурхун баян кьуна финотделалъул начальник Хlайдар Хlайдарбеговас. Гьесул рагlабазда рекъон районалъул 2024 сонил бюджеталъул тlаде бачlунеб бутlа бахунеб буго 1 миллиардгун 70 миллион гъурщиде, гьездасан 790 млн кколеб буго республикаялъул бюджеталдасан рачlунел сурсатал, тlаса унеб - 1 миллиардгун 70 миллион, гьелдасан гlицlго харжазе бихьизабун буго 788 млн гъурущ.  
Мухlамад Мухlамадовас къокъго бицана райсобраниялъул ва халгьабиялъулгун хlисабалъул палатаялъул тlасияб соналде хlалтlулал планазул хlакъалъулъ.  

 

Росдал магlишаталъул отделалъул начальник Мухlамад Гlалиевас бицана муниципалитеталъул ракьалда гlи-боцlи хьихьиялъул правилаби тасдикъ гьариялъул проекталъул хlакъалъулъ. Гьес абуна жакъа гlемерисез хурзал рекьулел гьечlин гьел чияр гlо-боцlуца хвезарулел ругиланги абун. Магъил гlадлу гьечlолъиялъе законалда рекъон ахир лъезе малъулел нухалги рихьизарун ругин рехсараб проекталдаян тlадеги жубана гьес.    
Повесткаялда букlараб ахирисеб суалалъул бицана районалъул бетlерасул заместитель Асадгlали Гlабдуразакъовас.  

 

“Диде гьабураб божилъиялъухъ баркала кьезе бокьун буго республикаялъул Бетlерасе, Бетlерасулгун Хlукуматалъул администрациялъе, депутатазе, тlолабго дир командаялъе ва гlадатаб халкъалъе. Гьединго баркала буго дида данде чlаразеги, щайгурелъул, оппозиция гьечlони, тlалъиялда ругел гlодоре риччала ва хlалтlиги чучлъула. Районалъул бетlерлъуда вугеб тlоцебесеб болжалалда ракlалда букlана гlемераб хlалтlи гьабизе, кинабго бажаричlониги, гьелъул цо къадар гьабизеги гьабуна. Хlаракат бахъила кlиабилеб болжалалдаги церехун ккарал гъалатlалги хlисабалде росун, нужгун цадахъ район цебетlеялъе гурун гъуждулгун хlалтlизеян”, - абуна Нурмухlамад Задиевас.   
Гьоркьор лъун рукlарал суалазда хурхун гьарурал кlалъаязухъги гlенеккун депутатаз къабул гьаруна дандрекъон кколел хlукмабиги.   

 

И. Мухlамадов.     

Просмотров: 78 | Добавил: zaxrosdal | Рейтинг: 0.0/0

by NiGMaT © 2024 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz