Киса-кибго улкаялда рагьун ва рагьулел руго «Единая Россия» партиялъул жамг1иял приемниял. Гьенире рач1унел руго жиде-жидер
г1унгут1аби – масъалабигун, кумек гьарун
г1адамал. Гьал г1агарал къоязда Хунзах райадминистрациялъул бет1ерасул х1укмуялдалъун ва республикаялъул т1алъиялъул
бихьизабиялдалъун, Хунзахъ
районалдаги рагьана ДРялъул
халкъияб собраниялда вугев нилъер
ракьцояв депутат Мух1амад
Мух1амадовасул жамг1ияб приемная («Единая Россия» партиялъул ). Депутатасул кумекчаг1азул раг1абазда рекъон, киназдего г1агарун г1адамазе гьабулеб буго бажарараб кумек. Чанго чи вач1ун вуго депутатасда
дару-сабабалъе, х1алт1улаб г1уц1иялъе
г1арцулаб кумек гьарун, гьезул чангоязе гьес кумекги гьабун буго. Рач1унел руго г1адамал гьединго х1алт1уде лъугьиналъулъ, жиде-жидер росулъе
лъел мухъ бачиналъулъ, рук1а-рахъиналъе шарт1ал г1уц1иялъулъ квербакъи гьарунги.
Г1адамазда бич1ч1улеб гьеч1о цойгидал,
иш т1аде кколел идарабаздасан
кумек щвеч1еб мехалъ гурони,
республикаялъул т1алъиялдасан
кумек т1алаб гьабизе депутатасул
ихтияр гьеч1еблъи. Амма кин бугониги,
приемниялде рач1аралщиназухъ г1енеккана ва щибаб суалалда хурхун
тадбирал гьарулел руго. Г1агараб заманалда приемниялъул
х1алт1ухъабазда рак1алда буго бак1-бак1азде хьвадун г1адамазул
рук1а-рахъиналъул хал гьабизеги.
Гьединго
«Одноклассники» сайталда рагьун
буго депутатасул интернет – приемная.
Халкъияб собраниялъул депутат, «единорос» Мух1амад Мух1амадовасул
приемниялде рач1ине бокьараз ах1изе
бегьула 89887729933 номералде.
Приемная буго Г1арани росулъ, электронияб почалъул адрес: nsrdhunzah@mail.ru .
|
