Автор.Х1ажидадаева Аминат.Август 2014с.

Гьал къоязда «РИА новости» сайталдасан дида лъана Калининградалда т1обит1араб т1олгороссиялъул учтарзабазул (ювелиразул) конкурсалда, Гьоц1алъа Мух1амадг1алиев Султ1анах1мадие «Махщел камилав устар» абураб диплом ва гьелдаго цадахъ хасаб премия щванилан.

Районалда Султ1анах1мад лъала г1емерал соназ Гьоц1алъ художественнияб комбинаталъул директорлъун ва бет1ерав художниклъун х1алт1улев вук1иналдасан.

Рак1алде ккун бук1инч1о, гьанже пенсиялде ун хадусаги, гьев творческиял х1алт1аби гьарулев ватилилан.

Автор.Ф.Мух1амадова.Август 2014с.

Районалда ФСБялъул ц1ияб мина х1алт1изе кьуна.

Ниж – бац1ц1адаб районалъе г1оло!

Райцентралда кинотеатр – бук1ине!

Автор.П.Гунашева Август 2014с.

Сахаб боц1и г1езабиялда бараб буго инсанасул сахлъи ц1уни.7 августалда райадминистрациялъул данделъабазул залалда т1обит1ана ветеринариял х1алт1ухъабазул совещание. Совещаниялда г1ахьаллъана районалъул бет1ер С. К. Юсуповги.Данделъиялда гьоркьоб лъураб аслияб суал бук1ана ветеринариял х1алт1ухъабаз т1оцебесеб бащдаб лъаг1алида гьабураб х1алт1ул х1асилазул х1акъалъулъ. 

Автор.Ш.Г1алиев,районалъул музеялъул директор.Август 2014с.

Умма (Умалхайр) Муратовна Х1ажи-Мурат гьаюна 1905 соналъул 10 январалда Авар округалъул Хунзахъ росулъ Кавказалъул рагъул бах1арчиясул вас Гьит1инов Х1ажи-Муратие.Уммал эбел Зулх1ижат йик1ана революционер Мух1амадМирза Хизроевасул к1удияй яц. Эменги хун хут1арай 3-4 сон барай гьей г1емераб къо бихьун г1езаюла эбелалъ. Гьелъие сундулъго квербакъи гьабула Мух1амадмирзаца. Г1ун яч1уней йик1уна ц1одорай ва сундулго рахъалъ бег1ерай яс. 

Автор.Н.Г1алиева.2014с.

Дагьаб цебег1ан, ниж редакциялъул х1алт1ухъаби ун рук1ана Уздалросу, Т1агьада, Хъах1ик1к1ал росабалъе. Хал гьабуна кинаб ах1вал-х1алалда гьел росабазул г1адамаз г1умру гьабулеб бугебали, гара-ч1вари гьабуна росдал  цо-цо г1адамазулгун. Рехсарал росабазул администрациялъул бет1ер Х1асанов Рах1матулагьидаги нижедаги гьоркьоб ккана гьадинаб гара-ч1вари:

Автор.П.Гунашева.Август 2014с.

Инсанияталъул г1умруялъулъ, кида бук1аниги, аслияб бак1 ккураб, г1адан хьихьараб бут1алъун ккола росдал маг1ишат. Ц1и гьабун г1уц1иялъул заманалдаса байбихьун, г1емерисел даран-базаралдеги руссун, ц1акъго г1одобе ккана гьелде улкаялъ кьолеб к1варги, риххана, ч1унтана Союзалдаго ц1ар раг1арал колхоз-совхозалги. Кин бук1аниги, нилъер районалда ц1унизе к1вана колхозал (гьанже СПКял). Г1агараб улка росдал маг1ишат бахъинабич1они, къват1исел пачалихъаздаса ричун росарал, г1езег1ан багьаял, г1емериселъул жидер пайдаялдаса зарал ц1ик1к1арал ниг1матаз хайир кьолареблъиги бич1ч1ун, санал анаг1ан улкаялъ дагь-дагьккун байбихьана гьелде к1вар буссинабизе. Росдал маг1ишат г1езебизе пачалихъалъ гьабулеб кумекалъул (субсидирование) бицеян дица гьарана районалъул росдал маг1ишаталъул управлениялъул  специалистазда. Гьелъул х1акъалъулъ баян кьуна УСХялъул бет1ерай бухгалтер Мусаева Паврузатица

Автор.Ф.Мух1амадова.Август 2014с.

Райцентралда ва сверухъ ругел росабалъ рац1а-ракъалъи гьабулел, гъут1би рохьулел,  т1егь-хер лъалъалел гьит1инал лъималазда  бер к1ут1ич1ев чи нагагьги ватиларо районцоязул.

Автор.Ф.Мух1амадова.Август 2014с.

Цересел соназ бук1инч1еб х1алалъ, г1ат1идго к1одо гьабуна исана Дагъистаналъул Конституциялъул къо нилъер районалда. Гьаниб бук1ана кинабго: г1аммаб ихтилат-кепги, баркиялъулал к1алъаялги, беричал миллиял рет1елалги, аваданлъиги…

Ккурал к1алалги гьабураб г1ибадатги къабул гьареги!

Х1урматиял районцоял-диналъул вацалги яцалги!

Рак1-рак1алъ баркула нужеда бусурбабазул динияб ва рух1ияб г1умруялъул т1ей гьеч1еб бут1алъун кколеб, нилъер щивас жиб лъик1ал ишаздалъун, гурх1ел-рах1муялдалъун, рух1ияб камиллъиялдалъун ва къадру т1адег1анлъиялдалъун к1одо гьабизе х1аракат бахъараб Рамазан моц1алъул ахирлъун кколеб К1албиччаялъул г1ид!

Биччанте гьаб къадруяб моц1алъул гурх1ел-рах1му нилъер щибаб къойилаб г1умру цадахъаблъун бук1ине. Щибаб рокъобе, щибаб хъизамалде рохелги, рекъелги, хинлъиги босун бач1араблъун батаги нилъее гьаб баракатаб байрам. Ккурал к1алалги гьабураб г1ибадатги Аллагьас къабул гьабун, нужее Алжаналъе рагьараб кавулъун лъугьаги, х1урматиял ракьцоял!

Райадминистрациялъул бет1ер С. Юсупов.

Автор.П.Гунашева.Июль 2014с.

Советияб заманалда ц1ик1к1араб к1вар кьолеб бук1ана лъималазе школалда ц1алиялде гуребги, класстун къват1ибехунисеб х1алт1иялдеги. Лъималазул рес бук1ана дарсаздаса хадуб жидеего рек1ее г1ураб кружокалде хьвадизе, гьит1инго бокьараб махщел лъазабизе. Гьанжеги райцентралда бугеб лъималазул творчествалъул рукъалде, лъималазул искусствалъул школалде ва спортшколазде т1аде ккола школаздаса хадуб лъималазулгун гьабулеб х1алт1и. Гьел учреждениял ц1ик1к1унисел росабалъ гьеч1елъул, г1емерисел лъимал ч1ах1иязул бербалагьи гьеч1ого жалго жидедаго бокьараб гьабизе хут1улел руго. Гьелъ чанги лъималазул г1адлу холебги буго. Районалда вугев г1овул г1ужде рахинч1ел лъималазул ишазул ва гьезул ихтиярал ц1униялъул рахъалъ бет1ерав специалист Гъайирбеков Зубайриде т1аде ккола гъалмагъир гьабурал, жамг1ияб г1адлу-низам хвезабурал лъималазулгун х1алт1и гьаби. Гьал къояз дие гьес бицана жиндирго х1алт1ул х1акъалъулъ.

Автор.Н.Г1алиева.Июль 2014с.

Г1умаров Мух1амад Г1абдурах1манович гьавуна 1976 соналъ Гьоц1алъ росулъ. Гьеб росдал гьоркьохъеб школа лъуг1ун хадуб ц1ализе лъугьана Дагъистаналъул политехникияб институталъул энергетикаялъул факультеталде. Зах1маталъулаб ишалде байбихьана 2002 соналъ контролерасул хъулухъалдасан. Х1алт1ана Дагъэнергосетазул ревизиялъулаб отделалда.Хадубги ц1алун лъуг1изабуна Дагъистаналъул правовая академияги.Энергетикаялде бугеб рокьиялъ ц1идасанги вачана энергосетазде. 2013 соналдасан байбихьун х1алт1улев вуго Хунзахъ энергосетазул начальниклъун.Районалъул г1адамазул г1арзал рук1уна дагьабниги гьури бахъаниги, г1азу баниги, пири пирхун ц1адал раниги, рокъоб ток ссун унилан. Щай гьеб гьедин бугебали лъазелъун ва цогидалги токалъул мухъазда ккарал хиса-басиязул, г1олел-г1оларел рахъазул бицеян нижеца гьарана районалда бугеб энергетикиял сетазул начальник Г1умаров Мух1амад Г1абдурах1мановичасда. Гъоркьехун бахъулеб буго гьесдаги нижедаги гьоркьоб ккараб гара-ч1вари. 

Автор.Н.Г1алиева.Июль 2014с.

Гьал къоязда районалъул г1адамал социалияб рахъалъ ц1униялъул управлениялъул, г1адамазе социалияб хъулухъ гьабиялъул централъул х1алт1ухъабигун цадахъ ниж щвана Уздалросулъе хъулухъалъулаб сапаралъ. Нижер х1алт1ул мурад бук1ана росабазул г1адамазул г1умру лъазаби, г1олел, г1оларел рахъал ц1ехей, г1адатиял г1адамазулгун гара-ч1вари гьаби. Т1оцебе рехсараб росулъе ниж щведал, годек1анир г1одорги ч1ун росдал г1умруялъул, маг1ишат яшавалъул бицунел ратана нижеда цо-цо г1адамал. Гьезда гъорлъе журана ниж редакциялъул ва телевидениялъул х1алт1ухъабиги.

Автор.П.Гунашева.Июль 2014с.

Дагьал церег1ан къоязда тохтурзабиги, г1адатиял г1адамалги разияб, рохалилаб иш ккана Г1арани централияб больницаялда. Гьениб ремонталдаса хадуб рагьана лъимал гьарулезул отделение. ЦРБ-ялъул бет1ерав врач Мусаев Мух1амадгун дун щвана лъимал гьарулезул отделениялъул киналго палатабазде. Гьений ятарай к1удияй акушеркаялъул ишал т1уралей Х1амзатова Сакинатица дие бицана отделениялда ругел бак1азул, аппратазул, медицинаялъул алатазул. Кинабго х1ажатабщинаб лъун х1адурун буго лъимал гьарулеб зал. Гьабун бахъарабго лъимер бачуна гьарурал лъималазул интенсивнияб палатаялде.

Автор.Ф.Мух1амадова.Июль 2014с.

Арал г1одоркъояз живго Дагъистан Республикаялъул бет1ер Рамазан Г1абдулат1иповги г1ахьаллъун Шамил ва Хунзахъ районазде нухал рикьулеб бак1алда-Заг1иб росдада аск1об рагьана ункъго районалъе жиб г1ахьалаб асфальталъулгун бетоналъул завод (АБЗ). Республикаялъул бет1ер гуревги, завод рагьиялъул тадбиралда г1ахьаллъизе районалде рач1ун рук1ана Дагъистаналъул Х1укуматалъул ва Бет1ерасул Администрациялъул нухмалъулев Рамазан Г1алиев, республикаялъул сахлъи ц1униялъул ва лъай кьеялъул министрал Танка Ибрагьимов ва Шагьг1абас Шагьов, «Сумма» къокъаялъул Дагъистаналда вугев вакил Мух1амад Сайпудинов ва гь. ц.

Автор.А.Мух1амадова.Июль 2014с.

Х1урматиял гьалбалгун, эстрадаялъул кеч1-бакъангун Хунзахъ Расул Х1амзатовасул ц1аралда бугеб спорткомплексалъул азбаралда районалъул администрациялъул ва районалъул г1олилазул комитеталъул х1аракаталдалъун т1обит1ана «Г1олилазул къо» байрам.