Унго-унголъунги районги бокьулел гьаниб
лъугьунеб-толелъулги ургъел бугел г1адамал дагьал гьеч1о хунздерил. Рокьизе ва
ч1ух1изе бач1уна гьединазул ишаздаса, гьез гьабураб кумекалдаса.Районалъул лъималазулгун г1олилазул спортивияб школалъулги
руго гьединал сахаватал гьудулзаби, г1олеб г1ел рух1иябги сахлъиялъулабги
рахъалъ церет1ураллъун лъугьинариялъе кидагосеб кумек бук1инабулел ракьцоял.
Гьел ккола кире къецазде ДЮСШялъул спортсменал-дзюдоистал унел ругониги гьезие
финансовияб рахъалъ кумек бук1инабулел: ДРялъул Счетнияб Палатаялъул
председателасул заместитель, нилъер районцояв, Шагьадаса Хъазанбиев Хъазами
Исх1акъович ва жанисел ишазул органазул полковник Саг1идов Саг1адула
Г1умарович. Нижер г1исинал спортсменазда бич1ч1ула ва лъала гьел сахаватал
районцояз жидеего гьабулеб бугеб лъик1лъигун квербакъи ва кидагосеб баркала
кьола гьезие. Гьез сайгъат гьабуна нижее нижго г1ахьаллъарал турнираздасаги
къецаздасаги бахъаралъухъ балагьизе ДВДгун телевизор. ДЮСШялъул нухмалъиялъул,
тренеразул составалъул, секциязде хьвадулел лъималазул умумузул ва жалго
спортсменазул рахъалдасан рак1-рак1алъулаб баркала кьезе бокьун буго гьев
к1иявго лъик1ав инсанасе ниже кидаго гьабулеб кумекалъухъ, т1амулеб г1иналъухъ
ва гьаризе бокьун буго гьезие хадубккунги х1алт1улъ бергьенлъаби, хъизам-рукъалда
талих1, щулияб сахлъи, халатаб г1умру. Нижг1ан Аллагьги разилъаги нужедаса! ДЮСШялъул
дзюдоялъул тренер Къебедов Дайитбег.
|