«О ходе разграничения работ по разграничению муниципальной
собственности на землю в районе», «Об установлении опеки над
несовершеннолетними Хайбулаевым Русланом Музалалиевичем и Хайбулаевым Музалали
Музалалиевичем, Абдулаевым Магомедов Абдулаевичем и Абдулаевой Патина Абдулаевной,
Далгатовым Шамилем Шамиловичем и Далгатовым Магомедали Шамиловичем» абурал
суалалгун 22 февралалда данделъана «Хунзахъ район» МОялъул администрациялъул
коллегиялъул данделъи.
-Коллегиялъул данделъиялде г1ахьаллъизе ах1ун рук1ана
росабазул администрациязул бут1рул ва гьоркьор лъезе росарал суалазда хурхарал
управлениязул нухмалъулел.
Т1оцебесеб суалалдасан к1алъарав ракьазул комитеталъул
нухмалъулев Х1. Г1абасовас баян гьабуна ракьул г1урхъаби ч1езариялъул бугеб
х1ал. 2009 соналъ г1урхъаби ч1езабураб ракьул къадар бахун буго 47 гектаралде,
2010 соналъ-11 гектаралде, 2011 соналъ 8 гектаралде. Х1. Г1абасовас
данделъиялда рук1аразе баян гьабуна гьеб к1вар бугеб ишалъулъ ругел
г1унгут1абазул. К1алъазе рахъарал росабазул администрациязул бут1рул М.
Г1абдулбасировас, М. Патах1овас, Р. Х1асановас, С. Мух1амадовас, К.
Мух1амадкамиловас, районалъул архитектор М. Гьит1иновас к1алъаязда рагьана гьеб
суалалъулъ ругел г1унгут1аби, г1урхъаби ч1езариялде жидерго бугеб даг1ба.
К1алъазе вахъарав райадминистрациялъул юридическияб
отделалъул начальник Х1. Г1абдулаевас критика гьабуна жеги ракьазул
бет1ергьабилъун рахъинч1ел росабазул администрациязе ва Х1. Г1абасовасул
х1алт1улъ ругел г1унгут1абазе.
Коллегиялъ гьоркьоблъун дандбараб суалалъе данде кколеб
х1укму къабул гьабуна.
К1иабилеб суалалдасан информация кьуна М. Г1абдулпатах1овас
ва гьарана т1адехун ц1арал рехсарал саназде рахинч1ел лъималазда т1ад опека
ч1езабеян. Коллегиялъ г1арзабиги къабул гьарун Руслан Музалалиевичас ва Музалали
Музалалиевичас Х1айбулаевазда, Мух1амад Г1абдулаевич ва Пат1ина Г1абдулаевна
Г1абдулаевазда, Шамил Шамилович ва Мух1амадг1али Шамилович Т1алх1атовазда т1ад
опека ч1езабизе х1укму гьабуна. Коллегиялъул х1алт1и бачана
райадминистрациялъул бет1ерасул 1 заместитель Аммаев Х1амзатица.
Районалъул администрациялъул бет1ерасул пресс-секретарь Г1.
Г1исаев.
| 
