25 февралалда Хунзахъ № 1 гьоркьохъеб школалда 9-11 классазул васазда гьоркьоб т1обит1ана «Годен к строевой» рагъулабгун спортивияб х1ай. Цересел соназде дандеккун гьелда г1ахьаллъи гьабуна 9а, 9б классазул ц1алдохъабазги (гьел х1ана цоцазде данде). «Полоса препятствиялда» г1ахьаллъи гьабуна щибаб командаялдаса щу-щу васас, гьебин абуни бук1ана г1езег1ан зах1матаб. Гьаниб гьоркьоб рехсезе ккола х1аял Хунзахъ ДЮСШялда т1орит1анилан. Цин ц1алдохъаби рекеризе кколаан гъежда автоматги бан скамейкаялда т1асан, цинги гьебгун цадахъ хъурщизе кколаан хасаб решеткаялда гъоркьан, цинги гъеждаса автоматги бахъун г1одоб лъун, цойгидаб автоматалъ г1ужда реч1ч1изе кколаан. Цояб рахъалдасан «Шведская стенкаялдасан» т1аде харун ДЮСШялъул балконалъул цояб рахъалдасан цойгидалдеги рекерун гъоркье лъугьине кколаан цойгидаб стенкаялдасан ва гьениб г1ужда нус реч1ч1изеги кколаан. Гьел классазул ц1алдохъабазда гьоркьоб бит1ун г1ужда нус реч1ч1ана 10в классалдаса Цахаев Г1усманица. Хадусеб иргаялда лъимал турникалда ц1азе кколаан. Гьениб г1ахьаллъана щибаб командаялдаса 3-3 ц1алдохъан. Бищун лъик1ал х1асилал рихьизаруна 9-лел классазда гьоркьоб 9а-даса Мах1мудов Х1ажица, 10-11-да гьоркьоб 11б-даса Гьиматов Шамилица. Х1алуцарал х1аязул х1асилазда:

Т1оцебесеб бак1 щвана-10в,9б,кл.

К1иабилеб бак1 щвана-11в,9а,кл.

Лъабабилеб бак1 щвана-11а,кл.

Гьел гурелги бах1арчилъиялъул дарсал, хасал классный часал ва цогидалги тадбираздалъун к1одо гьабуна февраль моц1 т1адехун рехсараб школалда.

П. Гунашева.