Хунзахъ районалда бугеб Россиялъул ОМВД-ялъ 2018 соналъул 9 моц1алда жаниб жиндирго хъулухъ т1убазабулеб бук1ана аслиял цере ч1арал масъалабазда рекъон, ва гьединго районалъул г1урхъабазда бугеб такъсирчилъиялъул ах1вал-х1алалда рекъон.

Россиялъул Хунзахъ районалда бугеб ОМВД-ялъул аслиял масъалабилъун рук1ана ва гьабсаг1аги руго экстремизмалдеги терроризмалдеги данде гьабулеб къеркьей; нилъер г1адамазул эркенлъи, гьезул г1умругун сахлъи ц1уни, такъсирчилъиялде данде рагъ гьаби, жамг1ияб низам ва жамг1ияб х1инкъи гьеч1олъи ц1уни.

2018 соналъул 9 моц1ида жаниб районалда ккун руго 57 такъсирчилъиялъул х1ужжаби, гъоркьияб соналъул гьадинабго заманалда ккарал 54 -ялде данде ккун. Гьезда гьоркьоса – «бак1ал» ва «хасго бак1ал» такъсирчилъиялъул х1ужжаби 15. Г1аммаб уголовнияб рахъалъул такъсирчилъиялъул х1ужжаби ккун руго 36. Гьезда гьоркьосаги: «бак1ал» ва «хасго бак1ал» такъсирчилъиялъул х1ужжаби 5; следствие т1адал 13; следствие т1адаб гьеч1ел 23. Экономикияб рахъалъул такъсирчилъиялъул х1ужжаби ккун руго 21.

Араб 9 моц1ида жаниб рагьун руго 39 такъсир, гьезда гьоркьорги «бак1аздасан» рагьун руго 6.

Г1аммаб уголовнияб рахъалъул такъсирал рагьун руго 29, гьезда гьоркьобги «бак1ал» такъсирал 2.

Г1аммаб такъсирал рагьи бахун буго 92,9%. РД-ялда 88,9%. Гьезда гьоркьобги «бак1алги», «хасго бак1алги» такъсирал рагьи бахун буго 100%. РД-ялда 79,4%.

Г1аммаб уголовниял такъсирал рагьи бахун буго 90,6%. РД-ялда 88,2%.

Гьаб соналда гьал хадур рехсарал росабалъ ккун руго 13 такъсирал:

Хунзахъ–17; Г1арани-6; Бакьагьеч1и–2; Гьац1алу –1; Г1орот1а–3; Ч1ондокь–1; Ц1алк1ит1а–1; Харахьи–1; Нак1икь–1; Сивухъ–2; Гьоц1алъ–4; Уздалросо–1; Хьини–1.

Отчет кьолеб заманалда терроризмалъул хасиятал ругел такъсирал ккун руго 2. Экстремизмалъул хасиятал ругел такъсирал ккун гьеч1о. Гьебго заманалда Хунзахъ районалда КТО-ялъул низам лъазабич1о. ДТГ-ялъул къукъабазул жал ралагьулел ругел г1ахьалчаг1и районалда гьеч1о. Гьединал «Хунзахская» абураб ц1ар лъурал къукъаби 2017 соналъ т1убанго т1аг1инаруна.

2018 соналъул араб 9 моц1ил болжалада законалда данде кколареб къаг1идаялда ярагъ х1алт1изабиялъул ккун руго 9 такъсирал. Рагьун руго 8. Рагьараздасан 6 такъсир буго гьаб соналъул, 2 такъсир 2017 соналдасан рач1арал. Законалда данде кколареб къаг1идаялда наркотикал х1алт1изариялъул ккун руго 6 такъсир. Рагьун руго 4. Гьезда гьоркьосан: 228 ст. 5; 231 ст. 1; Рагьун руго 228 ст. 3; 231 ст. 1.

Хасаб т1алаб бугеб хъулухълъун ккола райцентралъулги росабазулги къват1ахъги цогидал бак1аздаги жамг1ияб низам ц1уни. Гьелъул х1алт1и т1ад къан буго УУП - алда, ИДПС - алда ва ППСП - алда. Гьез гьабураб х1алт1ул х1асилалда хъван руго 2129 административиял протоколал. Бат1и-бат1иял административиял такъсирал гьарун райотделалде щвезарун руго 44 чи.

Районалда жаниб араб 9 моц1алда машинаялъ 7 авария гьабун буго; ч1ван вуго 3 чи, лъукъун вуго 9 чи. Чиясе зарал ккеч1ел аварияби–12. ДПС–алъул инспектораз ц1ик1к1ун протоколал хъван руго хъач1го низам хвезабиялда сверухъ - 1539. Гьезда гьоркьосан:

- Гьекъон автотранспорт бачин (ст. 12,8ч.1; 12,26 ч.1 ва ч. 2 КоАП РФ) – 9;

-Х1инкъи гьеч1олъиялъул рачалаби рач1ого теялда бан (ст.12.6 ч.1 КоАП РФ) – 1239;

- Заманалда административияб г1ак1а кьеч1олъиялда бан (ст. 20.25 ч.1 КоАП РФ) - 38.

- «Праваби» гьеч1ого машина бачиналда бан (ст.12.7 ч.1 КоАП РФ) - 7;

- «Праваби» рахъун ругев чияс машина бачиналда бан (ст.12.7ч.2 КоАП РФ) – 4;

- «Праваби» рахъиялде рачунел такъсирал гьариялъул протоколал хъвана 18 (ГъСГьЗ – 81);

-Административияб жанир т1амиялде рачунел материалал судалде рит1и - 45;

Т1ад г1ак1а къот1иялъул хъварал Постановленияби – 1467; лъурал г1ак1абазул къадар – 1 612 950 гъур. Рахъарал г1ак1абазул къадар – 838 100 гъур.

Россиялъул Президентасул 2012 соналъул 7 маялъул указал т1уразариялъул ва гьединго х1укуматалъул хъулухъал лъик1лъизариялъул мурадалда Россиялъул МВД - ялъул Хунзахъ районалъул отделалда руго:

- ОМВД-ялъул дежурнияб часталъ г1адамазе жидеего бокьун дактилоскопиялъул регистрация гьаби;

- ОМВД-ялъул дежурнияб часталъ архивалъул справкаби, гьединго судимосталъул, уголовнияб хадубч1еялъул ялъуни уголовнияб хадубч1ей къот1изабиялъул х1акъалъулъ справкаби кьей;

- ОМВД-ялъул миграциялъул пункталъ хъулухъ гьабула гьеб миграциялда хурхарал киналго суалазе.

Судимосталъул справкабазул т1алаб гьабуна 66 чияс; Госуслуги РФ - ялъул порталалдасан электронияб формаялда – 66; т1убазабич1ого хут1ана г1арзаби – 0;

Жидеего бокьун г1адамаз гьарурал дактилоскопияби – 12;

Миграционияб пункталъ МФЦ – ялдасан т1убана 961 хъулухъ; гьезда гьоркьосан РФ – ялъул гражданазул паспортал щвана 685 чиясе;

РФ – ялъул госуслугабазул порталалдасан 2018 соналъул 9 моц1ида жаниб т1убана 537 хъулухъ; гьезда гьоркьосан: РФ –ялъул гражданазул ц1иял кьурал яги хисарал паспортал - 44; г1умру гьабулеб бак1алда г1адамазул регистрация гьаби – 437; жалго ругел бак1алда регистрация гьаби - 56;

Гьел киналго рехсарал хъулухъал т1уралаго очередалда ч1еялъул, яги жиндир ц1араб болжалалда хъулухъ т1убач1олъиялъул х1ужжаби ккезе теч1о.

Полициялъул начальник, майор М. Сайбулаев