Щибаб къойил г1адин т1орит1улел руго республикаялъул т1алъиялъ исана к1одо гьабизе бугеб Расул Х1амзатов гьавуралдаса 100 сон т1убай т1обит1иялъул оргкомитеталъул данделъаби. Х1исаб гьабе, 9 млрд гъурущ биччан буго Россиялъул т1алъиялъ нилъер шаг1ир, гьесул творчество к1одо, Расулил ц1ар абадияблъун гьариялъе!
Шаг1ирасул т1оцересел куч1дул жиндир гьурмаздасан ц1алдолезухъе щвараб районалъул казият нахъег1ан ч1ей бит1араблъун бихьуларо нижедаги. Гьединлъидал, нижерго бугеб къуваталда рекъон, руго нижерги гьаризесел тадбиразул план.
Расул Х1амзатовасул лъаг1елалъул х1урматалда, 20 январалда 20 августалде щвезег1ан, редколлегиялъ лъазабулеб буго Расул Х1амзатовасул кеч1 рик1к1иналъул ва гьесул х1акъалъулъ асар (макъала, кеч1) хъваялъул конкурс.
Гьеч1о ригьалъулаб г1орхъич1вай, г1ахьаллъизе бегьула бокьарал чаг1и.
Нижерго макъалаби (к1иго А 4 т1амачалдаса ц1ик1к1инч1еб кьабараб текст 10 п) ва видеоклипал рит1изе бегьула: kaziyat 2013@ mail.ru. rosdalzah@yandex.ru почалъул адресазде.
Гьел материалазда гьоркьоса газеталъул соцсетазда подписчиказ рищизе руго полуфиналалъе ва финалалъе бищун лъик1ал, хадуб жюриялъ рихьизаризе руго конкурсалда бергьаралги.
Раг1ул устарасул 100-сонилаб юбилей к1одо гьабулеб 8 сентябрь щвелалде, конкурсалда т1оцересел бак1ал ккурал к1одо гьаризе руго «Росдал зах1матчиялъул» грамотабаздалъун ва сайгъатаздалъун.
Г1ахьаллъи гьабе, х1албихье икъбалалъул, к1одо гьаве нилъерго Расул!
Адабгун редактор
| 
