Гьал къоязда г1умруялъул гьайбатаб юбилей к1одо гьабуна
Хунзахъ лъимал церет1езариялъул «Солнышко» централъул нухмалъулей Г1исаева Сиядат Таймасхановнаялъ.
1967 соналда Дагъистаналъул
пачалихъияб университеталдаги ц1алун яч1ана Сиядат Таймасхановна г1агараб районалде
учительницалъун х1алт1изе. Гьелъул х1алт1уде бугеб рокьиги бажариги бихьун,
1975 соналда Сиядат т1амуна Хунзахъ № 2
ясли-ахалда заведующаялъун х1алт1изе. Исана 37 сон т1убала Сиядат гьеб
х1алт1уда х1алт1улей йигелдаса. Гьелъул
бажариялдалъун ва к1вах1 лъалареб зах1маталдалъун ясли-ах бач1ана
районалдаго бищун церет1уразул
кьеразулъе, хадубги республикаялъул
муг1рузул районазда ругел ясли-ахазда гьоркьоб т1оцебе гьелъие кьуна «Лъимал
церет1езариялъул центр» абураб ц1ар. Гьаб жакъа къоялдеги г1иц1го «Солнышкоялъул» гурого гьеч1о гьединаб ц1ар.
Ясли-ах бан буго т1абиг1ат берцинаб,
аск1обго х1ор, пихъил гъут1би ругеб бак1алда.
Гьенибе жанибе лъугьарабго ккола маргьабазул дунялалде лъугьанин абун.
Берцинлъи гуребги бихьула мух1канлъиги лъималазе лъай босиялъе, гьел
церет1езариялъе х1ажатал киналго шарт1алги.
Цо нухалъ гуро ясли-ахалъе
т1оцебесеб бак1 щвараб ц1ияб ц1алул соналде гьабураб х1адурлъиялъухъ.
Щибаб санайил г1адин гьелъ росула цересел бак1ал. Чанго нухалда ясли-ахалъе щвана тарбия ва лъай кьеялъулъ рихьизарурал лъик1ал х1асилазе г1оло х1урматиял грамотаби,
пачалихъиял шапакъатал. Жийго Сиядат
Таймасхановна мустах1икълъана «ДРялъул лъай кьеялъул отличник» ва «РФялъул
лъайкьеялъул х1урматияй х1алт1ухъан» абураб ц1аралъе.
Баркула Сиядат Таймасхановнаялда гьайбатаб юбилей. Гьарула
чохое щулияб сахлъи, х1алт1улъ жеги ч1ах1иял бергьенлъаби, рак1алда ругел
мурадал т1урай, лъималаздаса ва гьезул лъималаздаса йохун хут1аги.
Лъайкьеялъул
управление
Профсоюзазул комитет.
|