 23 февралалъ Г1арани рагъулабгун спортивияб
лицеялда байрамалъул х1урматалда т1орит1ана г1ужда туманк1 реч1ч1иялъул,
турникалда ц1аялъул (военрук М. Мух1амадинов) ва волейболалъул (физрук М.
Ах1мадов) ч1ах1иял классазул васазда гьоркьор къецал.
Г1ужда туманк1 реч1ч1иялъе бищун лъик1ал х1асилал (личное)
рихьизаруна 11а-ялдаса Г1абдусаламов Жанбулатица, командаялъулаб т1оцебесеб
бак1 щвана 11б классалъе, к1иабилеб бак1-11а классалъе.
Турникалда ц1аялъе т1оцебесеб бак1 босана 11а классалъул
ц1алдохъан Г1умаров Мух1умаца.
Х1алуцараллъун рук1ана 8-11 классазда гьоркьор т1орит1арал
волейболалъул къецал. Гьезул х1асилал гьаридал т1оцебесеб бак1алъе
мустах1икълъана микьабилеб класс, к1иабилеб бак1 щвана 11 б классалъул
волейболистазе.
Лъималазе г1езег1ан интересаллъун лъугьана гьел къецал,
гьениб ц1алдохъабаз бихьизабуна жидерго бугеб махщел, гьунар, спорталдехун
бугеб рокьи. Ц1алдохъабаз бицана лицеялде ц1ализе рач1индал гьаниб физическияб
культураялдегун спорталде кьолеб к1вар ц1ик1к1араб батанилан жидедаян.
| 
