Пятница, 23.08.2019, 23:23 | RSS | Приветствую Вас Гость
Главная | Регистрация | Вход
Меню
Последние номера

2 Август 2019г.№32(10159)

26 Июль 2019г.№31(10158)

19 Июль 2019г.№30(10157)

12 Июль 2019г.№29(10156)

5 Июль 2019г.№28(10155)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2018 » Декабрь » 16 » «ДУН Ч1УХ1УЛА ВА ВОХУЛА»
21:59
«ДУН Ч1УХ1УЛА ВА ВОХУЛА»

Аби буго, эбелалъе ясги, инсуе васги рокьулин жидедасаго лъик1аллъун лъугьине. Унго-унгояв учитель вугони, гьесиеги рокьулин жиндаго цере ц1аларал ц1алдохъаби жиндасаго лъик1ал рук1ине ва гьев гьездаса ч1ух1унги вук1унилан.

Гьеб аби рит1ухъ гьабуна дие, гьал къоязда живго гьавураб къо к1одо гьабулев вугев Хунзахъ № 1 школалъул директор Атаев Расул Х1усенх1ажиевичас. К1удияб ч1ух1игун ва рохелгун бицана гьес цере ц1аларал ц1алдохъабазулги, гьезул церет1еязулги школалъулги х1акъалъулъ.

1970 соналъ Хунзахъ гьоркьохъеб школаги лъуг1изабун Дагъистаналъул пачалихъияб педагогикияб институталда щуго соналъги ц1алун, т1ад вуссана Расул Атаев г1агараб районалде х1алт1изе. Т1оцебе х1алт1ана районалъул Спортивияб комитеталъул председательлъун. Гьев ккола районалда т1оцебе дзюдоялъе ва самбоялъе кьуч1 лъурав чилъун. Хадуб гьев х1алт1ана Хунзахъ гьоркьохъеб школалъул класстун къват1ибехунисеб х1алт1ул г1уц1арухъанлъун. Гьенисан Расулил х1алт1уде бугеб гъираги, рокьиги бажариги бихьун гьесда т1ад къана директорасул х1алт1и.

Хунзахъ гьоркьохъеб школа ккола районалъул базовияб бищунго ч1ах1иял школаздасн цояблъун. Гьеб лъуг1аразда гьоркьор рахъана г1емерал врачалги, педагогалги, инженералги, г1алимзабиги, министралги ва цоги-цогидалги цебет1ураб х1албихьиялъул махщалилалги. Гьединаб школалъе нухмалъи гьабизе ккей к1удияб жавабчилъиги, лъайги, махщелги х1ажалъулеб х1алт1илъун ккола. Жакъа нижедаги Расул Х1усенх1ажиевичасдаги гьоркьоб ккана гьадинаб гара-ч1вари:

-Расул Х1усенх1ажиевич, бокьилаан Дуца чанго раг1и абуни школалъул ва гьениб х1алт1и г1уц1ун бугеб куцалъул х1акъалъулъ.

-Жакъа школалда г1ун бач1унеб г1елалъе лъайгин тарбия кьеялъул масъала т1убазабиялда т1ад х1алт1улел руго 63 муг1алим. Гьезда гьоркьор руго Дагъистаналъул мустах1икъал учительзабиги, лъай кьеялъул отличникалги, РФялъул лъай кьеялъул Х1урматиял х1алт1ухъабиги, жеги ц1арал цере ругел, х1алт1уде рокьиги, лъик1аб бажари-гьунарги бугел церет1урал муг1алимзабиги.

Школалда ц1алулев 476 ц1алдохъанасе гъваридаб лъайги, нилъер умумузул кьуч1алда мисалияб тарбияги кьей рик1к1уна муг1алимзабаз жидерго аслияб масъалалъун. Гьелъие г1оло гьоркьоса къот1ич1ого х1алт1ула педагогал жидерго махщел камил гьабиялда т1ад.

Школалъул буго лъик1аб материалиябгун техникияб база. «Лъай кьеялъул инновациялъулал программаби» абураб конкурсалда бергьенлъиги босун школалъе щвана 1 млн гъурущ г1арац, Президентасул грант. Гьелъулги к1удияб кумек-квербакъи ккана лъималазул ц1али ва гьезул цебет1ей борхизабиялъе.

-Школалъе директорлъи гьабулелъул мун дандч1вала г1емерал бат1и-бат1ияб г1амал-хасияталъул муг1алимзабигун, ц1алдохъабигун ва гьезул умумулгун, зах1мат бук1унарищ гьезулгун гьоркьорлъаби гьаризе?

-Дир г1умрудул аслияб мурадлъун ккола к1олеб бак1алдасан чиясе кумек гьаби, дида к1олеб батич1они, гьесие заралг1аги гьабич1ого тей. Дица жигар бахъула гьел киналгогун лъик1аб гьоркьоблъи гьабизе рит1ухълъиялъул, киназдего адаб-х1урмат гьабиялъул, щивасул психология лъазабун, гьезул рек1елъе нух батиялъул кьуч1алда, сабруялда х1алт1и бачине.

Дида рак1алде ккола дун гьездаги дида гьелги цоцазда лъик1 рич1улилан.

-Кинав учителасда абизе бегьулеб цевет1урав учителилан?

-Школалъул г1умру цо бак1алда ч1ун бук1унаро. Гьениб кинабго гьалдолеб, беролеб, сверулеб бук1уна. Цо бак1алда ч1ун вук1инч1ого, кинабго лъималазе г1олон гьабулев, киналго ц1илъаби, цебет1ураб х1албихьи лъазабун, жиндирго педагогикияб махщел борхизабизелъун цевехун унев, рак1 лъик1ав, рит1ухъав, гъорлъ восарав, зах1малъабаздаса х1инкъуларев муг1алим ккола, дир х1исабалда, цеве т1уравлъун.

-Кинаб бербалагьи бугеб, Дур, ахирияб заманалда г1ат1идго т1ирит1арал г1адатиял гурел дарсал кьеялде, ЕГЭ, ОГЭялде?

-Ц1алдохъабазе доба-аниса кумек щвеч1ого, рит1ухъаб къаг1идаялда ЕГЭ ва ОГЭ гьабизе лъугьаралдаса лъималазул, гьезул эбел-инсул ва жалго педагогазул ц1алудехун гьабулеб бербалагьи г1емерго лъик1лъана. Школалъул ц1алдохъабаз гьел кьуна лъик1ал х1асилалгун. Киналго предметазул гьоркьохъеб балл республикаялдаго ккаралдаса г1одобег1ан ккеч1о.

Дица рахъ ккола киналго церет1еязул кьуч1алда х1алт1улел муг1алимзабазулги, гьез рачунел дарсазулги, г1адатияб гуреб къаг1идаялда кьолел дарсазулги. Мисалалъе босани, школалъул г1урус мац1алъул ва литератураялъул муг1алим Магърибова Заира к1иго соналъ т1ат1алаго муниципалияб этапалда бергьана «Лъаг1алил учитель…» конкурсазда. Муг1рузулаб зонаялда гьоркьоб бук1аралда, гьей ккана 10 бищунго лъик1ав муг1алимасде гьоркьое. Ниж ч1ух1ула нижер педагогазул церет1еяздаса.

Г1адатиял гурел дарсал кьейги ц1алдохъабазе хайир бугеблъун ккола. Нижер школалда г1емер т1орит1ула гьединал дарсалги. Гьел ва цогидалги тадбиразул х1асилалда, районалда т1орит1улел предметазулал олимпиадабазда школалъул г1аммаб командаялъ щибаб соналда ккола т1оцебесеб бак1. Дун х1алт1изе вач1аралдаса школалдасан къват1ире риччана 100-ялдасаги ц1ик1к1ун медалист. Цох1о исана гьелъие вихьизавун вуго 8 ц1алдохъан.

-Расул Х1усенх1ажиевич, дурго х1алт1уда гьоркьоб аслияблъун щиб Дуца рик1к1унеб?

-Х1алт1улъ аслияблъун дица рик1к1уна лъай кьеялъул даража борхизаби, ц1алуда хадур гъоларел заг1ипал ц1алдохъаби дагь гьари, маг1арул ях1-намусалда куцарал, ц1алуде рокьи бугел ц1алдохъаби г1емер гьари, к1вах1-свак лъач1ого х1алт1улел муг1алимзаби к1одо гьари. Школалда лъугьунеб-толелда хадуб мух1канаб хъаравуллъи кквей.

-Гьабсаг1аталда тарбиягун лъай кьеялда г1олареб рахъ кинаб бугеб?

-Дида рак1алде ккола лъималазе бук1ине кколеб эменазул тарбия щолеб гьеч1илан. Хъизамалда эмен рег1улев гьеч1о лъималазе тарбия кьезе, гьезие г1иц1го эбелазул тарбия щолеб буго. Школалдаги г1емерисел учительзаби руччаби руго. Гьеб рахъ х1исабалде босани лъик1аб бук1инаан нилъер бихьиназ.

Баркала гара-ч1вариялъухъ.

 

 

Х1урматияв, Расул Х1усенх1ажиевич!

Рак1-рак1алъ баркула Дуда гьавураб къо.

Юбилей-гьеб ккола щивав чиясул г1умруялда к1вар бугеб бут1алъун. Гьеб ккола бечедаб г1умруялъул х1албихьилъун, гьеб ккола г1акълу, махщел ц1убаялъул байрамлъун. Жакъа мун ккола-коллективалъул творческияв насих1атчилъун, лъик1ал ишазул цевехъанлъун. Жакъа духъ к1удияб божилъигун, хьулгун Духъ ралагьун руго киналго муг1алимзабиги, ц1алдохъабиги, умумулги.

Гьабулебщиналъулъ бит1 ккейги, чорхое щулияб сахлъиги, хъизан-рукъалда талих1ги, Дуе!

Районалъул лъай кьеялъул отдел,

Профсоюзазул комитет.

 

Просмотров: 171 | Добавил: NiGMaT | Рейтинг: 0.0/0

by NiGMaT © 2019 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz