Среда, 28.02.2024, 18:42 | RSS | Приветствую Вас Гость
Главная | Регистрация | Вход
Меню
Последние номера

18 август 2023 г. № 33 (10387)

11 август 2023 г. № 32 (10386)

4 август 2023 г. № 31 (10385)

28 июль 2023 г. № 30 (10384)

21 июль 2023 г. № 29 (10383)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2024 » Январь » 29 » ЦАДАХЪ РЕКЪОН ХlАЛТlАНИ...
10:34
ЦАДАХЪ РЕКЪОН ХlАЛТlАНИ...

19 январалда райадминистрациялда тlобитlана муниципалитеталъул нухмалъиялъул районалъул Жамгlияб палатаялъулгун дандчlвай. Гьелда гlахьаллъи гьабуна районалъул бетlер Нурмухlамад Задиевас, райсобраниялъул председатель Мухlамад Мухlамадовас, палатаялъул председатель Хъайтмаз Аварскияс, гьелъул членаз ва цогидазги. 

“Нилъер районалда хlалтlулел ругел киналго гlуцlабиги нилъер гlадамалги цогидаздаса лъикlалги, цlодоралги, магlна бугелги рукlиналда дир ракl чlола. Киназдаго лъазе ккола нилъ тlоцебе нилъерго халкъалъе хъулухъ гьабизе тарал чагlи рукlин. Гьединлъидал, нилъ хlалтlизе ккола цадахъ рекъон ва Жамгlияб палатаялъги жигараб гlахьаллъи гьабизе ккола районалда гьабулеб бугеб хlалтlулъ. Жидерго хасал интересалги жамгlияздаса цере ккун, жалго рихьизариялъул мурадалда магlна гьечlел жал гьаризе бегьуларо. Бажарараб хlалтlи гьабулебги буго нилъеца район цебетlеялъе. Узухъда, гъалатlалги камуларо. Хlалтlулел чагlазухъа гъалатlал кколеб гlадат букlуна. Гьединлъидал, гlицlго гъалатlал рихьун, амма лъикlал рахъал рихьичlого бегьуларо. Нужеда бихьараб гlунгутlи бачlинахъего къватlиб загьир гьабизе рортичlого, цин гьеб дандбазе ккола иш тlале кколел идарабазулгун, бицине ккола нижеда. Нилъеца цадахъ цадахъ хlаракат бахъила нужеда рихьарал гlузраби лъугlизаризе”, - ян абуна Нурмухlамад Махсутlхlажиевичас.  

Муниципалитеталъул Жамгlияб палатаялъул цlияб гlуцlи бищаралдаса нахъе гьабураб хlалтlул къокъго бицана гьелъул председатель Хъайтмаз Аварскийяс ва байбихьана жиндирго суалалдасан. Гьес районалъул нухмалъулесда гьарана Жамгlияб палатаялъе хасаб кабинет кьезе рес батиларищилан. Гьединго председателас районалъул бетlерасухъе щвезабуна жидер участокалда нухал гlатlид гьариялда хурхун хlалтlаби гьарулел рукlиналъ, машинаби хьвадиялъе бихьизабураб график цодагьабго хисизабизе бегьуларищилан абураб Харахьи участокалъул гlадамазул гьариги. Гьез гьарулеб букlанила къалъул гlужалда цо сагlаталъ гурони нух рагьуларин, гьеб заманалде тlаде цоги бащдаб сагlатниги жубазе бегьуларищилан.

Палатаялъул членаз рорхана жакъа районалда цере чlарал суалал. Аслияб къагlидаялъ гlемерисел суалал рукlана Харахьи участокалда хурхарал. Мисалалъе, палатаялъул член Гlорутlаса Хlажиев Хlассаница цин баркала кьуна районалъул нухмалъулесе жидер росулъ гьабураб хlалтlухъ ва гьарана жидер росулъ цlияб ясли-ах базе ва цlияб лъел мухъ бачине рес батеян. Гьединго рехсараб участокалъул гlадамазул рахlат хвезабун бугоан гьениб цониги банкомат ва хlалтlулеб АЗС гьечlолъиялъ. Гьеб гlиллаялдалъун, карточкаялдаса гlарац бахъизе ва рокъобе газалъул баллон цlезегицин участокалъул гlадамал ине кколел руго райцентралде щвезегlан. Цоги жамагlатчагlаз предложение кьуна Гlараниса райцентралде щвезегlан тротуар гьабуни лъикlаб букlинилан. Палатаялъул экологиялъулгун ЖКХялъул комиссиялъул членаз рорхана Гlаранисан Цlолбокь кlкlалахъе бачlунеб канализациялъул мухъ лотоказдаса къватlибеги чвахун, гьелъ сверухълъи чорок гьабулеб букlиналъул ва гьороцаги росун чорокаб лъел къатlраби гьенир аскlосан хьвадулел гlадамаздеги щолел рукlиналъул суал.

“Дун мухlканго гlенеккана нужеца бицунелъухъ ва хlакъикъаталдаги гьел киналго руго жакъа нилъер гlадамазул рукlа-рахъиналъе кlвар цlикlкlарал суалал. Гьезул цо-цоял руго къокъабго заманалда нилъедаго тlуразе кlолел, цогидал руго иш тlаде кколел хасал идарабиги гlахьал гьарун гурони тlуран бажаруларел, гьединал суалазе заманги къваригlуна. Амма гьел киналго дица дирго бербалагьиялда гъоркьеги росун, цо лахlзаталда жаниб цадахъ кинабго хlалтlи гьабун бажаруларелъул, дагь-дагьккун гьезда тlад хlалтlила”, - ян абуна ахиралда районалъул нухмалъулес.

И. Мухlамадов.  

Просмотров: 97 | Добавил: zaxrosdal | Рейтинг: 0.0/0

by NiGMaT © 2024 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz