Киса-кибго информациялъул алатаздасан нилъеда рагIулеб буго 2022 соналъул 1 январалдасан тIадагьал автомашинаби ругез гьезул техосмотр гьабичIониги бегьулилан. Гьелъул хIакъикъат жеги мухIканго лъазелъун жакъа дун дандчIвана ОМВДялъул ОГИБДДялъул ДПСалъул инспектор полициялъул лейтенант МуртазагIалиев Муслим СайгидулбатIаловичгун. Гьесдаги дидаги гьоркьоб ккана гьадинаб гара-чIвари.

-Муслим СайгидулбатIалович, Россиялда тIадаб къагIидаялда гьабизе кколеб букIараб, гьабичIони автомашинаялъул бетIергьанасда тIад штрафал къотIулеб букIараб техосмотр ЦIияб соналдасан гьабичIониги бегьулеб букIиналда бан цIалдолезда ричIчIизелъун цодагьал баянал кьеларищ нижее?

-202I соналъул 30 декабралда Россиялъул президент Владимир Путиница гьарурал хисизариязда рекъон жалго бетIергьанал тIадагьал автомобилал ва мотоциклал ругез техосмотр гьабичIониги бегьулеб буго. Гьел гIумруялде рахъуна официалияб къагIидаялда печаталда рахъун хадуб. 

-Бегьулебищ жалго бетIергьанаб транспорталда такси хIисабалда, гIадамал раччулез гьеб гьабичIого тезе?

Живго бетIергьанаб транспорт хъулухъалъулал мурадазе гIоло хIалтIизабулеб бугони, гьеб гьабичIого бегьуларо. Гьединго гьеб букIине ккола автомашинаялъул бетIергьанчи хисулев вугони, гьеб учеталда лъолеб бугони, автомашинаялъ 4-ялдаса цIикIкIун сон бан бугони, автомашинаялъул аслиял агрегатал хисулел ругониги. -Диагностикияб карта бугони хIажалъулищ техосмотр?

-ГIицIго ГИБДДялъул хIалтIухъабазул техникияб жагъаллъи букIиналда щаклъи ккани гурого хIажалъуларо.

-Диагностикияб карта гьечIого машина бачине бегьулищ?

-Бегьулеб буго. Гьединазда тIадги штрафал лъезе гьукъун буго. -Баркала гара-чIвариялъухъ.

-Дуеги баркала. Бокьилаан гьединал цIилъаби лъазелъун хадубккунги нижергун бухьен ккуни.

Н. Гlалиева.