Гьаб соналъул 24 январалдаса 26
абилеб январалде щвезег1ан Мах1ачхъалаялда бук1ана ц1алдохъабазул биологиялъул
олимпиада. Гьениб г1ахьаллъи гьабуна Моч1охъ росулъа 11 классалъул ц1алдохъан
Муртазаг1алиева Х1алиматица. Араб соналъги районалъул биологиялъул
олимпиадаялда к1иго нухалъ т1оцебесеб бак1ги ккун гьель г1ахьаллъи гьабун
бук1ана республикаялъул олимпиадаялда ва ккун бук1ана к1иабилеб бак1.
Исана жиндирго биологиялъул
учительница отпускаялде ине йик1инги х1исабалде босун ва гьебго олимпиадаялда
т1оцебесеб бак1 кквезе гъира бук1иналъ, гьей ц1ализе ана Мах1ачхъалаялъул
г1емер профилазул лицеялде, т1ад ч1ун х1адурана биологиялъул олимпиадаялде.
Т1оцебесеб къоялъ кьуна теория ва ц1акъ дагьаб нахъе ккейгун щвана к1иабилеб
бак1. 26 январалда бук1ана практикияб х1алт1и гьениб рак1алдаго гьеч1ого,
цебесеб туралда гьалдаса г1емерго нахъа йик1арай ц1алдохъан 2,5 баллалъ цее
ккун ятана, Х1алиматица г1ей гьабизе ккана 2 абилеб бак1алда. Бицен буго
олимпиадабазда т1оцересел бак1ал ричун рук1унилан, щайгурелъул 20 балл ЕГЭялде
т1аде бач1унелъул. Кин батаниги, баркула Х1алимат дуда дуе дарс кьолел рук1арал
учительзабазул, т1олго росдал школалъул ц1алдохъабазул рахъалдасан биологиялъул
олимпиадаялда дуца босараб бергьенлъи. Гьарула дуе сахлъи ва нахъеги ц1алулъ
ч1ах1иял бергьенлъаби.
Баркигун Моч1охъ гьоркьохъеб
школалъул завуч Халилбегов М-Х1абиб ва школалъул учительзабазул ва педагогазул
коллектив.
| 
