23 февралалъул х1урматалда т1обит1араб вечералде ах1ун
рук1ана Чачан рагъулал тунка-г1усиязул г1ахьалчаг1и-ветеранал, Г1арани бугеб
погранотрядалда хъулухъ гьабулел ва цогидалги. Байрам баркун к1алъаял гьаруна
Х1ариколо росдал бегавул Х. Макъсудовас, Чачан рагъул г1ахьалчаг1и Н.
Малламух1амадовас, Х1. Г1абдулкъадировас, погранотрядалдаса А. Къебедовас,
Х1ариколо СДКялъул директор Х. Г1абдурах1мановалъ. СДКялъул х1алт1ухъабазги
школлъималазги цадахъ х1адурун ругоан церерахъинал. Гьедин 8-9 классалъул
ц1алдохъабаз бихьизабуна Ц1адаса Х1амзатил «Эменги васги рух1ги Ват1анги»
театралъул цо бут1а (ролал х1ана З. Г1абдулкъадировас, Л. Г1алиевалъ, Н.
Идрисовалъ). Культураялъул директор Х. Г1абдулкъадировалъ ва ц1алдохъаби З.
Мух1асиновалъ Л. Г1алиевалъ ах1ана куч1дулги.
***
«Эбел йиго рукъалъул кунч1и» абураб вечер г1уц1ун бук1ана
К1ахъ СДКялда 8 марталъул х1урматалда. Гьенире ах1ун рук1ана Буц1ра, Х1ариколо,
Гьоц1алъ культураялъул ва районалъул халкъияб творчествалъул рукъзабазул
х1алт1ухъаби, гьединго росулъа лъимал г1емерал улбул, учительзаби, ясли-ахалъул
х1алт1ухъаби. Байрам баркун к1алъазе рахъана Н. Ах1мадов (учитель), М. Нух1ов
(Буц1ра СДК), Х1. Баширова (Гьоц1алъ СДК), Х. Г1абдурах1манова (Х1ариколо СДК),
Х. Т1алх1атова (РДНТ). Вечералда куч1дул ах1ана культураялъул х1алт1ухъаби Ч.
Султ1анбеговас, П. Мусаевалъ, Г1. Тажудиновалъ, М. Дайтбеговас, Х.
Г1абдулкъадировалъ, Г1. Султ1анбеговас ва ц1алдохъаби Л. Г1алиевалъ, П.
Ах1мадовалъ ва З. Мух1асиновалъ. СДКялъул директор Х. Г1абдулкъадировалъ
хъвараб «Цо къоялъул к1иго байрам» театралдаса бут1а бихьизабуна П.
Ах1мадовалъ, Л. Г1алиевалъ ва Н. Идрисовалъ.
К1иябго вечер берцинго бачана Хадижат Г1абдулкъадировалъ.
Гьел ана ц1акъ аваданаб, киналго разияб ах1вал-х1алалда. Вечеразде ах1араз
культураялъул х1алт1ухъабазеги школлъималазеги кьуна рак1-рак1алъулаб
баркалаги.
Х. Г1абдулкъадирова, СДКялъул директор, П. Гунашева.
|
