| 10-абилеб февралалда Г1арани гьоркьохъеб школалда
т1обит1ана г1урус мац1 к1одо гьабун х1адурараб лъималазул цере рахъин. Гьенир
гьоркьор г1ахьаллъана 5-11 класазул ц1алдохъаби.
Лъималазул цере рахъин х1адурана г1урус мац1алъул дарсал
кьолел учительзаби С. Г1умаровалъ, П. Мансуровалъ, М. Насух1овалъ ва П.
Х1ажиевалъ. Ц1алдохъабаз рик1к1ана г1урус мац1алъул х1акъалъулъ куч1дул, бицана
миллатазда гьоркьосеб мац1 х1исабалда гьелъул нилъее бугеб к1варалъул. Гьединго
6-абилеб классалъул ц1алдохъабаз бихьизабуна рагьарал ва къарал х1арпазул
ролалги х1ан гьит1инабго сценка.
Щибаб номералда гьоркьоб Т1агьирова Майсаратица залалда
г1одор ч1арал лъималазе кьолел рук1ана бат1и-бат1иял бицанк1аби. Ц1ик1к1ун
жавабал кьурал лъималазе кьуна гьит1иналго призал ва учителас абуна дарсие
къимат журналалда лъелилан. Гьеб цере рахъиналда гьоркьоб бук1ана цо кепаб
номер. 9-абилеб классалъул ц1алдохъаналъ ц1алана И. С. Тургеневасул «Г1урус
мац1» абураб кеч1, гьебго кеч1 ц1алана 10-абилеб классалъул ц1алдохъан
Ах1мадовасги гьанжесеб г1олохъабазул «блатной мац1алда» залалда балагьаразе
ц1акъ кеп щвана гьелда.
Къокъ гьабун абуни байрам лъугьана лъик1аб, рак1
разияб.
| 
