Автор.Р.Х1амзатов.Сентябрь 2013с.
24 сентябралъ районалда т1обит1ана пачалихъияб миллияб
политика г1умруялде бахъинабиялъул мурадалда республикаялъул миллияб
политикаялъул министерствалдаги
муниципалиял г1уц1абаздаги (районал) гьоркьоб цадахъ рекъон х1алт1иялъул
къот1и-къай хъвай. Республикаялъулго к1варалъул гьеб тадбиралда г1ахьаллъи
гьабуна Дагъистан республикаялъул миллияб политикаялъул, печаталъулгун
информациялъул министразул заместителал Зикрула Ильясов ва Зубайру Зубайруевас,
районазул рахъалъан – Гумбет, Болъихъ, Г1ахьвахъ, Ц1умада, Гъуниб, Унсоколо,
Хунзахъ, Ц1унт1а районазул, Бежт1а
участкаялъул нухмалъулез. Тадбир байбихьана рехсарал районазул
нухмалъулелгун, муницапалиял хъулухъчаг1игун, бак1алъулаб интеллигенциягун
республикаялъул х1укуматалъул
вакилзабазул дандч1ваялдасан. Гьеб бачана миллияб политикаялъул рахъалъ
министрасул т1оцевев заместитель Зикрула Ильясовас.