Автор.М .Мух1амадов.Сиух росу.Февраль 2013г.
Росулъ бугеб ахIвал-хIалалъ, гьелдаса гIадамазул бугеб разилъи гьечIолъиялъдун гIемерал пикрабалъе тIамулаан. Хасго гIадамазул рахIат хвезабун букIана росдал ракьаздаса битIун пайда босулеб гьечIолъиялъ. Дида ракIалде кканабегавуллъун вугони дидаса жамагIаталъе дагьабниги кумек букIинин, росдаего гIаммал гIузраби цо къадаралъниги лъугIизаризе кIвелаанин росуцоязул хIаракатчилъиялдалъунилан. Рищиязда анкьго кандидатасда гьоркьоб дир рахъ кколел цIикIкIун ратиялъги ракI базабуна. Гьеб божилъи ритIухъ гьабизе дицаги хIаракат бахъулеб буго.Байбихьудасанго дида бихьана оппозициялъул дун вищизе хIаракат бахъараздехун бугеб разилъи гьечIолъи. ГIадлу Алжаналъул кIулин абухъе, дица хIалтIи байбихьана гьезул гьоркьорлъаби роцIинариялдасан. Бихьулеб букIана тIекълъи-ритIухълъи батIа гьабичIони, гьабуралъул хIасил кколареблъи. Заман хисун бугин абун росдал бегавуласе гIадамазул мутIигIлъи гьечIони кинаб хIалтIиха букIинеб?
|
|