Автор.Къурбанг1али Патах1ов. июль 2011 г.
МагӀаруллъи гьаниб, хьиндаллъи гьаниб.Хьибил цун гьайбатаб накӀкӀил рохь гьаниб,Кинабго тӀабигӀат, тӀолго берцинлъи ТӀадегӀанас кьураб росуги гьаниб.
Гьедин хъвана жиндирго кочӀолъ хирияб Сивухъ росдал хӀакъалъулъ гьелъул унго-унгояв патриот КъурбангӀали ПатахӀовас. Т1оцебе бихьулел хӀайранлъулел гӀажаибаб, гьайбатаб, цӀакъго берцинаб тӀабигӀат буго сахъадерие ТӀадегӀанас кьун. Россиялъул шагьаразда гӀумру гьабун рук1аниги щибаб соналъ риидал росулъе рачӀинчӀого рукӀунаро сахъал.
Гьал къоязда гьанжесеб Сивухъ росу гӀуцӀаралдаса 600 сон тӀубай к1одо гьабизе росулъе рак1арун рук1ана къватӀир гӀумру гьабун ругел, рачӀине бажаранщинал росуцоял, гьединго Лаваша районалъул Чуни (сахъал гӀатӀиракьалде ун лъугьараб росу) росулъа гӀадамалги. Росдал юбилей кӀодо гьабуна чанго къоялъ: тӀоцебесеб къоялъ росдада баркат рещтӀине тӀобитӀана мавлид, к1иабилеб ва хадубккунисеб къояз жибго юбилей.
РФялъул Пачалихъияб Думаялъул депутат АхӀмад Билаловас гӀуцӀараб «Северияб Кавказалъул курортал» ОАОялъул хӀаракатчилъиялде гъорлъе бачун буго «Макьасда» хӀухьбахъиялъулаб база байги. Гьелда хурхун «ХӀакъикъат» газеталъул мухбир, нилъер ракьцояв Шарапудин СултӀановас гара-чӀвари гьабуна ОАОялъул Дагъистаналда вугев ихтиярал кодосев вакил, координатор МухӀамад ГӀисаевасулгун.