Г1емераб заманго инч1о районалъул росабазул администрациязул
бут1рул рищаралдаса. Гьаб бигьаябго гьеч1еб заманалда бокьарав бет1ерас абизе
бегьила жамаг1аталда, нужер т1алабазе дир ресалги гьеч1ин, гьабунги бажаруларилан.
Амма гьедин абич1о нижер к1ахъиязул жамаг1аталда Макъсудов
Хучбарица. Байбихьудаго гьесда к1вана жиндагоги жамаг1аталдаги гьоркьоб
цоцадехун божилъи балагьизе ва х1алт1и г1уц1изе.
Нухдаго бугеб бак1 бугониги нухлулазда лъалеб бук1инч1о
канлъи гьеч1олъиялъ к1ахъиязул росу бугеб бак1 ва хасго к1удияб къварилъи
бук1ана къват1ахъ гьеч1еб канлъиялъги, рихьуларел нухазги къаси къват1ир
рахъунелъул. Хучбарица жиндирго ресаздалъун ва живго лъугьун рана росулъ
къват1ахъ чирахъал, бец1лъудаса канлъуде бачана росу ва жамаг1аталъул
баркалаялъеги, гьари-рахьиялъеги мустах1икъавлъун лъугьана. Росу к1одолъулеб
бук1ин х1исабалдеги босун, т1аде лъим х1ажалъулеб бук1иналъ росдал г1олохъабигун
цадахъ субботник г1уц1ана гьес ва иццул бет1ер къач1ана т1аде лъим бачине рес
кколедухъ.
Лъик1аб х1алт1илъун ва жамаг1аталъе к1удияб кумеклъун нижеца
рик1к1уна К1ахъа Х1ариколоре лъелго справкабазда ва цогидалги х1ажалъабазда
хадур хьвадизе теч1ого, хас гьабун анкьалда жаниб цо къоги ч1езабун администрациялъул
секретарь гьание яч1ун х1алт1и г1уц1иги.
Ц1ададаса хадуб иххал рач1ун нухал хьвадизе зах1матаб
х1алалъ лъугьуна. Теч1о ниж гьес нухал хунги. Зама-заманаялдасан чабахх баччун,
гьеб бит1изабун рук1алиде ккезарула.
Ц1акъго жамаг1ат разияб ва бохараб ишлъун ккана-моц1ида
жаниб къоялги ч1езарун хас гьабун жиб-жиб авалалде г1адамаз данде гьабураб мусор босизе машина
бач1уна ва росу тун къват1ибехун хас гьабун бихьизабураб бак1алде уна гьеб базе
босун. Гьеб гуребги цогидабги рац1ц1а-ракъалъи ч1езабиялде к1вар кьола гьес.
Гьал нижеца кагътида рехсарал гурелги чанго х1ажатал суалал
цере лъун данделъаби ах1ун, жамаг1аталъул вакилзабазулгун гара-ч1вариял гьарун,
бак1-бак1алде живго щун рак1бац1ц1адго, жамаг1ат разияб х1алалда т1уразарулел
руго росдал т1алабал ва т1адкъаял Хучбарица.
Хучбар, нижг1анги Аллагьги разилъаги дудаса, чорхое
сахлъиги, халатаб г1умруги, кидаго гьединав сахав, жамаг1ат разияв г1аданлъун
вук1ине тавпикъги кьеги дуе. Амин!
К1ахъ росдал жамаг1ат.
| 
