Баянаб бук1ахъе 4 декабралъ нилъер
улкаялда т1обит1ана гьелъул т1адег1анаб мажлис-анлъабилеб ах1иялъул Пачалихъияб
Думаялде депутатал рищи. Цебеялдаса г1емерго г1уц1адго, гражданазул х1аракатаб
г1ахьаллъигун ана гьанжесел рищиял киса-кирего. Халкъияб информациялъул
алатазул баяназда рекъон россиялъулаз ц1ик1к1арасеб къадаралъ рахъ кколеб буго
жиндир списоказул бет1ерлъуда президент Д. А. Медведевгун Пачалихъияб Думаялде
къеркьараб «Единая Россия» партиялъул. Рищиязда г1ахьаллъараз 49 проценталдаса
ц1ик1к1арал гьаркьал кьуна гьеб партиялъе. К1иабилеб бак1алда буго бихьизабураб
анкьго проценталъул г1орхъи бахарал КПРФ, лъабабилелда- «Справедливая Россия» партиялги.
Анкьго проценталъул г1орхъи бахине к1вана «ЛДПР» партиялдаги. Гьел партияздаса
анлъабилеб ах1иялъул Пачалихъияб Думаялда депутатазул къадар гlaгa-шагарго гьадинаб
бук1уна: «Единая Россия»-238 чи; КПРФ-92 чи; «Справедливая Россия»-64 чи; ЛДПР-56
чи.
Рищиязул комиссиялъул баяназда
рекъон 21495 избиратель г1ахьаллъизе кколаан нилъер районалдасаги гьел
рищиязда. Жидерго ихтияраздаса пайдаги босун гьеб къоялъ гьаракь кьезе вахъана
18545 районцояв. Списоказда рук1арал жидеца рищулезул къадаралъул гьеб ккола
86.2 процент. Рищиязда г1ахьаллъаразул ц1ик1к1унисез-95,14 процент «Единная
Россия» партиялъул рахъ ккун буго. 4,62 проценталъ гьаркьал кьун руго КПРФалъе.
Пачалихъияб Думаялде депутатаздаго
цадахъ Хунзахъги т1орит1ана бак1алъулаб администрациялде рищиял. Гьезда хунздерил
ва гьеб администрациялде гьоркьоре унел росабазул жамаг1атаз гьаб нухалъги
божилъи гьабуна цеве вук1арав бегавул Т1алх1атов Хизриде. Гьесие щун буго 2087
гьаракь, Хизрида данде къеркьарав Дибирчуев Шамилие щун буго 637 гьаракь.
Гьенирго хунздерица вищана росдал советалде 10 депутат.
Хунзахъги т1орит1ана бак1алъулаб
администрациялде рищиял. Хунздерицаги росдал собраниялде вищана 13 депутат.
| 
