Х1урматиял «Росдал зах1матчи» газета редакциялъул х1алт1ухъаби. Т1оцебесеб иргаялда бокьун буго нужеда баркизе т1аде щолеб бугеб ц1ияб сон. Гьаризе бигьаяб гуреб нужер х1алт1улъ дагьабги цебет1ей, г1ужилаб каламгун, бег1ераб къаламгун районцоял разияб газета г1уц1изе къуватги, жанги рак1 парахатаб г1умруги. Гьединго нужер газета гьоркьоб ккун бокьун буго ц1ияб соналъул барки загьир гьабизе гьайбатал, цоцалъ г1амал рекъарал, бищун цебе ц1адирабазда жидерго намусги ях1ги лъолел, г1аданги г1умруги бич1ч1улел унго-унгоял маг1арулал-ЦБСалъул х1алт1ухъабазул т1олабго коллективалъе:

Кидаго рек1елъ ругел,

К1очон тезе к1оларел,

Манзил рик1к1алъаниги,

Рак1алъ г1агарде ц1алел.

Г1азул муг1рузул ясал,

Ц1алиларищ дир сарин,

Сахлъиги нужей гьарун,

Ц1ияб сон баркун хъвараб?

Къварилъаби лъуг1араб,

Ургъелаз рехун тараб,

Талих1, рохел гьарзаяб,

Батаги бач1унеб сон!

Бач1ин г1емераб щвараб,

Г1умру берцинлъун араб,

Рек1ел къасдал т1убараб

Батаги бач1унеб сон!

Нужер щиялъул рокъоб

Рекъел гьарзалъун ккаги,

Гьабулеб иш кинабго

Нужей бокьухъе ккаги!

Лъик1аб гурони хабар

Нужеда раг1угеги,

Бег1ераб каламалъе

Кидаго тавпикъ кьеги,

Ц1алдолел г1емерлъаги,

Лъай босулел ц1ик1к1аги,

Ц1ик1к1арал харжалги щун

Лазаталда хут1аги!

«Боевикал» т1аг1ине

Т1адчаг1аз квер бакъаги,

Коррупция лъуг1изе

Г1адамазда ях1 лъеги! Амин.

Х1ажиева Рукъигат, Самилахъ росу.