-Гъоркьколо х1алт1изе кьураб школалъул мина баялда харж
гьабуна 3 млн. 306 азарго гъурущ. Школа бана районалъул доходаздасан.
-Гъоркьколо балеб бугеб ФАПалъул мина чердакалде гъоркье
буссинабуна. Гьабураб х1алт1уе харж гьабуна 1 млн. 200 азарго гъурущ.
-Т1анусибе газ бачун лъуг1изабуна.
-Ц1ада, Гиничукь росабалъ жанисел газил турбаби лъун (внутренняя
разводка) лъуг1изаруна. Г1арани, Хунзахъ, Бакьагьеч1и росабалъ трубаби лъей
лъуг1иялде г1агарун руго. Гьеб ишалъе харж гьабун буго 9 млн. 600 азарго
гъурущ.
-Буц1ра, аэропорталда, Харахьи лъурал мобильнияб
телефоналъулги вышкабаз саназ халат бахъун бук1араб телефоналъулаб бухьеналъул
зах1матаб х1алалъе ахир лъуна. Гьанже районалда жанибги район тун къват1ибехунги
ч1ара-хьараб телефоналъулаб бухьен ч1езабун буго.
Кват1ич1ого районалъул т1олаздего г1агарун росабалъ
х1алт1изе буго бак1алъулаб телевидениеги.
-Г1орут1а, Гьамущи, Мущули, Лъаг1илухъ росабалъе лъел
трубаби лъеялда харж гьабуна 29 миллион гъурущ.
-Районалъул больницаялда балеб бугеб 3-леб корпусалда харж
гьабуна 35 млн. гъурущ.
-Гьоц1алъ балеб бугеб к1ит1алаяб поликлиника чердакалде
гъоркье буссинабуна.
-Райцентр къач1аялъе харж гьабуна 900 азарго гъурущ.
-Гьоц1алъ лъим ц1унизе к1удиябги гьит1инабги-к1иго резервуар
гьабун лъуг1изабуна.
-Гьоц1алъ садикалда капиталияб ремонталъе харж гьабуна 3
млн. 300 азарго гъ.
-Гиничукь садикалъе къач1алеб бугеб минаялда х1алт1и
лъуг1изе буго гьаб соналъго, январь моц1алъ садик х1алт1изеги лъугьине буго.
-Г1архъида (Г1ахьалч1и хъутан) балеб буго школалъул минаялда
харж гьабуна 3 млн. гъурущ.
-Хунзахъ гьоркьохъеб школалда (№ 1) ремонталъе харж гьабуна
1 млн. 600 азарго гъурущ.
-Харахьи садикалъе пищеблок гьабизе харж гьабуна 820 азарго
гъурущ.
-Районалъул больницаялъул 6 котелалъе капиталияб ремонт
гьабуна.
Школазул, садиказул ремонт х1ажатал котелазеги гьабуна
гьединабго ремонт. Гьеб х1алт1уе харж гьабуна 500 азарго гъурущ.
-Г1ахьалч1и, Т1ануси, Гиничукь, Ц1ада, цо бут1а Гьоц1алъ
школазда, искусствоялъул школалда, Г1обода, Ц1ада садиказда хисана
нуц1би-гордал. Гьеб х1алт1уе харж гьабуна 1 млн. 200 азарго гъурущ.
-Киназдего г1агарун школазда ва садиказда гьабуна текущий
ремонт.
-Школал, садикал ц1а ккеялдаса ц1униялъе гьарурал тадбиразе
харж гьабуна 3 млн. 200 азарго гъурущ.
-Гьоц1алъ, Хунзахъ, Г1арани, Гьамущи, Г1ебут1а росабалъ
лъезе кьуна районалъул харжаздасан
росарал трансформаторал.
-Г1арани-Бакьагьеч1и трассаялда канлъи бук1инабиялъе
районалъул доходаздасан харж гьабуна 700 азарго гъурущ.
-Т1агьада балаго хут1ун бук1араб спортзалалда харж гьабуна 5
млн. гъурущ.
Республикаялда бугеб финансазулаб кризисалъ рес кьеч1о
гьаризе рак1алда рук1арал х1алт1аби раг1алде рахъинаризе. Т1оцебесеб иргаялда
рехсараб г1иллаялъ бажарич1о росабазда гьоркьосеб магистралияб труба лъун,
Хунзахъ, Бакьагьеч1и, Гиничукь, Ц1ада газ х1алт1изе кьезе. Районалъул
бет1ерасул рак1алда бук1араб Буц1ра, Хьиндахъ школал х1алт1изе кьезеги
Уздалросулъ административияб мина базеги бажарич1о. Жиндирго рук1арал планал
раг1алде рахъинарич1ого теларин рак1ч1езе гьабуна районалъул бет1ерас.
Райадминистрациялъул бет1ерасул пресс-секретарь Г1. Г1исаев.
| 
