Вторник, 06.12.2022, 06:54 | RSS | Приветствую Вас Гость
Главная | Регистрация | Вход
Меню
Последние номера

18 ноябрь 2022 г. № 52 (10347)

11 ноябрь 2022г. № 51 (10346)

3 ноябрь 2022г. № 50 (10345)

28 октябрь 2022 г. №№ 48-49 (10343-44)

21 октябрь 2022 г. № 47 (10342)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2022 » Октябрь » 4 » МАХЩАЛИЛАЙ ЗАГЬИР ГЬАЮНА
11:07
МАХЩАЛИЛАЙ ЗАГЬИР ГЬАЮНА

Улкаялъул школаздагин школалда цересел учреждениязда тарбия-лъай кьеялъул х1алт1и лъик1лъизабиялъул, муг1алимзабазулгин тарбиячаг1азул махщел камилал загьир гьариялъул ва гьезул жидерго х1алт1уде гъира базабиялъул мурадалда щибаб соналда районалда, республикаялда ва хадуб улкаялдаги т1орит1ула «Лъаг1алил тарбияч1ужу», «Лъаг1алил муг1алим» ва цогидалги конкурсал, къецал. 


Цин жидерго г1уц1абазда, хадуб зонабазда бергьарал рит1ула республикаялде къецазда г1ахьаллъи гьабизе. Гьеле гьедин, районалда т1обит1араб конкурсалда бергьенлъиги босун республикаялде «Лъаг1алил тарбияч1ужу» конкурсалде ун йик1арай Хунзахъ №1 «Малыш» ясли-ахалъул тарбияч1ужу Г1исаева Пат1имат т1ад юссана гьеб къецалъулъ анц1го бищунго лъик1азул кьеразулъеги ккун гьелъул лауреатлъунги яхъун, «Отличник образования» абураб ц1аргун.


Пат1иматида ва гьезул т1олабго коллективалда гьеб ва школалда цебесеб лъай кьеялъул х1алт1ухъабазул къоги баркун щварай дица ц1ехана гьелъул зах1маталъул нухалъул х1акъалъулъ.

2009 соналда Буйнаксиялъул педколледжалда байбихьул классазул муг1алималъул лъайги босун г1агараб росулъе т1ад юссарай Пат1имат заманаялъ х1алт1уде йосула Хунзахъ №1 «Малыш» лъималазул ахалде. Гьелъул х1алт1уде бугеб жигарчилъиги, рокьиги бихьун гьей т1уянго х1алт1изе тола рехсараб лъималазул ахикь. Гьелдаса нахъе араб 13 соналда жаниб Пат1иматиде цере хьвадана гьанжего гьанже лъималазул ахикье рачунел бищунго г1исинал лъималаздаса бахъараб школалъул г1умруялде щвезег1ан лъимал. Гьединал гьит1ичазда ложка кодоб квезе, кваназе, рилълъине, гаргадизе, квешаб-лъик1аб малъун кинабго рахъалъ церет1езарун школалде нуха рег1и тарбияч1ужуялъе кинаб зах1матлъун кколебали бицинего ккеларо.


Дица Пат1иматида ц1ехана рокъоб 2-3 лъимер хьихьизецин зах1мат бук1унеб мехалда, гьебгощинаб лъимералъе манзил халалъи гьабизе зах1мат гьеч1ебищилан. Лъималазде бугеб рокьиялъ кинабго къезабулилан бич1ч1изабуна Пат1иматица. Лъимал рук1унила рак1 лъик1ал жал. Гьезда гьимун, х1еренаб калам гьабун к1алъани, нилъер гьездехун бугеб рокьи бихьизабуни гьел бигьаго нухда рачине к1олила. Жиб-жиб лъимералъулгун бук1ине кколила хасаб гьоркьоблъи. Гьеб батизе к1вани кинабго цебехун унилан.


Лъималазул ахикь тарбиячаг1и х1алт1улел руго ц1иял федералиял стандартазда рекъон х1адур гьарурал г1аммал, тематикиял, щибаб къойилал перспективиял планазда рекъон. Щибаб группаялъул лъималазде рук1унел руго гьезда лъазе кколебщиналда хурхун т1алабал. Гьеб лъималазул ахалъул заведующая Х1усенова Индирал, лъай кьеялъул отделалъул школалда цебесеб лъай кьеялъул рахъалъ инспектор Гьит1иновасова Асиятил раг1абазда рекъон Пат1иматица гьел т1алабал т1ад к1алъай гьеч1ого т1уразарулел руго. Гьелъие нуг1лъи гьабула лъималазул, гьезул эбел-инсул, цадахъ х1алт1улезул гьелдехун бук1унеб разилъиялъ гуребги, лъималазул ахалда, районалда т1орит1улел тадбиразда гьелъул бук1унеб г1ахьаллъиялъги. Пат1иматил жигараб зах1маталъе къимат кьуна республикаялъул «Лъаг1алил тарбияч1ужу-2022» конкурсалда гьелъ бихьизабураб цееяхъиналъги. Конкурсалда т1уразе кколел рук1арал рик1к1ен г1емерал т1алабазда гьоркьоб бук1араб «Мастер классалда» Пат1иматица бихьизабуна умумузул г1ака беч1ч1иги, гьелдасан щвараб рахьдадасан нису, х1ан бахъиги, Дагъистаналъул миллатазул миллияб рет1ел-кунги, гьезулго кверзул устарзабазул х1алт1абиги.


Жюриялъ к1удияб къимат кьуна, гьаб умумузул г1адаталги, рук1а-рахъинги к1очон толеб заманалда гьелъ бихьизабураб махщалие.


Бокьун буго баркизе Пат1иматида ва т1олалго школалда цебесеб лъай кьеялъул учреждениязул х1алт1ухъабазда тарбиячаг1азул къо. Гьаризе гьезие щулияб сахлъи, х1алт1улъ ч1ах1иял бергьенлъаби. Риччанте гьел роххизаризе ц1одорал, бег1ерал лъималазги, гьел ва гьезда рич1ч1улел умумузги.
Н. Г1алиева.         

 

Просмотров: 121 | Добавил: zaxrosdal | Рейтинг: 0.0/0

by NiGMaT © 2022 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz