Гьал ахирал соназда гӀадатлъун
лъугьун буго тӀолабго республикаялдаго гӀадин, нилъер районалдаги мугӀалимзабазда
гьоркьоб «Рахьдал мацӀалъул бищунго лъикӀав учитель» абураб конкурс тӀобитӀи.
Гьелъул мурадлъун ккола миллатазул мацӀазде кӀвар кьей, гьел цӀуни ва церетӀезари.
МацӀалъул цебетӀеялда, гьелъул даражаялда бараб букӀуна миллияб культураги,
гьеб мацӀ бицунев инсанасул пикруги.  Конкурсалда гӀахьаллъи гьабизе рачӀун
рукӀана районалдаса церетӀурал авар мацӀалъул ва литера-тураялъул учительзаби.
Гьезда гьоркьосан финалалде рорчӀун рукӀана Абулпазлуева Адигат-ТӀануси
гьоркьохъеб школа, ГӀалимухӀамадова Сидрат-Хунзахъ №2 гьоркьохъеб школа,
Жамалова Эльмира-Харахьи гьоркьохъеб школа.Конкурсалда
гӀахьаллъи гьабизе рачӀарал учительзабазе ракӀ-ракӀалъулаб баркалаги кьолаго, районалъул лъай кьеялъул управлениялъул информациялъулгин методикияб централъул
специалист ПатӀимат Маликовалъ абуна:-Рахьдал мацӀалдасан байбихьула щивав
чиясул лъимерлъи, ватӀаналдехун рокьи. МагӀарулазул тарихги, жакъасеб,
метерисеб, букӀинесеб гӀумруги, гӀадамалги, гьезул рукӀа-рахъинги, гӀадаталги,
анищалги, хьулалги-гьеб кинабго нилъеда лъала магӀарул мацӀалдасан. Жакъа щивав
магӀарул мацӀалъул учителасда тӀадаб буго дарсил качество лъикӀлъизабизе,
лъимал гъираялда дарсиде рачӀунеб къагӀида балагьизе. Гьединал цӀи-цӀиял къагӀидаби
ралагьиялдалъун, цоцахъе хӀалбихьи кьеялъул мурадалда гӀуцӀула конкурсал.
Бергьенлъаби нужее, конкурсалда.
Конкурсалъул
щияй гӀахьалчӀужуялъ жигар бахъана жидеда цебе
лъураб масъала мухӀканго тӀубазабизе. Гьезда
гьоркьосан жюриялъ лъикӀаб къимат кьуна
Харахьи гьоркьохъеб школалъул мугӀалим Жамалова
Эльмирал «КВН» хӀисабалда гӀуцӀараб дарс-къецалъе. «Фразеология» абураб
темаялда 2 командаги гӀуцӀун Эльмира Насрудиновнаялъ бачараб дарсалъ
бихьизабуна кин фразеологиялги хӀалтӀизарун
калам берцин,  пасихӀ гьабизе бегьулебали. Дарсие чӀаголъи
бачӀинабун букӀана гьанжесел цӀиял къагӀидаби хӀалтӀизарун дарсил аслу бичӀчӀизабизе
педагогалъул бугеб махщелалъ, жалго жидедаго чӀун хӀалтӀизе лъималазул гъира
базабизе мугӀалималъ бахъулеб букӀараб жигарчилъиялъ. Конкурсалда гӀахьаллъулезе къимат кьезе бищун букӀана жюриги. Гьелъ хӀисабалде
босулеб букӀана дарсил гӀуцӀи, цебе лъураб масъала тӀубазабизе мугӀалимзабазул
махщел, гьунар, цӀи-цӀиял къагӀидаби хӀалтӀизари.
Киналъулго хӀасилалги гьарун тӀоце-бесеб бакӀалде
ячӀана Харахьи гьоркьохъеб школалъул авар мацӀалъул ва литерату-раялъул
учительница Жамалова Эльмира, кӀиабилеб бакӀ гьоркьоб бикьана Хунзахъ №2
гьоркьохъеб школалъул учительница ГӀали-мухӀамадова Сидратидаги ТӀануси
гьоркьохъеб школалъул учительница Абулпазлуева Адигатидаги гьоркьоб.
Конкурс ана гьелда гӀахьаллъаразе пайдаяб ва рахъи
кьолеб хӀалалда. РакӀалде ккола гьединал тадбираз мугӀалимзабазул жигарчилъи ва
таваккал жеги цӀикӀкӀун бижизабилилан
|
