ХИРИЯЛ РАЙОНЦОЯЛ! Тарихалде ана улкаялъул, республикаялъул, районалъул ва
нилъер щивасул г1умруялъулъ бихьулеб лъалк1 тараб, г1емерал к1вар бугел
лъугьа-бахъиназдалъун бечедаблъун бук1араб 2011 сон. Дица тола гьеб сон нилъеда
цере лъурал масъалаби т1урараб, районалъул халкъалъул г1умру-яшав лъик1лъараб
ва г1адамазда гьоркьоб цоцаздехун вацлъиялъулаб гьуинлъи ц1ик1к1араблъун
бук1анилан. Нилъер пикруялъул, мурадалъул хехлъиялда рекъон киналго масъалаби
цо параялъ т1уразе рес бук1унаро. Амма киг1анго кин бугониги араб соналъги
районалъул социалиялгун экономикиял бут1аби церет1еялъе лъик1аланго х1алт1аби
гьаруна. Районалъул т1олабго жамаг1аталда т1аде щвараб ц1ияб сонги баркулаго
гьаризе бокьун буго щибаб рукъоб талих1-рохелги, щулияб сахлъиги. Щаклъи гьеч1о
ц1ияб сон районалъул зах1матчаг1азул гъунки ва гьудуллъи щулалъараб, г1умру
гьабиялъул шарт1ал гьарзалъараб ва г1агараб район цебет1еялъе гьайбатал ишазул
ц1ураблъун бук1иналда.
Нужер х1урматгун районалъул бет1ер Х1. Дарбишев.
|
