Батlи-батlиял бутlабазда гъваридал лъалкlал тарал гlемерал машгьурал гlадамал рахъана нилъер районалда. Гьезул сияхlалда гъорлъ хасаб бакl ккола араб соналъ гlумрудул 85 сонилаб кlодо гьабурав гlалимчи-ядерщик, математикаялъулгун физикаялъул гlелмабазул доктор, профессор, СССРалъул пачалихъияб премиялъул лауреат, Россиялъул гlелмабазул мустахlикъав хlаракатчи Хlажиев Ахlмади Тlалхlатухайировичас.

Гьев гьавуна 1937 соналъ Хунзахъ росулъ хъулухъчиясул хъизамалда. Школалда цlалулев заманалдаго гlемерал предметаздехун интерес букlана гьесул, амма бищунго бокьулеб дарс букlана математика. Гьитlинго гьелде рокьи базабурав чи вукlана инсул вац, живгоги хlисабалъул мугlалим, Гlарани гьоркьохъеб школалъул директор Хlажиев Муртазагlали. Гьеб школалда цlалулаго Ахlмадие рес щвана цояздаса цоял лъикlал мугlалимзабазул дарсал росизе. Гьезда гъорлъ рукlана математикал Гиничукьа Хlайдарбегов Мансур ва Тlанусиса Мухlамадов Гlамир, физикаялъул учитель Бакьагьечlиса Гlалиев Ахкубек, химиялъул Москваялдаса Мамаев Борис, Хунзахъа историк Атаев Дибир ва гь. ц. Узухъда, гьединал мугlалимзабазда цере цlаларал цlалдохъабазе лъикlаб лъай щолаан ва СССРалда бищунго лъикlал тlадегlанал цlалул заведенияздеги рорчlулаан.  

1955 соналда меседил медалалда Гlарани гьоркьохъеб школаги лъугlизабун, Ахlмади цlализе лъугьана улкаялдаго бищунго цере тlурал университетазул цояблъун кколеб Ленинградалъул пачалихъияб университеталъул математикаялъулгун механикаялъул факультеталде. Гьебго университеталъул тарихияб факультет лъугlун букlана гьесул яцгlал Къадиева Асиятилги. Гьелъ тlадчlей гьабула Ахlмади гьеб факультеталде лъугьинеги.  

Тlоцебесеб курсалдаго факультеталда гlуцlула жидее меседил медалал щвараздасан хасаб къокъа, гьезда гьоркьов вукlана Ахlмадиги. Гьел цlалулаан хасал хlалтlул математикаялъул моделированиязда ва гьеб заманалъул цере тlурал информациязул технологиязда тlад. Гьедин, доб заманалъ тlоцебесеб курсалдаса байбихьун хlадурулел рукlана хадуб жидер цlар машгьурлъизе бугел ва пачалихъалъул ядернияб яргъил къуватал тlадегlанаб даражаялде бахинабиялъулъ жидеца бутlа лъурал гlалимзаби. Гьеб къокъаялда Ахlмадил лъай-хъвай ккола жиндирго йикlинесей гlумрудул гьудул Валентина Васильевнаялъулгунги. 

1960 соналъ тlокlлъигун университетги лъугlизабун, хlалтlизе уна Челябинск шагьаралда бугеб гlелмиябгун цlех-рехалъул институталде. Гьеб ккола гьанжесеб тlолгороссиялъул техникиябгун физикаялъул институт, ай жакъасеб Россиялъул федералияб ядернияб центр. Хlалтlулъ гьев вукlана кидаго цересел кьеразулъ, бищун хlажатаб ва захlматаб математикаялъул моделал гьарулел ядерниял зарядазда жанир лъугьунел хlалбихьиял тlоритlулезда гьоркьов. Хадув гьев тlамула гьезул ведущий специалистлъун.

СССРалъул ядернияб промышленность букlана Уралалъул регионалда. Тlадехун рехсараб ядернияб централъул математикаялъул подразделениялъул инженерасдаса байбихьун, кlудияв гlелмияв хlалтlухъанасде щвезегlан нух нахъа тана Ахlмадица. Росулъ школаги лъугlун цlализе арав гlадатав магlарулав, щибго чияр кумекги щвечlого, жиндирго лъай-гlакълуялдалъун ва бажариялдалъун гьединаб гlелмияб борхалъиялде вахана. Гьесул хlалтlулъ кидаго рехсолел физикаялъулги, математикаялъулги, атомалъулгун ядерниял зарядазулги ва гьел гурел цогидалги рагlаби магlарул мацlалде руссинарун бажарулареблъидал, гlурус мацlалда хъвараб къагlидаялъ кьолеб буго цадахъ хlалтlулез гlалимчи хlалхьиялде унеб мехалда гьесдехун гьабураб хитlаб. 

“За 62 года работы им пройден путь от инженера до главного научного сотрудника Федерального ядерного центра СССР. Благодаря высокой научной квалификации, требовательности к себе и сотрудникам, постоянному научному поиску он стал одним из лидеров в математическом отделении. Его высокие моральные качества, внимание и уважение к товарищам помогли сплотить отдел, который он возглавлял с 1975 по 1996 годы. В коллективе под его руководством велись исследования по созданию оригинальных математических методик. На основе этих данных были созданы программные комплексы, позволяющие осуществлять надежный  массовый производственный счет задач в одномерной, двумерной и трехмерной постановках. Разработка экономичных и обладающих высокой точностью методик для решения задач газодинамики, теплопереноса и переноса быстрых частиц, разработка методик на нерегулярных сетках - вот основные вехи научной деятельности Ахмеда Далгатовича. Его по праву называют настоящим мастером создания новых численных методик. Часть полученных научных результатов легли в основу его кандидатской (1974 г.) и докторской (1991 г.) диссертаций. Он автор более 200 научных работ. Большое внимание Ахмед Далгатович уделяет воспитанию молодых ученых. Под его руководством защищено девять кандидатских диссертаций. За научно-производственную и общественную деятельность удостоен звания лауреата Государственной премии СССР в области науки и техники, а также звания “Заслуженный деятель науки Российской Федерации”. Он награжден медалью “Ветеран труда”, знаками “Академик И. В. Курчатов 2-й степени”, “Ветеран атомной энергетики и промышленности”, “70 лет атомной отрасли”, почетными грамотами, многочисленными благодарностями по министерству, ядерному центру, отделению. Умелый и требовательный руководитель, который всегда находит верный и уважительный тон в общении с коллегами, пользуется заслуженным уважением товарищей и сотрудников коллектива. Его многочисленные ученики продолжают работать над усовершенствованием предложенных им методов, расширением области их применения. Он является членом специализированного совета по защите кандидатских диссертаций и диссертационного совета Челябинского Государственного университета. Гаджиева А. можно охарактеризовать как трудолюбивого, обаятельного, отзывчивого человека. Он человек с высоким уровнем интеллектуальной грамотности, с ними можно говорить не только о математике, чему он посвятил свою жизнь, но и экономике, политике, истории Дагестана, его Хунзаха и народов мира.”

Гьитlинаб къоялдаса нахъего гlелмуялъухъ рокьи ккарав, кидаго жиндаго тlад хlалтlулев,  жакъагlадин цевехун тункизе нахъа чи гьечlев Ахlмадица жиндирго хlаракаталдалъун нух бахъана СССРалъулги Россиялъулги машгьурал гlалимзаби-ядерщиказул кьеразулъе. Гlелмуялъулъ гьев вахараб борхалъи - гьеб ккола СССРалда букlараб пачалихъияб лъай кьеялъул камилаб системаялъул хlасил. Гьелда рекъон гlадатал хъизамаздаса лъималазул рес букlана гlелмуялда ва цогидалги бутlабазда тlадегlанал хlасилал рихьизаризе. Ахlмадил гlумру ккола жакъасел гlолилазе мисаллъун. Хунз чlухlула гьесдаса ва гьарула щулияб сахлъи.

Зубаир Гъаирбегов, районалъул харабазул Советалъул председатель.