 ГӀемераб мех гьечӀо ГӀобода росдал администрациялъул бегавуллъун МухӀамадов Сидикъ ХӀажиевич вачӀаралдаса. ГьечӀониги, гьев гӀолохъанчияс кӀудияб хӀалтӀи гьабуна советалде гьоркьоре унел ГӀобода, Гъоркьколо ва Гозоколо росабазул гӀадамал рази гьариялъе, гьезул мурадал т1ураялъе.
Сидикъил гӀумруялъул буго гӀицӀго 38 сон, амма гьев
вуго бажари бугев, росдал гӀадамазул хӀал-хӀукму бичӀчӀарав нухмалъулев. Бокьун
буго райгазета гьоркьоб ккун Сидикъица гьарурал цо-цо хӀалтӀабазул бицине ва
гьесие баркала загьир гьабизе. Районалъул администрациялъул бетӀер ХӀ.
Дарбишевасдасан кумекги тӀалаб гьабун, росдал кӀудияб мажгиталде аскӀобе щвезегӀан
тӀуна хъил. МагӀарда хисана 200 метраялда лъел трубаби., гъоркьколдерил
хъутаналде бачана 900 м лъел мухъ. Чабах баччун къачӀана лъабабго росулъ
нухал (Гъоркьколобе-30, Гозолоколобе-25, ГӀободе-Ӏ05 машина чабхил чӀехьана
бегавуласул нухмалъиялда гъоркь). Квачараб-хинаб заманалъухъ балагьичӀого магӀарде
ун къачӀан, хаселалъ чӀезабуна росулъ гьекъолеб лъим. Росдал администрациялъ кинаб
хӀалтӀи гьабулеб букӀаниги, гьесда хьолбохъ чӀун, жидедасан бачӀараб кумек
гьабуна росдал гӀолохъабазги. Бокьилаан гьезул цо-цо жигаразулги цӀарал
рехсезе: Дибирдадаев МухӀамадсайгид,электросварщик МухӀамадхӀажиев БатӀал (гьев васас кутакалда кумек гьабуна росулъ гьабулеб
щибаб хӀалтӀуе-кида гьараниги вилълъуна рахъал-гундби рахъизе, щиб тӀад
къаниги, ракӀбацӀцӀадго тӀубазабула), Мансуров Шамиль, Хучбаров МухӀамадрасул,
ХӀабибов ГӀалиасхӀаб ва гьел гурел цойгидалги. Аллагьасул рахъалдасан кириги,
гӀадамазул рахъалдасан баркалаги буго гьезие. Гьеб кинабго буго росдае ва букӀинеселъе
гьабулеб хӀалтӀи. Гьал гӀагарал къоязда росдал жамагӀаталъулго гӀахьаллъигун
тӀобитӀана рац1а-ракъалъи букӀинабиялъул
субботник. Гьелда гӀахьаллъана киналго гӀуцӀабазул-учреждениязул
нухмалъулелгун хӀалтӀухъаби, депутатал. ЛъикӀабго кумек ккана школалъул
учительзабазулгун цӀалдохъа-базул коллективалъулги. РацӀа-ракъалъи гьабизе
щибаб хӀалтӀулаб къокъаялда бухьинабураб участкаялдаса мусор баччизе чӀезабун
букӀана машина. Щибаб субботаялъ бачӀунеб буго росулъе мусор баччулеб машина. РакӀалде ккола, гӀаммаб
субботникалдаса хадуб росулъ лъугьараб рацӀа-ракъалъи хвезабулев чиги вукӀинарин,
киназго, добе-гьанибе бан течӀого, мусоровоз бачӀиндал, гьелде мусорги
балилан. Цойги нижер росдал гӀадамазул кутакалда рахӀат хвезабураб суал буго
машинабазда хӀухьбахъиялъе тӀабигӀаталде ва цойгидал росабалъе унел гӀадамаз
гӀабадерил централияб нухде магъакь-кӀачар ва мусоралъул цӀурал пакетал
раялъул суал. Бокьилаан, районалъул батаниги, цогидаб батаниги, иш тӀаде
кколеб идараялъ гьеб суал тӀубазабизе нижее кумек гьабунани. КӀвар кьолеб
буго цӀияв бегавулас росдал гӀолохъабазе хӀухьбахъи гӀуцӀиялде, гьезие
спорталъе шартӀал рукӀинариялде. Гьедин, росун руго спортзалалъе таргӀал,
кибе букӀаниги хӀазе росдал спортсменазул командаби унелъул, гьабула гьезие гӀарцулаб
кумек. Ригьдаго ралагьун руго бегавулас гӀиядаги бачадаги тезе гӀухьби, кватӀичӀого
гьелги рехъаде гъезе руго. Ратила, макъалаялда рехсечӀого хутӀарал, росдал
админис-трациялъул хӀаракаталдалъун гьарурал цойгидал хӀалтӀабиги. Гьезухъги,
тӀадехун рехсарал жамагӀат разиял хӀалтӀабазухъги росдал гӀадамазул
рахъалдасан ракӀ-ракӀалъулаб баркала, Сидикъ, дуе! Хадубккунги гӀадатаб халкъ
разияб хӀалалъ хӀалтӀи гьабизе чорхое сахлъиги тавпикъги, районалъул администрациялъул рахъалдасан кумекги дуе
гьарулаго Г1обода росдал жамаг1ат.
|
