 Гьал г1агарал къоязда гIорхъалаби ц1унулезул Хунзахъ отрядалъул командир С. В. Ниценкол, «Хунзахъ район» муниципалияб г1уц1иялъул бет1ер ХӀ. М. Дарбишевасул бет1ерлъуда гъоркь х1урматияб делегация щвана Хунзахъ росулъа бах1арчи, араб соналъул август моц1алда вах1шиял гъачагъазул квердасан цунт1адерил рохьахъ къадаралде щварав, прапорщик Х1асанх1усейнов Мух1амадил эбел-инсухъе гьоболлъухъ.
Г1орхъалаби ц1унулезул байрамкъоялъ гьел х1урматиял гьалбал рач1иналъе бук1ана цо г1илла-г1олохъанчиясе посмертно Бихьинчилъиялъул орден кьей.
Мунагьал чураяв Мух1амадил бихьинчияб г1амал, маг1арул ях1-намус, т1ад къараб иш ракIбацIцIадго т1убазаби раг1алде щвезаруна гьесда цадахъ хъулухъ гьабураз, гьудул-гьалмагъзабаз. Рак1 гъанц1изабулеб ахIвал-хIал бук1ана пограничникасул эмен-Х1асанх1усейнов Зубайирихъе васасул шапакъат кьолеб лах1заталда. Нагагьавги чиясда к1веч1о бух1араб маг1у кквезе. Порхъалаби ц1унулезул гарнизоналъул нухмалъиялъ раг1и кьуна хадубккунги прапорщикасул хъизамалъе жидедасан бач1араб кумек ва т1алаб-агъаз гьабизе. Бах1арчилъиялъе хвел бук1унаро! Дур мисалалда г1ела г1агараб Хунзахъ анц1- анц1 васал, Аллагьас Алжан кьун вохизавун ватаги мун, Зубайирил Мух1амад!
|
