Араб г1асруялъул лъабкъоабилел соназ Дагъистан Союзалда гуребги, Европаялда ва т1олабго дунялалдаго цебет1ун бач1ана циндаго ункъго рахъалъ. Гьелъул цо рахъ, ай г1аркьел – дунялалдаго ц1ар арал гугарухъабазул кьералъ Дагъистаналъул спортсменазул бицун божилареб цебетурк1и.
Ю. Шахмурадов.
Арал къояз Т1ануси росулъ «Факел» спорткомплексалда т1обит1ана мунагьал чураяв Шагьрудин Шамхалов рак1алде щвезавиялъул эркенаб гугариялъул рахъалъ рееспубликаялъулаб турнир. Исана щуабилеб нух ккола республикаялъул к1варалъул гьединаб турнир Т1ануси т1обит1улелдаса. Къецазда г1ахьаллъи гьабуна республикаялъул шагьараздаса ва районаздаса 16 командаялъ. Гьезда гъорлъ вук1ана 19 бат1ияб ц1айиялда 300 г1ан спортсмен.
Турнир рагьиялъул тадбиралда г1ахьаллъи гьабуна дунялалъулги Европаялъулги чемпион, Олимпиялъул х1аязул г1арцулав призер, СССРалъул мустах1икъав спорталъул мастер Мух1амадхан Г1арациловас, Г1али Г1алиевасул ц1аралда бугеб гугарухъабазул школалъул
(ШВСМ) директор Нажмудин Г1алибеговас, РДялъул счетнияб палатаялъул председателасул заместитель Хъазанби Хъазанбиевас, боксалъул рахъалъ дунялалъул чемпион Тимур Гайдаловас ва республикаялъул бет1ерасул ва х1укуматалъул председателасул заместитель Камил Ясулов ва гьединго Шагьрудин Шамхаловасул г1ага-божараз. Жиндирго баркиялъулаб к1алъаялда районалъул бет1ер Саг1ид Юсуповас баркала кьуна киналниги спортсменазе, т1аде рач1арал гьалбадерие турниралда г1ахьаллъизе рач1аразухъ.
Саг1ид Юсуповас рак1ч1ей гьабуна гьадинал турнирал санайил гьаризе рук1иналда. ДРялъул халкъияб собраниялъул председатель Хизри Шихсаг1идовасул ц1аралдасан баркиялъулаб кагъат ц1алана Мух1амадхан Г1арациловас. Киналниги к1алъазе рахъараз бицана Шагьрудин Шамхаловас республикаялда спорт цебе т1езабиялъе бахъараб жигаралъул.
Туриниралъул х1асилазда рекъон Хунзахъ районалдаса 9 спортменасе щвана т1оцебесеб бак1.
Г1исаев М.- 25 кг.
Ах1мадов Г.- 27 кг.
Батиров М. – 29 кг.
Г1абдусаламов Ю. – 38 кг.
Къурамух1амадов М. – 46 кг.
Г1абдусаламов З. – 50 кг.
Г1алиев Г. – 57 кг.
Къурамух1амадов А. – 61 кг.
Мух1амадханов С. – 70 кг.
Киналниги призеразеги чемпионазеги кьуна кубокал, медалал, г1арцулал сайгъатал. Т1аде рач1арал гьалбадерие сайгъат гьабуна «Ниж Дагъистаниял» абураб т1ехь.
А. Мух1амадова.
|