Моц1г1ан заман буго нилъер районалда районалъул жамг1ияб палата х1алт1изе лъугьаралдаса. Гьеб къокъабго заман бук1аниги, к1иабилеб нухалъ данделъана халкъалъул ургъелал, т1алабал т1алъиялъухъе росизе бокьилин жидееян загьир гьабурал 23 районцоял-делегатал! Бихьизабизе ккола,гьеб коллегиалияб, к1вар бугел лъугьа-бахъинал, жамг1ияталъул масъалаби т1уразариялъе нухал рихьизаризе ихтияр кодосеб идара к1иго соналъе бищун бук1унеблъи.
Гьеб кколаро я юридикияб лицо, я бюджет кодосеб г1уц1и. Т1олабго х1алт1и г1уц1ун бук1уна квешаб – лъик1алъул ургъел бук1иналъул, патриотизмалъул кьуч1алда. Жамг1ияб палатаялъул ихтияр буго хасаб т1алаб гьабулеб масъалаялъе жидеца гьоркьоб лъунин, гьелда рекъон щибниги х1укуму гьабунин т1алъиялдаса жаваб т1алаб гьабизе. «Гургинал столал», данделъаби, г1адамазда гьоркьор лъун пикраби дандбаял ва гь.ц. тадбирал т1орит1ун общественнияб багъа-бачари лъугьинабизе, тарбия кьезе, квешалде данде профилактика т1обит1изе к1вей буго гьел жамг1иятчаг1азул х1алт1ул къаг1идаби.
Гьаниб бихьизабизе ккола, районалъул ОПялъул председательлъун йиго г1адатаб халкъалъе, хасго бесдалазе, жиндасан кумек ц1ик1к1арай, гурх1ел-рах1муялъул бергьун к1удияб х1алт1и жиндица гьабулей Г1усманова Раисат Мух1амадовна (сураталда). Цадахъго гьей ккола Республикаялъул жамг1ияб палатаялъул жигарай г1ахьалч1ужуги. Хас гьабун щибаб бут1а ккун, жамг1иятчаг1аздасан г1уц1ун буго анкьго бат1ияб комиссия, гьезул щивасухъе кколел суалалгун нуж ине бегьула гьезда аск1оре. Ялъуни г1адамазул кагъталгун г1арзаби къабул гьаризеян районалъул администрациялда, кабинет щвейгун г1одой ч1езе йиго гьеб г1уц1иялъул жавабияй секретарь, председателалъул заместитель Г1абдуразакъова Мадина, гьединго г1адамазухъ г1енеккила ветераназул советалъул председатель Г1абдулат1ип Г1алих1ажиевги. Гъоркьехун бахъулеб буго районалъул жамг1ияб палатаялъул делегатазул сиях1. Хъвай, а гьел гьалмагъзабазухъе – нужехъ г1енеккила, малъа-хъвай ва к1вараб кумек гьабила, иншаАллагь.
Граждан общество цебет1езабиялъул,миллатазда ва диналда гьоркьосел гьоркьорлъабазул ва СМИязулгун х1алт1ул рахъалъ комиссия.
1. Х1амзатова Пат1имат (председатель)
2. Сурхаев Шамил Г. (районалъул имам)
3. Мух1амадова Ф. К.
Ветераназул ишазул, социалияб цебет1еялъул ва сахлъи ц1униялъул рахъалъ комиссия
1. Махулова Пат1имат (председатель)
2. Г1алих1ажиев Г1абдулат1ип
3. Жамалудинов К. (К1ахъ)
Рук1а-рахъиналъулгун сверухълъи ц1униялъул рахъалъ комиссия
1. Х1амзатов Х1усен (председатель)
2. Мух1уева Лаюза (САХ «Благоустройство»)
3. Мух1амадов Зиявудин (Т1ануси)
Бак1алъулаб самоуправлениялъул ва жамг1ияб х1анкъи гьеч1олъиялъул рахъалъ комиссия
1. Мах1мудов Мух1амад З. (председатель)
2. Х1айдарова З. М. (Сивухъ)
3. Г1умаров К. М. (Г1оч1ло)
Лъай кьеялъул, г1елмуялъул ва культураялъул рахъалъ комиссия
1. Хъазанбиев Г1алибег Ж. (председатель)
2. Мах1мудова Б. Х1. (Г1арада)
3. Тажудинова Г1.
Ришватчилъиялде данде къеркьеялъул ва жамг1ияб хъаравуллъиялъул комиссия
1. Х1ажиев Х1асан М. (председатель)
2. Расулов Мух1амад (Харахьи)
3. Г1алиев Гъайирбег (Бакьагьеч1и)
Г1олилазул ишазул, туризмалъул ва спорталъул рахъалъ комиссия
1. Мух1амадов Г1убайдула М. (Т1ануси)
2. Мух1амадов М. Х1. (Буц1ра)
3. Гьит1инов Мух1удада Т1. (Хунзахъ)
Ф. Мух1амадова
| 
