Понедельник, 11.12.2017, 12:22 | RSS | Приветствую Вас Гость
Главная | Регистрация | Вход
Меню
Последние номера

1 Декабрь 2017г. №89-90(10023-10024)

24 Ноябрь 2017г. №87-88(10021-10022)

27 Октябрь 2017г. №79-80(10013-10014)

20 Октябрь 2017г. №77-78(10011-10012)

13 Октябрь 2017г. №75-76(10009-10010)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2015 » Ноябрь » 14 » Ц1ИЯБ ЗАЛГИ РАГЬАНА, МУГЬГИ КВАНАНА.
11:38
Ц1ИЯБ ЗАЛГИ РАГЬАНА, МУГЬГИ КВАНАНА.

Халкъазул цолъиялъул къоялъул х1урматалда Хунзахъ районалъул музеялда т1обит1ана т1олабго Россиялдаго лъазабураб «Музеялда искусствабазул сордо» тадбир. Ц1акъ интерес ц1ик1к1араб, пайдаяб х1алалда г1уц1ун бугоан музеялъул х1алт1ухъабаз исана гьеб: гьале нек1сияб бертадул г1адатги, гьале ц1адухъ рак1ал журарал харбалги, к1к1уйдул мах1 бахъарал умумузул квеналги, рак1алдаса унареб аваданлъиги. Цойги рохизе ккараб х1ужа бук1ана гьеб къоялъ районцоязе! Районалъул бет1ер Саг1ид Юсуповасул, администрациялъул вакилзабазул, управлениязул, отделазул нухмалъулезул, г1уц1абазулгун учреждениязул коллективазул г1ахьаллъигун музеялда рагьана  цойги ц1ияб зал. Гьенир сок1к1ун руго Г1орт1аколо абулеб бак1алда ратарал археологиял находкабазул 3 азаргог1ан экспонат. Гьоц1дерида г1агарлъухъ бук1араб росулъ г1умруялъул нуг1зал кколел руго 10-12 г1асрабаздаса рач1арал «гьалбал» щаг1ил хъубиги, х1алт1ул алаталги, т1ад г1ажаибаб каллиграфия бек1к1арал ганч1алги, х1алт1ул алаталги-камураб щибго гьеч1оан гьениб! Лъаг1алида жаниб к1иабилеб рагьулеб буго т1адеги зал нилъер музеялда. Цояб, Кавказалда ругел рух1ч1аголъабазул, рагьана лъаг1алил байбихьудаго ва гьеб рагьиялъ лъик1аланго ц1ик1к1ана музеялде рач1унел школлъималазул, ч1ах1иязул къадар. Гьалеха лъаг1алил ахиралдаги, музеялъул диерктор Шамил Г1алиевасул х1аракаталдалъун ва гьесие х1ажаталъур хьолбохъ ч1олел музеялъул х1алт1ухъаби-ясазул х1алт1уде бугеб рак1 унтиялъулгун рокьул х1асилалдалъун, рагьана т1адеги зал. Бихьизабизе ккола гьал сахал рак1азул г1адамаз жидерго бук1араб кабинет сверизабун буго гьелде. Гьале дица доб рехсараб х1алт1уде рокьи! Зал рагьиялъул х1урматияб тадбиралда г1ахьаллъарав музеялъул х1ажалъабазе кумекалъулаб квер кидаго бегьулев Саг1ид Юсуповас т1адег1анаб къимат кьуна музеялъул х1алт1уе, бихьизабуна араб ц1унич1ев чиясул бук1инесебги гвангъараб бук1ине рес гьеч1ин, баркана данделъаразда халкъалъул цолъиялъул къоги, ах1ана киналго гьудуллъи-вацлъиялдеги. Лъик1абго ихтилат-кеп г1уц1ана гьеб сордоялъ Россиялъул халкъазул традиционнияб культураялъул х1аракатчаг1аз. Азарабго баркала буго гьезие, квачараб сардил г1ужалъухъ балагьич1ого, мажлис релъинабуралъухъ. Г1ат1ал хинк1аздаса, бух1унч1ик1алдаса, т1аг1амал ц1урачадаздаса, мугьалдаса байбихьун нат1ух1алде щвезег1ан гьоболлъи г1уц1арал музеялъул х1алт1ухъабазеги буго баркала, Аллагьас  садакъа къабул гьабеги нужер!

Жакъа къоялда х1акъикъаталдаги х1ажат руго гьединал, нилъер умумузул, гьезул г1умру-яшав цебе ч1езабулел, нилъго аварал рук1ин рак1алде щвезарулел тадбирал. Гьелъ нилъ киналго цолъиялдеги рачуна, рек1ел ах1вал-х1алги борхизабула. Доб сордоялъ музеялда рук1аралщиназе (ц1ар-ц1ар ккун рехсеч1ониги) адабалда бет1ерги къулун лъуг1изабулеб буго.

Ф. Мух1амадова.

Просмотров: 170 | Добавил: NiGMaT | Рейтинг: 5.0/1

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz