Жакъа хирияб къо к1одо гьабизе
К1одоэбел хваяй, дун йиччаларищ
7 марталда райцентралда культураялъул к1алг1аялда Авар театралъул артистаз кьуна руччабазул х1урматалда байрамалъулаб концерт.
Берцинал, гьайбатал, х1еренал, х1алимал кирго бихьиназе кумекалъе ратулел руччабазда гьезул байрамги баркун к1алъана районалъул нухмалъулев Саг1ид Юсупов. С. Юсуповасги культураялъул отделалъул нухмалъулей И. Мух1амадовалъги районалъул г1умруялъулъ бихьизабураб х1аракатчилъиялъухъ х1урматалъул грамотабигун т1угьдузул квац1абаздалъун к1одо гьаруна хадур рехсарал руччаби: Г1алиева Башат (ЦСПСД), Шатова Оксана, Х1айбулаева Пат1имат, Г1алиева Пат1имат, Махулова Пат1имат (ЦРБ), Эмелова Мадина, Къебедова Марипат, Локалова Парихан, Гьиматова Мисай (администрация), Г1умарх1ажиева Хатимат (Хунзахъ совет), Мух1амадова Аминат (Ц1ада совет), Нурмух1амадова Пат1имат (Гьоц1алъ СДК), Пазлудинова Пат1имат (Сивухъ СДК), Нурмух1амадова Пат1имат (пенсионнияб фонд), Г1алиева Баху (ЦСОН), Г1умарова Мадина (Минмелиоводхоз), Мух1амадова Багичу (Ц1ада ясли-ах), Мух1амадова Асият (Хунзахъ школа №2), Абакарова Пат1имат (Г1обода школа), Х1усенова Саида (Уздалросу школа), Мух1амадова Х1уризадай (Шотот1а библиотекарь), Мух1уева Зайнаб (ветфельдшер), Мух1амадова Нурбика (Шотот1а школа), Хайчалаева Зарипат (Харахьи школа), Хъазанбиева Каримат (УСЗН).
Руччабазда т1аде щвараб 8 март баркараб тадбиралъулъ С. Юсуповасе баркала кьураб к1алъай гьабуна райбольницаялъул поликлиникаялъул заведующая Пат1имат Махуловалъ.
Официалияб бут1аялдаса хадуб байбихьана авартеатралъул х1аракатчаг1азул церерахъин. Г1одорч1аразе куч1дул ах1ана ДРялъул мустах1икъал артистал Пат1имат Х1ажиевалъ ва Абакар Г1умарх1ажиевас, театралъул артистал: Хадижат Мух1амадовалъ, Пат1имат Г1исаевалъ, Расул Рах1имовас, Ариза Мух1амадовалъ, Рамазан Г1абдулгъаниевас, бихьиназул ва руччабазул квартетаз ва гь.ц. Артистазул бергьараб махщел-гьунаралъе нуг1лъи гьабула, гьезул цо-цоял к1иабилеб нухалъги, залалда г1одорч1аразул гьариялдалъун, цере ах1улел рук1иналъ. Артистазул церерахъин берцинго нухда бачана Абултураева Мадинаца ва Хасаев Х1айбулаца.
Концерталдаса хадуб Саг1ид Юсуповас Авар театралъул директор Мух1амадрасулов Мух1амадрасулие сайгъат гьабуна гьоц1дерил устарзабаз гьабураб г1арцул ханжарги. Мух1амадрасулилги бук1ана Саг1идие къиматаб сайгъат.
Цересел соназг1адин, кванил столаздасан г1уц1араб г1одорч1ей бук1инч1ониги. Авартеатралъул артистазул церерахъиналдаса разиго хут1ана г1адамал. Тавпикъ кьеги авар театралъулазе хадубккунги нилъер районалде рач1ине.
П. Гунашева.
|