Дагьаб цебе Мах1ачхъалаялда т1обит1ана республикаялъул лъайкьеялъул х1алт1ухъабазул анлъабилеб спартакиада. Гьелда г1ахьаллъана цебеккун зонабазда рук1арал къецазда бергьарал Мах1ачхъала, Кизилюрт, Буйнакск шагьаразул, Хунзахъ, Бабаюрт ва Къасумкент районалъул учительзабазул командаби. Республикаялъул лъайкьеялъул министерствоялъул ва лъайкьеялъул х1алт1ухъабазул профсоюзазул комитеталъул х1аракаталдалъун т1обит1араб гьеб спартакиадаялъ гъорлъе рачана волейбол, теннис, шахматал, шашкаби, гиря рехи г1адал спорталъул тайпаби.
К1иго къоялъ халатрахъана къецал. Волейболалъе нилъер муг1алималъе рахъарал цониги ккеч1о, бихьиназулги руччабазулги, к1иябго командаялъ т1алъи босана спорталъул гьеб тайпаялда. Цогидал тайпабаздаги нилъерал нахъе ккеч1о, г1амм гьабун босани районалъул муг1алимазул команда чемпионлъун бахъана. К1иабилеб бак1 Кизилюрталъ босана ва лъабабилелде рач1ана мах1ачхъалаялъулал. Спартакиадаялъул чемпион-нилъер команда мустах1икълъана кубокалъе, медалалъе, г1арцулал сайгъатазе, лъайкьеялъул министерствоялъул грамотабазе. Къецазул цогидал призералги к1одо гьаруна грамотаби медалаздалъунги г1арцулал сайгъатаздалъунги.
|