Районалъул бет1ер С. К. Юсуповас
нухмалъуде вищараб къоялдаса нахъе байбихьун ц1ик1к1араб к1вар кьолеб буго
районалъул жамг1ияталъул киналго рахъазде. Гьелъул мурадалда нухмалъулес
районалъул росабалъе гьарулел руго ишалъулал сапарал, райадминистрациялда
бат1и-бат1иял ишазул г1адамалги ах1ун т1орит1улел руго хасал масъалаби
т1уразариялде руссарал данделъаби.
23 октябралъ районалъул бет1ер С.
К. Юсуповасул кабинеталда киналго ясли-ахазул заведующаялги данде гьарун
т1обит1ана данделъи. Данделъиялда г1ахьаллъана районалъул лъай кьеялъул
управлениялъул начальник 3. Г1умаровги.
Данделъиялда гьоркьоб лъураб аслияб
суаллъун бук1ана ясли-ахазда т1аде щолеб хасалил заман квачач1ого т1обит1и.
Ясли-ахазда ругел г1унгут1аби, гьезда цереч1арал масъалабиги лъазелъун
районалъул нухмалъулев щун вуго чанго ясли-ахалде, жинцаго кьураб раг1иги
хвезабич1ого гьенир ратарал ч1ах1иял г1унгут1абиги ц1араб къоялде т1уразарун
руго.
Масала: Хунзахъ лъимал
церет1езариялъул централда_С. К. Юсуповасул кумекалдалъун лъун руго ц1иял гордал, гьениб ва № 3 ясли-ахалда хисун руго
хинлъизабиялъул системаби, гьебго
росдал № 2 ясли-ахалъе биччан буго хинлъизабулеб системаялъул насос босизе
г1арацги.
Районалъул ц1ияв нухмалъулес
ц1ик1к1араб к1вар кьолеб буго ясли-ахазул гьит1ичазул кванилаб рацион лъик1лъизабиялдеги.
Данделъиялда рихьизарурал
масъалабазда гьоркьор руго мебель басралъун хисизе ккейги, гьанже заманаялъул
оргтехника х1ажат бук1инги. Жидеего гьабураб кумекалъухъ ясли-ахазул заведующияз
(С. Г1исаева) С. К. Юсуповасе кьуна баркалаги, гьарана х1алт1улъ церет1еялги.
Г1олилазул г1умру
лъик1лъизабизелъун.
24 октябралда районалъул бет1ер С.
К. Юсуповасул нухмалъиялда гъоркь райадминистрациялъул данделъабазул залалда
т1обит1ана районалъул г1олилазул ДРялъул жамг1ияб палатаялъул, г1олилазул
комитеталъул ва «Молодая гвардия» г1уц1иялъул вакилзабазул г1олилазулгун дандч1ваял.
Г1олилалгун дандч1вазе районалде
рач1ун рук1ана ДРялъул г1олилазул ишазул комитеталъул председатель Заур Мажидович
Къурбанов ва нилъер ракьцояв, «Единая Россия» партиялъул Дагъистаналда
бугеб «Молодая гвардиялъул» координатор
комитеталъул проектнияб отделалъул нухмалъулев Мух1амад Г1абдусаламович Хат1ипов.
3. Къурбановас жиндирго к1алъаялда бицана Дапгъистаналда цо-к1иго
соналъ цебе гьарурал ц1ех-рехазда рекъон 958 азарго г1олилал ругилан ва гьелда
рекъон республикаги г1олилазул республика кколилан. Президент P. XI. Г1абдулат1иповас
районазул нухмалъулезда бихьизабун буго г1олилазулгун х1алт1и гьабизе. Щивав
г1олилас х1аракат бахъизе ккола къо г1адада биччач1ого живго цевет1езавизе,
ц1ияб-лъик1аб лъазабизе, лъай борхизабизе. Г1олилазда гьоркьоб миллаталъухъ
балагьун рикьаби ккезаризе бегьуларо. Дагъистаналъул г1олилал - гьел руго цо
г1олилал. Гьединго ДРялъул г1олилазул комитеталъул председателас т1адег1анаб
къимат кьуна районалъул бет1ер С. К. Юсуповасул к1удияб гъира-шавкъалъе ва гьабулеб бугеб х1алт1уе. Г1олилазе жидехъан
бажарараб кумек гьабилилан к1алъай гьабуна М. Хат1иповасги. Гьес бицана
г1олилазул проектал г1умруялде рахъинаризе бат1и-бат1иял грантал ругиланги.
Г1олилазул г1умруялъулъ дандч1валел
цо-цо зах1малъабазул, г1олел-г1оларел рахъазул бицана жалго г1олилазги.
Районалда т1адеги лъай щвеялъул
центр, бат1и-бат1иял курсал х1ажат ругин; ясли-ахалъул гьит1ичазул
квана-гьекъеялде ва росулъ лъималазул площадка бук1инабиялде к1вар кьезе
ккелин; социалияб проектирование гьабизе г1олилазда малъизе ккелин (А. Гьит1иновасова,
Хунзахъ бак1алъул телевидениялъул нухмалъулесул заместитель). Г1олилазе х1ажат
бугин данде рак1аризе цо хасаб бак1 (Г1умаров Камиль, РФялъул Президентасул
гранталъул лауреат, Г1оч1ло). Г1олилазда жидерго ихтиярал лъазе кумек гьабизе,
г1олохъанал хъизаназе кверч1вай гьабизе, ц1алдохъабазул проектал г1умруялде
рахъинаризелъун гьезие грантал г1уц1изе (С. Махулова, ЦСПСДялъул специалист).
Республикаялъул парламенталде районалдаса депутат вук1ине ккеялъул, гьев
вищиялъул къаг1идаялъул (М. Г1абдулкъадиров, ИМЦялъул х1алт1ухъан).
Инновационниял технологиял г1олилазда лъазе, малъизе ккеялъул (П. Г1алиева,
Хунзахъ СОШалъул учительница). ЕГЭ рак1 бац1ц1адго т1обит1изе
ккеялъул (XI. Мах1амаев, Харахьи СОШалъул ц1алдохъан). Данделъиялде вач1арав
Т1ануси гьоркьохъеб школалъул директор Хъ. Дибировас бихьизабуна лъималазе роолил
заманаялда х1ухьбахъи гьабизе лагерал районалда х1ажат ругиланги. Т1адехун
рехсарал масъалаби т1уразаризелъун жинцаго гьарулел ругел ва гьаризе х1исабалде
росун ругел х1алт1абазул г1олилазе бицана районалъул бет1ер С. К. Юсуповасги.
Гьедин, ихдал рак1алда бугин райцентралда бугеб фонтан сверун бак1 къач1азе.
Данделъиялъул ахиралда 3. Къурбановас
г1олилазда т1адкъана х1алт1ул 3 бут1а: г1елмиябгун практикияб (социалияб
проектированиялда хурхараб) конференция г1уц1изе; риидала палаточнияб лагерь
гьабизе г1олилал х1адуризе; г1олилазда жидерго ихтиярал малъиялъул х1алт1и
г1уц1изеги.
19 ноябралда республикаялда
т1ибит1изе бугеб г1олилазул т1оцебесеб съездалде делегатал х1адуреянги
бихьизабуна комитеталъул нухмалъулес.
Г1олилазе жиндасан бажарараб кумек
- кверч1вай бук1ине бугилан paг1и кьуна районалъул бет1ерасги.
Берцинаб, пайдаяб, цоцазда рич1ч1иялъул ах1вал-х1алалда ана данделъи.
Лъай кьей т1адег1анаб даржаялде!
Гьебго къоялъ районалъул бет1ер С.
К. Юсупов дандч1вана районалъул школазул директорзабигун. Данделъиялда г1ахьаллъана
РУОялъул начальник 3. XI. Г1умаровги. Данделъиялда гьоркьоб лъураб аслияб
суаллъун бук1ана т1аде щолеб бугеб хасалоялде х1адурлъи. Школазул х1алт1и
г1уц1улаго дандч1валел зах1малъабазул бицана Т1ануси гьоркьохъеб школалъул
директор Хъ. Дибировас, Г1обода гьоркьохъеб школалъул директор П. Х1абибовалъ,
Моч1охъ гьоркьохъеб школалъул директор М. Нурмух1амадовас. Школазда х1алт1и
бачиналъулъ дандч1валел зах1малъабазда гьоркьор руго партаби, доскаби г1олеб
къадаралда гьеч1олъи, ругелги басралъун рук1ин, чанги школазе капиталияб ремонт
х1ажат бук1ин, щитовиял школазул бак1азда цойгидал х1ажат рук1ин ва цогидалги.
Гьединго, ц1ияб сон т1аде щвелалде
районалъул бюджет г1уц1илалде школаз х1адур гьаризе ккола жидеего
къвариг1араб-тараб бихьизабурал сметаби.
Районалъул бет1ер С. К. Юсуповас
бихьизабуна ц1алдохъабазул лъай борхизабиялъул даража лъик1лъизелъун школазул
коллективаз жидерго х1алт1и к1вар кьун гьабизе, гьанжесеб заманаялда рекъон
х1алт1изе.
Текст П. Гунашевалъул.
|