Т1олабго Дагъистан х1адурулеб буго Расул Х1амзатов гьавуралдаса 95 сон т1убаялъул юбилеялде. Республикаялъул бет1ерасул ишал т1уралев Владимир Васильевас гьелда хурхун г1уц1ун буго хасаб комитет, ва к1удияв шаг1ир гьавурав юбилеялде х1адурлъи жиндирго хасаб бербалагьиялде гъоркье босун буго. Нилъер районалдаги унеб буго х1адурлъи. Къач1алеб буго Ц1ада бугеб мемориалияб комплекс. Жанибе цо-цо бак1алдасан лъим бач1ун, т1ох г1еккон, мокърукьа рохьи гъун бач1ун лъик1аб х1алалда бук1инч1о гьеб. Комплексалда жанибе лъим к1анц1ич1ого бук1ине гьениб гьабуна ц1ияб дренажалъулаб система, хисулел руго горо-ц1адалъ гъурун рук1арал фонарал, хисулел руго жагъаллъи ккарал токалъул кварал. Гьединго комплексалда бук1ине буго районалдаса К1удияб Ват1анияб рагъул г1ахьалчаг1азул аллея, нухде т1езе буго хъил. Рехсарал х1алт1аби гьарулел руго жамг1ияб къуваталдалъун.
|