Бач1унеб 2015 сон районалъул газеталъе ккола хасаблъун  ва цойгидал соназдаса т1адег1анаблъун. Т1адеялъул «Росдал зах1матчи» ялъ к1одо гьабизе  буго халкъияб информациялъул печаталъул алатлъун жиб кколеб газеталъул т1оцебесеб номер къват1ибе аралдаса 90 сон  т1убаялъул юбилей.
Г1асру г1езе анц1го сон камураб заман нагагьабги г1уц1иялъ балеб батиларо гьаб ракьалда, гьеб буго  т1убараб г1умру, тарих, къисмат. 90 соналъ г1умруялда цадахъ, М. Горькияс абухъе «нужеда цадахъ ва нужее г1оло», х1урматиял газета ц1алулел. Гьеб лъугьа-бахъиналъул х1урматалда 2015 соналъ т1обит1изе ругел тадбиразда гьоркьоб нижеда рак1алда буго, жал гьеч1они газетаги гьеч1еб подписчиказда гьоркьоб лотерея т1обит1изе. Гьединлъидал, г1едег1ел гьабе районалъул социалиябгун экономикияб г1умру, лъик1аб-квешаб, исламияб г1елму, лъугьунеб – толеб лъаялда цадахъго къиматаб сайгъат щвезеги.
Хъвай, ц1але багьа учузаб, жибго бечедаб районалъул газета! Рак1алде щвезабулеб буго гьелъул лъаг1алиего багьа почалдасан 260 гъурущ батани, редакциялдаса нужецаго босизе рач1инелъун гьеб буго лъабго нухалъ дагь – г1иц1го 100 гъурущ.
Рач1а нижехъе хъвай «Росдал зах1матчи» г1ахьаллъе лотереялда!