Суббота, 24.02.2018, 22:59 | RSS | Приветствую Вас Гость
Главная | Регистрация | Вход
Меню
Последние номера

16 Февраль 2018г. №10-11 (10042-10043)

9 Февраль 2018г. № 8-9 (10040-10041)

2 Февраль 2018г. № 6-7 (10038-10039)

26 Январь 2018г. № 4-5 (10036-10037)

19 Январь 2018г. № 3 (10035)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2011 » Апрель » 20 » ГЬАБУРАБГИ ДАГЬАБ ГЬЕЧ1О, ГЬАБИЗЕ БУГЕБ ЖЕГИ Ц1ИК1К1АРАБ БУГО.
18:57
ГЬАБУРАБГИ ДАГЬАБ ГЬЕЧ1О, ГЬАБИЗЕ БУГЕБ ЖЕГИ Ц1ИК1К1АРАБ БУГО.

      Районалъул бетӀерасул тӀоцебесеб соналъул хӀалтӀул хӀасилал квешал гьечӀо. Гьелъие нугӀлъи гьабула социалиябгун экономикияб рахъалъ ругел церетӀеязе гӀоло, ХӀ. Дарбишев хӀалтӀуде вачӀараб тӀоцебесеб соналъго мӀугӀрузул районазда гьоркьоб районалъ лъабабилеб бакӀ кквеялъги. Районалда гьарун рагӀалде рахъинарурал ишазул хӀакъалъулъ «Росдал захӀматчи» газеталъ цебехун хъванги букӀана. Гьал мухъазул автор гьал къояз дандчӀвана райадминистрациялъул бетӀер ХӀ. Дарбишевгун. Районалъул бетӀерас, газета гьоркьоб ккун, районалъул гӀадамазе баян гьабуна 20ӀӀ соналъ гьаризе ругел ишазулги. Гъоркьехун кьолел руго гьезул аслиял.

Райбольницаялде лъим бачун лъугӀана. Гьаб соналъ лъим чвахизе буго ЦӀияб БуцӀрабеги. ХӀалтӀи гьабулеб буго районалъул доходаздасан.

Мущулибе, ЛъагӀилухъе, ГӀорутӀе лъим бачун лъугӀизабизе буго гьаб соналъ.

ГьоцӀалъе лъим бачун лъугӀизабизе буго гьаб соналъул хасалихълъиялде. ТӀадеги гьабизе буго лъим цӀунулеб кӀиго резервуарги.

БакьагьечӀи росдал ГӀарада хъутаналда бахъун лъугӀун букӀараб артезианалъул иццул лъим батана гьекъезе бегьулареб. Унеб буго гӀайибияв валагьулеб цӀех-рех. ГӀайиб лъида батаниги, ГӀарада росдал гӀадамал гьекъезе бегьулеб лъедалъун хьезаричӀого тезе гьечӀо.

ГьоцӀалъ спорткомплексалда гьаризе планалда рукӀарал хӀалтӀаби лъугӀизаруна. ТӀадеги,цӀулал гордал хисун, лъунапластикалъулал. КъачӀалел

руго ретӀел бахъулеб рукъ ва душевая.

    Хунзаъ М.ГӀалихановасул къватӀ къачӀан лъугӀизабизе буго гьаб соналъ.

ТӀануси гӀадамазул минабахъе газ бачун лъугӀанин абизе бегьула. Хунзахъ, ГӀарани, Гиничукь, БакьагьечӀи, ЦӀада росабазда гьоркьосел трубаби (межпоселковые трубы) рачун лъугӀун хадуб, ТӀанусибго гӀадин, Хунзахъ, ГӀарани, Гиничукь, ВакьагьечӀи, ЦӀада росабазул минабаздаги газ бакизе буго. ТӀалъиялъул хутӀарал киналго росабалъги лъезе руго газил трубаби. Гьеб кӀудияб хӀалтӀуе гӀарац балагьун буго. КватӀичӀого хӀалтӀуде байбихьизе буго.

ГӀебутӀа 1 млн. Ӏ04 азарго гъурщиде гьаризе тӀаде росун рукӀарал хӀалтӀаби гьарун лъугӀизаруна.

Хьиндахъ гьоркьохъеб школа, тӀадеги гьаризе кколел хӀалтӀабиги гьезда гьоркьобго пищеблокги гьабун лъугӀизабун, пачалихъияб комиссиялъ къабул гьабулеб даражаялде щвезабизе буго. Гьебго школалда спортзалалъе байбихьи лъезе буго 20Ӏ2 соналъ.

    Хунзахъ №1 школалда капремонт рагӀалде бахъинабизе буго.

ГӀархъида (ГӀочӀло хъутан) балеб бугеб Ӏ00 цӀалдохъанасе бакӀ бугеб гьоркьохъеб школа чердакалде гъоркье буссинабизе буго.

ГӀочӀло (магӀарухъ) райадминистрациялъул хӀисабалда балеб бугеб спортзал чердакалде гъоркье буссинабизе буго.

ГӀарани-БакьагьечӀи росабазда гьоркьоб шагьра нухда канлъи кьолеб токалъул кваразул мухъ хӀалтӀизе кьезе буго Ӏ,5-2 моцӀидасан.

Гъоркьколо  балеб бугеб школа гьаб соналъ хӀалтӀизе кьезе буго. Школа балеб буго райадминистрациялъул доходаздасан.

Ахтини (ГӀахьалчӀи хъутан) райадминистрациялъул доходаздасан балеб бугеб спортзалалда гордал, нуцӀби лъейги жанисел хӀалтӀабиги гьаб соналъул ахиралде лъугӀизаризе руго.

  Гьамущибе лъим чвахизабизе планалда буго. Важарилаан лъим Харахьибе чвахизабизеги. Амма гьезул ракьалда гьечӀо бачине лъим. Херехьдерил жамагӀаталда ва росдал бетӀерасда мадугьалзабазулгун гӀаммаб мацӀ батун бажарани райадминистрациялда кӀвелаан исанаго Харахьибе лъим бачине.

Больницаялъе балеб бугеб цӀияб корпус гьаб соналъго хӀалтӀизе кьезе буго. Гьелъие хӀажалъулеб гӀарацги балагьун буго. ЦӀияб больницаялде гочинабизе буго поликлиникаги.

 «Чистая вода» программаялда рекъон, лъим бачине буго Гиничукье, БакьагьечӀибе, ГӀободе, ГӀаранибе, ГӀахьалчӀибе, Хунзахъе. Унеб буго проектал гьариялъул ва цогидалги хӀадурлъиялъулал хӀалтӀаби.

ГӀарац гьечӀого, гьоркьоб къотӀизабун букӀана БуцӀра гьоркьохъеб школа баялъул хӀалтӀи. Райадминистрация-лъул бетӀер ХӀ. Дарбишевас гьеб хӀалтӀиялъе 30 млн. гъурущ балагьана ва кватӀичӀого хӀалтӀуде байбихьизе буго. Школалъул спортзал баялде байбихьизе буго 20Ӏ2 соналъ.

Уздалросулъ  администрациялъул цӀияб мина базе 3 млн. 200 азарго гъурущ балагьана.

ТӀагьада школалда лъугӀизабичӀого хутӀун букӀараб спортзал бан лъугӀизабизе 5 млн. гъурущ биччан буго. Гьенибго пищеблок базе гӀарац балагьана ва гьаб соналъ гьеб хӀалтӀизе кьезе буго.

ЗагӀиб, Гъоркьколо ФАПазе минаби разе байбихьизе буго.

ГӀарани базе буго 6 квартираялъул мина, хӀисабалде босун буго 2011 соналъ школазе, ясли-ахазе, ФАПазе ремонталъе гӀарацги.

ТӀадехун рехсарал хӀалтӀабазе 2011 соналъ харж гьабизе буго 119 млн. гъурущ. Гьеб ккола араб соналде дандеккун 85 млн. гъурущалъ цӀикӀкӀун.

Газета цӀалулезда ракӀалде ккезе бегьула райадминистрациялъ культураялде кӀвар кьун гьечӀилан. Гьеб битӀарабги буго. Живго районалъул бетӀерасдаги бичӀчӀулеб буго гьеб. ВачӀунеб 20Ӏ2 соналъ гьеб бутӀаялде цӀикӀкӀун кӀвар кьезе ракӀалда буго районалъул бетӀерасда.

Хадубккунги районалъул ва росабазул администрацияз гьабураб ва гьабичӀого хутӀараб хӀалтӀул гъваридго хъвазе буго райгазеталъул гьурмазда.

Районалъул бетӀерасул пресс-секретарь ГИСА Г1ИСАЕВ.

 
Просмотров: 453 | Добавил: NiGMaT | Рейтинг: 5.0/1

by NiGMaT © 2018 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz