Понедельник, 11.12.2017, 12:14 | RSS | Приветствую Вас Гость
Главная | Регистрация | Вход
Меню
Последние номера

1 Декабрь 2017г. №89-90(10023-10024)

24 Ноябрь 2017г. №87-88(10021-10022)

27 Октябрь 2017г. №79-80(10013-10014)

20 Октябрь 2017г. №77-78(10011-10012)

13 Октябрь 2017г. №75-76(10009-10010)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2017 » Апрель » 30 » ЦОЦАДА РИЧ1ИЯЛЪУЛ АХ1ВАЛ-Х1АЛАЛДА.
19:49
ЦОЦАДА РИЧ1ИЯЛЪУЛ АХ1ВАЛ-Х1АЛАЛДА.

Гьал къоязда райадминистрациялъул данделъабазул залалда Россиялъул Пенсиязул фондалъул Дагъистаналъул отделалъул нухмалъулев Г1исаев Мух1амад дандч1вана ДРялъул муг1рузулаб территориалияб округалде гьоркьоре унел муниципалитетазул бут1рулгун, гьел районазда ругел Пенсиязул фондалъул отделениязул нухмалъулелгун, ветераназул ва жамг1иял г1уц1абазул вакилзабигун. Мух1амад Г1исаевичгун дандч1ваялда г1ахьаллъана пенсиязул идараялъул киналгоязде г1агарун отделазул нухмалъулел ва специалистал.

Данделъиялда к1алъазе вахъарав М. Г1исаевичас г1одорч1аразе бицана дандч1ваялде рач1иналъул мурад. Дагъистаналда вугев 650 азарго пенсионерасе щолеб буго 110 миллиард гъурущ. Гьезда гьоркьоре кколел руго 243 рагъул ва 14 Ленинградалъул блокадаялъул г1ахьалчаг1и. Гьел пенсионеразе пенсиял рахъулелъулги, хадубккун гьезда хурхун хиса-басиял гьарулелъулги, эбелалъулаб капитал кьолелъулги, пенсиязул фондалъ жидерго х1алт1улъ аслияб масъалагун рик1к1унеб буго рак1 бац1ц1алъи ва мух1канлъи, г1адамазухъе пенсиял ц1араб болжалалда щвезари. Г1адатиял г1адамазулгун гара-ч1вариял гьарун, пенсиязда хурхун гьезул рач1унел суалазе жавабал кьей бук1ана гьезул цебе ч1араб масъалалъунги.

Щивав г1енеккизе вач1арасул рес бук1ана жиндие х1ажатаб суалалъе жаваб щвезе. Суалал рук1ана гьанжеялдаса чанго соналъ цебе пенсиялде аразулги, г1агараб заманалда пенсиялде ине х1адурлъулезулги, чанго соналдасан пенсиялъул ригьалде рахунезулги.

Пенсиял рахъиялъул ва гьезда хурхун хиса-басиял гьариялъул отделалъул начальникасул заместитель М. Мусаевас г1одорч1аразе бицана пенсиязда т1аса кинаб бук1аниги налог кквезе бегьунгут1иялъул ва цогидалги хиса-басиязул, мисалалъе, гьабсаг1аталда пенсионеразе щолеб пенсия г1емерго бат1а бахъулеб буго чанго соналъ цебе нилъер умумузе щолеб бук1аралдаса. Жакъа херлъидал пачалихъалъ бахъулеб пенсия киналго пенсионеразе цого къаг1идаялъ бахъулеб гьеч1о. Г1олохъанаб г1елалъул рес буго зах1маталъулаб г1умруялде лъугьараб т1оцебесеб къоялдасанго бук1инесеб пенсиялъул къадар ц1ик1к1инабизе. Кин гьеб гьабилеб? Кинал къаг1идаби гьелъул ругел? Щиб гьелъие х1ажалъулеб? абурал суалазда т1адеги, г1одорч1арал кант1изелъун гьениб баян кьуна нагагьлъун законияб гуреб къаг1идаялда бахъараб пенсия бук1ине кколелдаса ц1ик1к1инабун яги дагь гьабун бахъун батани, ц1ик1к1ун щвараб т1ад буссинабизе, дагьго щваралъул ками т1аде жубазе бегьулеблъи.

Кколел руго хварав чиясул пенсия чанго моц1азги, лъаг1елазги босулел х1ужаби. Гьединаб х1арам т1атани, бич1изабуна Мусаевас гьебги т1ад буссинабич1ого толарила, г1айибиязе законалъул т1алабазда рекъон тамих1ги гьабулила.

Рук1ана суалал пенсия бахъулелъул, босулъелъул пенсионерал к1удияб иргаялда ч1езе кколел рук1иналда бан, электронияб ирга ч1езабизе, пенсионеразе пенсиял хъулухъчаг1азего г1адинан карточкаялде рехизе бегьуларищин гьикъулелги. Гьел суалазе жаваб кьезе вахъарав Дагъистаналъул пенсионеразул союзалъул председатель Мух1амадов Г1абдурах1маница бич1изабуна нилъер пенсионерал ругьунал гьеч1ин карточкаялде рехараб пенсия нахъе бахъизе, гьеб гуребги, кинавго чиясда гурила к1олеб гьеб босизе банкоматал ругеб бак1алде инеги.

Гьединлъидал пенсия щивав чиясухъе жиндихъего рокъобе щвезабизе кколилан.

Пенсия бахъулелъул рарал соназухъ гуребги, хал гьабиялде босулеб буго щивав чиясул х1алт1ул стажги, ай Пенсионнияб фондалде страхалъул взносал рехараб заман.

Гьелда абулеб буго страхалъулаб пенсияйилан. Гьеб бахъулелъул, ц1ияб къаг1идаялда рекъон кинал шарт1ал х1ажалъулелалиги бицунаго, М. Мусаевас абуна пенсиялъул ригьалде арал 55 сон барал руччабазе ва 60 сон барал бихьиназе данд рекъон кколеб х1алт1ул стажги х1ажалъулилан. 2016 соналъ бищунго г1одобег1анаб страхалъулаб стаж бук1ун буго-7 сон, 2017 соналъ-8 сон, хадубккунги гьелъул къадар соналдаса соналде ц1ик1к1унеб буго, гьедин 2024 соналде страхалъулаб стаж 15 соналде бахунеб буго. Хал гьабизе раг1ула пенсиялъулал баллазулги. 2016 соналда бук1ун буго-9 балл, 2017 соналда бук1ине кколеб раг1ула-11,4 балл, гьедин щибаб соналда ц1ик1к1инабун, 2025 соналде гьеб 30 баллалде бахине кколеб буго.

Амма киналго г1адамазда гурелъул х1алт1изе к1олеб. Рук1уна гьит1инаб къоялдаса нахъего инвалидаллъун лъугьарал, г1умрудул бат1и-бат1иял ах1вал-х1алалда рекъон х1алт1изе к1веч1ел ва гьединлъидал х1ажатаб страхалъулаб стажги, пенсиялъулал баллалги щвеч1ел г1адамал. Гьединазе кьолеб буго социалияб пенсия, руччабазе 60 сон байгун, бихьиназе 65 сон байдал, инвалидазе-инвалидность ч1езабураб къоялдаса нахъе.

Гьеб гуребги, данделъиялда бицана жив-жив чиясул живго бет1ергьанаб лицевой счет, жиндирго кабинет бугони, бук1унеб хайиралъул ва гьел гурелги, районазда пенсионныяб фондалъе минаби раялда хурхаралгицин суалал.

Г1адатиял г1адамазулгун гьединал дандч1ваял т1орит1иялъ, гьезул пикраби, ургъелал лъазариялъ Дагъистаналъул пенсиязул фондалъе рес щвана гьел т1аг1инариялъе нухал ратизе, г1одорч1араздаги лъана г1емераб лъалареб бук1араб пайдаябщинаб.

Данделъиялъул ахиралда цо-цо районазул пенсионеразего г1адин, г1емерал соназ райфинотделалъе нухмалъи гьабурав, гьанже мустах1икъаб х1алхьиялда вугев нилъерго районалдаса Г1. Г1аммаевасе кьуна «Честь и признание поколений» абураб каранда балеб г1аламат-хъах1аб орден. Гьеб гуребги, Г1умарица к1удияб бут1а лъун буго РДялъул ОПФРалъул отдел г1уц1иялъе ва гьеб цебет1езабиялъе.

Дандч1вай ана к1иябго рахъалъе пайдаяб, цоцада рич1иялъул ах1вал-х1алалда.

Просмотров: 70 | Добавил: NiGMaT | Рейтинг: 0.0/0

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz