Главная » Архив материалов
Автор.Г1иса Г1исаев.Сентябрь 2013с. 21 сентябралъ Дагъистаналъул президент Рамазан Г1абдулат1ипов вач1ун вук1ана
Хунзахъ районалде этнокультурияб ва лъай кьеялъулаб туризмалъул
«Къункъраби» фестиваль къаялде. Гьеб
тадбиралдаго президент Р.
Г1абудлат1иповас Дагъистаналдаса машгьурав
бизнесмен «Сумма- капитал» компаниялъул директорзабазул советалъул
председатель нилъер ракьцояв олигарх Зиявудин Мух1амадовасе «Дагъистан
республикаялъе гьабураб хъулухъалъе г1оло» орден кьуна.
|
Хириял диналъул вацал ва яцал! Нилъер ракь-цояй ГIалиева Муие цIакъ хIажат буго почкабазе операция гьабизе гIарцулаб кумек. Гьарула хIалкIварас кумек гьабеян. Реквизиты для перечисления средств:
ДРФ ОАО «Россельхозбанк» Доп. офис с. Хунзах ФИО: Алиева Муи Гаджимурадовна Счет номер; 4230I-8I0-0-04I5-0000505 ОГРН I027700342890; ИНН-7725II4488: Р/С 30I0I8I0000000000793: БИК-048209793 КПП-05360300I: ОКАТО 822 568 90000; Почтовый адрес; индекс;368260 с .Хунзах Хунзахского района РД ул.М.Алиханова д,5
|
Х1урматиял районцоял, хириял гьалмагъзаби!
8 сентябралда нилъеца т1орит1ана районалъул муниципалияб
г1уц1иялъул нухмалъулев вищиялъул рищиял.
Бокьун буго «Росдал зах1матчи» газетаги гьоркьоб ккун
рак1-рак1алъулаб баркала кьезе т1олалго районалъул избирателазе: дун
вищаразеги, вищич1езеги, рищиялда г1ахьаллъаралъухъ. Хасаб баркала дие гьаркьал кьуразе диде гьабураб
божилъиялъухъ.
Гьеб буго Нужеца диде гьабураб к1удияб божилъи ва х1урмат.
Гьеб божилъи рит1ухъ гьабизелъун, Нужер т1алабал ва мурадал т1уразаризелъун, ра йоналъул ц1ар борхатго ц1унизелъун бихьулеб
къоялде вач1инч1ого х1алт1изе вуго дун. Баркала, Нужее!
Цоги дица Нужеда гьарула дун сабаблъун рищиял т1орит1илалде
цебе, яги рищиязул къоялъ лъиениги рек1елхей ккун батани, т1аса лъугьаян.
Юсупов Саг1ид
Камилович, 10 сентябрь 2013 с.
|
Автор.Марижат Г1абдулг1азизова Казбек район.Сентябрь 2013с.
Х1урматияб Хунзахъ районалъул
газеталъул редакция, гьелъул х1алт1ухъаби ва бет1ерав редактор, рорч1ами! Хъвалеб буго нужехъе рик1к1адаб
Казбек районалъул Дилим росулъан Марижат Г1абдулг1азизовалъ. Аслияб дирго мурад
рагьилалде бокьун буго нужер творческияб коллективалъе ракьалда т1ад бугеб
щинаб лъик1лъи, чорхое щулияб сахлъи, халатаб, талих1аб г1умру ва т1олалго
нужер рек1ел мурадал т1урагиян гьаризе.
|
Автор.Р.Х1амзатов.Сентябрь 2013с.19 сентябралъ райадминистрациялъул бет1ерасул
кабинеталда т1обит1ана «Хунзахъ
район» муниципалияб г1уц1иялъул
коллегиялъул иргадулаб данделъи. Райадминистрациялъул аппараталъул х1алт1ухъабаз
гуребги, гьелда г1ахьаллъи гьабуна росабазул администрациязул бут1руз,
РОВДялъул ва цогидал жавабиял идарабазул нухмалъулезгун х1алт1ухъабаз.
|
Автор.П.Гунашева.Сентябрь 2013с.Дун дирго векалъул х1икмат вук1ина,
Х1алихьалъиялде данде вагъулев.
Х1айранал к1уч1дузул картаялда т1ад
Т1адмаг1аруласги тела ч1инк1иллъи.
|
Гьава-бакъалъул рахъалъ кьерхараб бач1аниги
рохалилаб ах1вал-х1алалда ана к1иабилеб сентябрь Хунзахъ т1алъиялда. Цо рохел –
гьеб киназего г1аммаб лъайкьеялъул байрам, т1оцебесеб ц1умур кьабг1иялъул къо к1иабилебин
абуни, цо-цо школазде щун, районалъул
активгун дандч1ван, Ц1ада Хъах1ал къункърабазе балеб мемориалияб комплексалда
унел х1алт1абазул халгьабун, республикаялъул бет1ер Рамазан Г1абдулат1иповас
жиндирго х1алт1ул къо Хунзахъ районалда т1обит1и. Районалъул г1орхъода,
гьоц1дерил Бух1нат1а майданалда дандч1вай гьабураб президентасул къокъа
Буц1рабе къокъана.
|
Автор Р.Х1амзатов.Сентябрь 2013с.1942 соналъул ц1орораб декабрь моц1, Тверь областалъул
ракьалда тушманасулгун ц1об гьеч1еб рагъ, немцазул к1удияб къуват сверунги
ккун, т1убан щущахъ бихизабизе Т1адег1анаб
командованиялъул буюрухъ. Амма советиял аскаразул гьеб план г1умруялде
бахъинч1о, гьеб рагъулъ г1ахьаллъараб анц1илаич1абилеб механизированнияб
бригада жибго ккана тушманасул к1ич1икье. Ц1ияб буюрухъ – немцаз пайда босизе
теч1ого кинабго рагъулаб техникаги хвезабун горсверудаса рорч1изе. Анц1ила цо
рагъухъанасдасан г1уц1араб разведчиказул къокъа къеркьолеб бук1ана
тушманасул дагьабниги «жагъалаб бак1»
батун гьеб т1езабизе. Т1асахун самолетаз, ракьалдасан танкабазгун г1арадабаз
къинабулеб бук1ана немцаз гьезул гьужум. Гьале т1уна горсвери, цере
разведчикалгун бригадаялъул рагъухъаби
гьениса къват1ире лъугьунел. Аск1обго
бихъараб бомбаялъ разведчикал г1одор лъуна, т1аде хъван бач1араб ракьалъ гьел
абадиялъго рахчана…
|
ГIемерал гIасрабаз поэзиялъул гъваридал асарал гIуцIараб ва унго-унголъунги гьелъул къимат гьабулеб халкъалъул шагIирлъун вукIин бигьаяб жо гуро. Бигьаяб жо гуро халкъалъул рекIелъ рукъ ккурал ЧIанкIа, МахIмуд, ХIамзат гIадал рагIул устарзабаздаса хадуб кучIдул хъвазеги. Амма Духъа гьеб бажарана, Дулъ дурго халкъалъул махIги, рухIги, xlacpатги букIиналъ. Гьединлъидал къабул гьавуна мун кIудияв шагIир хIисабалда дунялалъул халкъаз.
|
Автор.Х1амзаев Расул.Сентябрь 2013с.
Исана нилъер к1удияв шаг1ир Расул Х1амзатов гьавун
90 сон т1убала. Гьеб тадбир к1одо гьабулеб буго улкаялдаго. Расул Х1амзатовас
хъвана г1емерал гьайбатал асарал. Расул Х1амзатов куч1дул хъвазе лъугьана жеги
гьит1инго, школалъул г1умруялда 13-15 сон бугев чи. Расулил т1оцебесеб т1ехь
къват1ибе бахъана 1943 соналъ «Х1асратаб
рокьиги боркьараб ццинги» абураб. Расул Х1амзатовасул асарал руго ц1акъ гъваридаб маг1наялъул,
ц1алулесул рек1елъе хехго лъугьунел.
Киг1ан ц1ик1к1араб къимат кьуниги гьелъие мустах1икъал асарал. Соналдаса соналде
цебе т1ун бач1ана Расулил поэтикияб махщел.
|
Автор.П.Гунашева.Август 2013с. 23 августалда райцентралда
халкъияб творчествалъул рокъоб щибаб санайилго г1адин т1обит1ана лъай
кьеялъул х1алт1ухъабазулаб совещание. Данделъиялда г1ахьаллъана педагогикиял х1алт1ухъаби гурелги, районалъул нухмалъулелги, т1аде рач1арал гьалбалги.
|
Автор.Г1иса Г1исаев.Август 2013с.
Г1агарлъулел руго К1удияв Расулил поэзиялъул ва «Хъах1ал
къункърабазул къоял». Исана гьел къоязул цо
хаслъиги буго: гьел къояз к1одо гьабизе буго Расулица 90 сон т1убаялъул
юбилей. Т1олгороссиялъул литературияб праздниклъун ва бат1и- бат1иял рагъазда
хварал рак1алде щвезарулел къояллъун
лъугьарал гьел сентябралъул къояз т1олабго Дагъистаналдаса вакилзаби гурелги
Россиялдасаги ва къват1исел
пачалихъаздасаги гьалбал къабул гьаризе х1адурлъулеб буго Хунзахъ т1алъи.
Т1адбан унеб буго Расулие балеб бугеб мемориалияб комплексалда х1алт1и. 8
сентябралда комплекс рагьизе бук1иналда рак1чезабулеб буго гьеб балез.
|
ХIурматиял районцоял – диналъул вацалги яцалги! РакI-ракIалъ баркула нужеда бусурбабазул динияб ва рухIияб гIумруялъул тIей гьечIеб бутIалъун кколеб, нилъер щивас жиб лъикIал ишаздалъун, гурхIел- рахIмуялдалъун, рухIияб камиллъиялдалъун ва къадру тIадегIанлъиялдалъун кIодо гьабизе хIаракат бахъараб Рамазан моцIалъул ахирлъун кколеб КIалбиччаялъул гIид! Биччанте гьаб къадруяб моцIалъул гурхIел-рахIму нилъер щибаб къойилаб гIумру цадахъаблъун букIине. Щибаб рокъобе, щибаб хъизамалде рохелги, рекъелги, хинлъиги босун бачIараблъун батаги нилъее гьаб баракатаб байрам. Ккурал кIалалги гьабураб гIибадатги Аллагьас къабулги гьабун, нужее Алжаналъе рагьараб кавулъун лъугьаги, хIурматиял ракьцоял!«Хунзахъ район» муниципалияб гIуцIиялъул бетIерасул ишал тIуралев С. ЮСУПОВ. РАЙСОБРАНИЕ. «РОСДАЛ ЗАХIМАТЧИ».
|
Автор.Г1.Г1исаев.Август 2013с.Россиялъул ч1ах1иял
х1акимзабазул доходазул х1акъалъулъ деклорация къват1ибе бач1индал, рак1алде
бач1ана «Росдал зах1матчи» газеталъ къват1ибе кьураб Бакьагьеч1иса Ш. Расуловалъул кагъат
Шагьзанатица хъвалеб бугоан квачараб
хасалоги хинаб риидаги рагьараб зодикь х1алт1улев слесарасе 4500 гъурущ
бугин харжан. Гьелъ щивниги г1ажаиблъизавич1о: гьединаб гьит1инаб харжида ругелги, харжго гьеч1елги
Россиялда миллионал руго. Гьеб 20-25 соналъ нилъ ругьунлъараб х1акъикъат буго
гьеб.
|
Автор.Г1.Г1исаев.Август 2013с. «Росдал зах1матчи» газеталъул мухбирасул суалазе Гьац1алухъ
росдал бет1ер Х1ажимух1амадов Муртазаг1алица кьурал жавабал
ц1ализе бегьула нужеца жакъасеб газеталда.
|
« 1 2 ... 64 65 66 67 68 ... 84 85 » |