Воскресенье, 17.12.2017, 03:34 | RSS | Приветствую Вас Гость
Главная | Регистрация | Вход
Меню
Последние номера

1 Декабрь 2017г. №89-90(10023-10024)

24 Ноябрь 2017г. №87-88(10021-10022)

27 Октябрь 2017г. №79-80(10013-10014)

20 Октябрь 2017г. №77-78(10011-10012)

13 Октябрь 2017г. №75-76(10009-10010)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2017 » Май » 8 » УЧИТЕЛЬ, ДУР Ц1АРАЛДА ЦЕБЕ…
14:25
УЧИТЕЛЬ, ДУР Ц1АРАЛДА ЦЕБЕ…

Гьал къоязда Г1арани гьоркьохъеб школалда т1обит1ана г1емерал соназ рехсараб школалда х1алт1арав, х1албихьи ва лъай ц1ик1к1арав математикалъул учитель Х1асанбегов Зубайир Мух1амадович рак1алде щвезавиялъе математикаялъул олимпиада.

Гьелъул мурад бук1ана ц1алдохъабазул математикаялде рокьи бижизаби, гьезул г1елмиябгин ц1ех-рехалъулаб ишалде гъира базаби, гьезул творческиял гьунарал церет1езари.

Олимпиадаялъе суалал х1адур гьарун рук1ана Дагъистаналъул халкъияб маг1ишаталъул университеталъул математикаялъул кафедраялда.

Гьаб соналда гьелъие берцинлъи кьун бук1ана Дагъистаналъул Пачалихъияб халкъияб маг1ишаталъул университеталъул (ДГУНХ) математикаялъул кафедраялъул преподавателал гьелда г1ахьаллъиялъги, республикаялъул нухазул маг1ишаталъул агентствалъул нухмалъулев Загьид Хочбаровасул г1акълучи Н. Сабангиев гьениве вач1иналъги олимпиадаялъул т1адкъаял ц1алдохъабаз т1уразег1ан, ДГУНХалъул преподаватель, доцент Назаровас математикаялъул учительзабазулгун т1обит1ана «Школалда математикаялъул дарсал кьолелъул дандч1валел зах1малъаби»-ян абураб темаялда гургинаб стол. Гьелдаса хадуб А. Д.Назаровас «Математикаялъул олимпиадабазда масъалаби гьариялъул къаг1идаби» абураб темаялда бихьизабуна мастер-классги. Олимпиадаялда г1ахьаллъулез т1адкъаял т1уран рахъун хадуб байбихьана х1урматияб данделъи. Гьеб рагьана школалъул математикаялъул учительница Г1. Патах1овалъ. Гьелъ г1одорч1аразе бицана т1убараб школаго олимпиадаялъул къо т1аде щвеялъухъ балагьун ч1ун бук1араб куцалъул, гьелъул к1вар соналдаса соналде борхулеб бук1иналъул. Олимпиадаялъул т1адкъаял щибаб нухалда дагьалги камиллъизарулел, ц1убазарулел, гьединго зах1малъизарулел рук1аниги, гьелда г1ахьаллъулезул къадар ц1ик1к1унеб ва гьелде гьабулеб х1адурлъиги ц1алдохъабазул къо бахъанаг1ан лъик1лъулеб бук1иналъул.

К1алъазе вахъана Загьид Хочбаровасул г1акълучи Н. П. Сабангиев. Гьадинал олимпиадаби т1орит1иялъ,-ан абуна Надир Г1абдулаевичас, рес кьолила пагьму-гьунар бугел г1олилал т1аса рищизе, гьезул ц1алуде, г1елмуялде рокьи бижизабизе, гьел к1одо гьаризе. Школа, лъаялъул, г1елмуялъул кьуч1лъун кколелъул, гьеб гьабизе кколила лъимал жеги школалда ц1алулеб мехалдасанго. Лъималазе лъай кьолел махщел камилал учительзабиги к1одо гьаризе ва рак1алде щвезаризе кколила, гьез г1елмуялъул кьуч1алги малъун къват1ире риччалелъул хадурккунисел г1алимзабиги, тохтуралги, муг1алимзабиги, инженералги ва цогидалги махщелчаг1и. Жакъа нилъеца рак1алде щвезавулев Зубайир Х1асанбегов вук1анилаЗагьид Хочбаровасул муг1алимлъун. Гьединав учитель дарс кьезе гьесие ккун вук1инч1евани, щиб лъалеб, гьев цоги бат1ияб нухдасан инеги бегьулаанила. Гьебги бич1ч1ун Загьид Хочбаровас рахъ кколила лъай бугел г1олилазул, щай гурелъул нилъер бук1инесеб гьезда хадуб бугелъул. Гьес жакъа олимпиадаялда г1ахьаллъулел ц1алдохъабазего г1адин, г1арцулал сайгъатал, стипендиял ч1езарула улкаялъул техникиял ВУЗазда «щуйилал» къиматазда ц1алулел г1олилазе, кумек гьабула гьенире ц1ализе лъугьине, школазда бищунго лъик1 ц1алулезеги гьес ч1езабун буго стипендия. Лъай нилъехъа лъицаго бахъуларелъул, лъай бугев чиясухъ бугила нилъер бук1инесеб. К1алъазе вахъарав доцент А. Д. Назаровасги лъик1аб къимат кьуна олимпиада г1уц1аразе, гьелда г1ахьаллъаразе, т1адкъаял т1уразаруразе.

Олимпиадаялда 1-себ бак1алъе мустах1икълъана Бакьагьеч1и гьоркьохъеб школалъул ц1алдохъан Мух1амадов Мухтар, к1иабилеб бак1 босана Х1ариколо гьоркьохъеб школалъул ц1алдохъан Бартиханова Пат1иматица, лъабабилеб бак1алде яч1ана Хунзахъ № 1 гьоркьохъеб школалъул ц1алдохъан Г1умарова Пат1имат. Гьезие Загьид Хочбаровасул, Зубайир Х1асанбеговасул г1агарлъиялъул ва Дагъистаналъул росдал маг1ишаталъул университеталъул рахъалдасан жиде-жидее щварал бак1азда данд рекъон кколел г1арцулал шапакъатал, сайгъатал кьуна.

Ц1алдохъаби олимпиадаялде х1адур гьарурал муг1алимал: Бакьагьеч1иса К. Хирачевалъе, Х1ариколоса А. Абакаровасе, Хунзахъ № 1 школалъул ц1алдохъан х1адур гьаюрай, жийго Г1арани гьоркьохъеб школалда х1алт1улей Г1. Патах1овалъеги Загьид Хочбаровас рихьизарун рук1ана г1арцулал сайгъатал.

ДГУНХалъул рахъалдасан сайгъат кьуна олимпиада г1уц1изе ва гьеб берцинго бачине кумек гьабурай гьебго школалъул математикаялъул учительница Г1айшат Патах1овалъеги. Гьеб гуребги, олимпиадаялда цересел бак1ал росарал ц1алдохъаби экзаменал кьеч1огоДГУНХалъул т1оцебесеб курсалде росараллъунги рихьизаруна.

Просмотров: 102 | Добавил: NiGMaT | Рейтинг: 0.0/0

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz