Четверг, 28.03.2024, 20:39 | RSS | Приветствую Вас Гость
Главная | Регистрация | Вход
Меню
Последние номера

18 август 2023 г. № 33 (10387)

11 август 2023 г. № 32 (10386)

4 август 2023 г. № 31 (10385)

28 июль 2023 г. № 30 (10384)

21 июль 2023 г. № 29 (10383)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2016 » Июнь » 18 » ТОХТУРЛЪУН ВИЖАРАВ.
14:23
ТОХТУРЛЪУН ВИЖАРАВ.

Кире аниги, чан тохтурас хал гьабуниги васасул рек1ее щиб бугебали ч1езабун диагноз лъезе к1веч1о, гьевги вачун эбел-эмен Москваялде ине х1адурулел рук1ана. Рек1ехъги г1енеккун тохтур Юсупов Г1алибегица абула васасул рек1ее щибго г1узру гьеч1ин, рак1 цодагьаб кваранидехун къан бижараб бугин асулан, гьединлъидал рек1ел кьабиги гъугъго раг1улеб бугилан. Хадуб хал гьабидал, гьедин батизеги батула. Гьелдаса нахъе росдал г1адамаз Г1алибегида ч1агояв рентген абун ц1ар лъола.

Г1урусаз абула тохтурзаби лъабго тайпаялде рикьулин: «врач от бога», «врач так себе», «врач – не дай бог». Г1адамасдехун кутакаб гурх1ел-рах1му, х1еренлъи, рак1 гурх1и жиндилъ бугев, Т1адег1анасго тохтурлъун вижарав чи вугин Г1алибегилан абула гьесде г1адамаз.

Юсупов Г1алибег гьавуна 1933  соналъул 7 ноябралда Сивухъ росулъ. Гьесул эмен г1араб г1елму лъик1 лъалев чи вук1иналъ, гьес гьит1инго Г1алибегида Къуръан ц1ализеги малъула, г1араб мац1ги лъазабула. Динияв чи вук1иналъ инсуца г1урус т1ахьал ц1ализе гьукъулеб бук1аниги, Г1алибегица гьит1инго рахчун ц1алулаан т1ахьал. Ц1али-лъаялде бугеб рокьиялъ, Харахьи росдал гьоркьохъеб школа лъуг1арав Г1алибег ц1ализе лъугьуна росдал маг1ишаталъул техникумалде. Гьеб ц1алиги рек1ее  къабуллъич1ого, гьенисаги нахъе вилълъун, рак1алъ ах1араб махщалие – 1955 соналъ Дагъистаналъул медицинаялъул институталде тохтурлъун ц1ализе лъугьуна Юсупов. Ц1алун вахъаравго, Г1алибегил бугеб махщел-гьунарги бихьун, 1960 соналъ гьев вит1ула Гумбет районалде бет1ерав тохтурлъун х1алт1изе. Тохтурлъун Г1алибег х1алт1ула Болъихъ районалдаги. Хадув Г1алибег т1амула нилъер районалде – Харахьи участкаялъул больницаялде х1алт1изе.

1972 соналдаса нахъе, бат1ияб бак1 хисич1ого Г1алибег х1алт1ана райбольницаялда терапевтлъун. Гьес нухмалъи гьабуна терапиялъул отделениялъе, хадуб – 3-4 соналъ цебе х1ухьбахъиялде инег1ан ветераназул отделениялъе.

Киве кканиги, кив х1алт1аниги, х1акимчи ялъуни г1адатияв х1алт1ухъанилан киданиги унтаразда гьоркьоб бат1алъи гьабич1о Г1алибегица, жиндир заман гьеч1ин, х1алт1и г1емерлъун, рег1ун гьеч1илан багьанаби ратун аск1ове вач1арав чи гьес нахъе вит1улароан. Г1алибег цо ккураб специализациялъул тохтур гуро, гьесда бит1ун диагноз лъезе лъала г1емерал унтабазе. Гьединлъидал, Г1алибег лъалелщинал гьев х1алт1уда вугебг1ан мехалъ, цойгидал тохтурзабахъе ун хадубцин, унти мух1канго ч1езабизе Г1алибегихъе рач1унаан. Росулъ г1умру гьабуралги къват1ир ч1аралги росуцоязе Г1алибег ккола «скорый помощалъул» бак1алда вугев чи, щиб бак1 унтаниги хал гьабизеги, укол гьабизеги ах1ула гьев г1адамаз. Дида рак1алда буго цо к1албиччанкъоялъ росулъе араб мехалъ, инсул эбел чехь унтун лъугьиндал, гьелде ах1арав Г1алибегица чахьода кверги хъван гьелъул аппендицит бугила, операция гьабизе хех гьабун ячейила больницаялдеян рит1араб заман. Я бидул анализ, я УЗИ – рентген – щибго къвариг1инч1ого бит1ун лъун  батана гьес диагноз.

Г1адатиял г1адамазда кинав тохтур вук1арав Г1алибегилан ц1ехана дица.

Цо г1аданалъ бицана 1980 соналъ гьаюлей йик1арай яс гьайизе к1веч1ого холей йик1анила жиндирилан, гьес хвасар гьаюнила гьей – гьедин ккараб мехалъ акушер-гинекологлъицин гьабун буго  Г1алибегица

Щвалде щвараб махщел-гьунаралъул тохтур вук1аниги, Г1алибегица киданиги ч1ух1и гьабич1о жиндирго лъаялдаса. Гьелъул г1аксалда, гьев вуго г1адатияв, намусав, нич-ях1 бергьарав инсан. Г1алибегил гьудул-гьалмагъ, цадахъ ц1аларав, сахлъи ц1униялъул министрлъун вук1арав Ибрагьимов Ибрагьим Мух1амадовичас гьесул лъайги бажариги лъалеб бук1иналъ, Г1алибег Южносухокумскиялде бет1ерав тохтурлъун т1амулев вук1ана. Нилъерго унтаралги тун кин гьениве уневилан абун, жиндирго росу-ракьалде, г1адамазде бугеб рокьиялъги, жиндирго намусалъги инкар гьабуна Г1алибегица гьеб т1адег1анаб  хъулухъалдаса.

Г1алибегил ват1ан Сивухъ росу буго риидал ц1акъ берцинаб т1абиг1ат бугеб, кьер-кьерал т1угьдузул ц1ураб, амма хасало кутакалда ц1орой ц1ик1к1араб, нахъалъаг1ан г1азу биунареб бак1. Хасало бараб г1азуца нухал рацун г1емерисеб мехалъ машина, автобус хьвадуларо росулъе. Рек1ине транспорт ялъуни нух гьеч1илан абун цониги къоялъ рокъов ч1еч1о Г1алибег. Накалдаса т1аде бахараб г1азулъан лъелго Макьасде шагьранухде щвезег1ан вач1ун хьвадана гьев больницаялде. Х1алт1уде бугеб рокьуца цониги къоялъ, унтараб мехалъцин, больничнийги босун гьеч1о гьес.

Жиндирго рецц-бакъги киданиги т1алаб гьабич1о Г1алибегица, жинцаго г1адамазе гьабураб кумек, дару-сабабги лъиданиги рак1алде щвезабич1о гьес. Чангияз жал гьабгощинаб мехалъ х1алт1анилан, жинца гьабги гьабги гьабунилан, т1адчаг1азулгун ялъуни лъай-хъваял ругел г1адамазулгун гьоркьорлъаби гьарун жидеего ц1арал т1алаб гьарула. Жиндиего ц1ар-рецц т1алаб гьабун цо х1арпцин калима киданиги гьабич1о гьев  г1адатияв инсанас. Киг1ан гьелъие мустах1икъав вук1аниги, г1иц1го 2004 соналъ гурони щвеч1о Г1алибегие ДРялъул мустах1икъав  тохтур абураб ц1ар. Гьеб ц1аруеги документал я гьес ялъуни гьесда лъан кьеч1о. Пятиминуткаялда бет1ерав тохтурас ц1ар кьей баркидал г1ажаиблъун, тамашалъун хут1ана гьев. Гьелъги бихьула Г1алибег бац1ц1адго, сундуего г1оло гуреб, рак1-рак1алъ машгьурлъун х1алт1и  гьабулев чи вук1ин. 1980 соналъ Г1алибегие кьуна сахлъи ц1униялъул отличник абураб ц1арги.

Г1адамазул сахлъи ц1унизелъун, г1умру хвасар гьабизелъун гьев  тохтурасул  арал къоязул, саназул, рорч1арал сардазул, гьесда бихьараб зах1маталъул, гьес сах гьарурал унтаразул рохалил х1ал цо макъалаялда загьир гьабун бажаруларо. Амма Г1алибег вуго ч1ах1иял х1арпаз меседалъ жиндир ц1ар хъвазе мустах1икъав инсан ва тохтур. Кинабго гьабураб х1алт1и, багъарараб квер кирилъун батаги Г1алибегие, г1емерал соназ лъик1аб сахлъиялда хут1аги гьев. Г1айиб гурищха гьединал г1адамал херлъизеги, х1алт1удаса рокъов ч1езеги.

П. Гунашева.

 

Просмотров: 496 | Добавил: NiGMaT | Рейтинг: 0.0/0

by NiGMaT © 2024 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz