Пятница, 21.09.2018, 23:03 | RSS | Приветствую Вас Гость
Главная | Регистрация | Вход
Меню
Последние номера

14 Сентябрь 2018г.№66-67(10098-10099)

8 Сентябрь 2018г.№64-65(10096-10097)

31 Август 2018г.№62-63(10094-10095)

24 Август 2018г.№60-61(10092-10093)

17 Август 2018г.№58-59(10090-10091)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2018 » Сентябрь » 1 » СОНАЛДАСА СОНАЛДЕ, КЪОЙИДАСА КЪОЙИДЕ…
22:42
СОНАЛДАСА СОНАЛДЕ, КЪОЙИДАСА КЪОЙИДЕ…

Г1адатлъун лъугьун бук1ахъе, щибаб ц1ияб ц1алул сон байбихьилалде цебе, араб соналда ккарал х1асилазул бицине, ц1ияб соналда цере ч1арал масъалаби мух1кан гьаризе ва гьел г1умруялде рахъинариялъе нухал ратиялъул мурадалда районалда т1обит1ула педагогазул августалъулаб конференция. Исанаги 28 августалда районалъул культуриябгун эркенаб х1ухьбахъи гьабиялъул централда т1обит1араб конференциялда гьоркьоб лъураб аслияб суаллъун бук1ана районалда лъай кьеялъул даража борхизаби ва хадубккунги гьеб цебет1езабиялъул х1алт1и лъик1лъизабиялъул.

Конференциялда г1ахьаллъи гьабуна районалъул бет1ерасул ишал т1уралев Н. М. Задиевас, гьесул заместитетал: Х1. Гьит1иновас ва Ш. Г1аммаевас. Жиндирго докладалда лъай кьеялъул отделалъул начальникасул заместитель Р.Х1ашт1иховалъ г1ат1идго бицана лъай кьеялъул х1акъалъулъ ц1ияб закон г1умруялде бахъинабиялъе районалда гьабулеб бугеб х1алт1ул.

Школалда цебесеб лъай кьеялъул бицунаго, гьелъ баян гьабуна районалда х1алт1улел 37 школазда цересел учреждениязда тарбиягун лъай кьолеб бугила 1461 лъимералъе, к1иго моц1алдаса 8 соналде щвезег1ан ригьалъул 400 лъимер бак1ал гьеч1ого жидеде ирга щвезег1ан, ралагьун ч1ун ругилан. Т1убараб ц1алул соналъ к1удияб х1алт1и гьабун буго школалда цересел г1уц1абазда лъималазе бак1ал ц1ик1к1инариялъе, гьедин 30 лъимералъе т1адеги бак1ал рагьизе к1ун руго. Школалда цересел г1уц1абазда х1алт1улел руго 187 педагог, гьездасан т1адег1анаб категория буго 6 тарбияч1ужуялъул, 20 –ялъул буго т1оцебесеб категория.

Районалда х1алт1улеб буго 41 г1аммаб лъай кьеялъул г1уц1и: 20 гьоркьохъеб, 8 аслияб, 12 байбихьул школаби ва 1 – байбихьул школа-ясли- ах. Ц1алдохъабазул къадар бахуна 2957 чиясде. К1вар бугеб хиса-басилъун ккола киналниги районалъул байбихьул школал ц1ияб лъай кьеялъул стандартазде рач1ун рук1ин. Байбихьул классазул киналгоязде г1агарун муг1алимзаби ц1алана, ФГОС азул суалазда хурхун квалификация борхизабиялъул курсазда. Школазе щун буго ц1алулгун методикияб материал.

2012 соналъул т1оцебесеб сентябралдасан 4 классазда бачунеб буго «Динияб культураялъул ва светияб этикеталъул кьуч1ал» абураб курс (ОРКСЭ). Амма киналго муг1алимзабаз гуро ОРКСЭ –ялъул курсазул рахъалъ квалификация борхизабураб. Гьаб соналдаг1аги гьеб гьабич1ого г1оларо гьеб предмет бачунел муг1алимзабаз.

2017-2018 ц1алул соназда 39 чорхолъ сакъатлъи бугел лъималазда жиде-жидер рокъореги ун малъулеб бук1ана ц1алул программа.

Цогояб пачалихъияб экзамен - ЕГЭ нилъер ц1алдохъабаз кьуна араб соналде данде ккун г1емерго лъик1. Ц1алдохъабазе рес щвеч1о телефонал х1алт1изаризе , цояз цогидаздасан хъвазе. Экзаменал кьолел пунктазда рук1ана металлодетекторал ва х1алт1улеб бук1инч1о сотовияб бухьен. Лъай кьеялъул отделалда х1алт1улеб бук1ана экзаменал иналда хадуб хал кколеб «он-лайн» халгьаби.

9 классазда ОГЭ кьуна т1адал предметал х1исабалда г1урус мац1алъул, математикаялъул ва к1иго жидецаго т1аса рищарал предметазулги.

Аттестациялде риччан рук1ана 9 классаздасан 325 ц1алдохъан. Г1урус мац1 ва математика кьуна 100 проценталъ. 40 ц1алдохъанасе щвана хасал образецалъул аттестатал.

ЕГЭ кьолелъул т1адег1анал х1асилал рихьизаруна г1урус мац1алъе Гьамущи гьоркьохъеб школалъ (2017 соналъ школалда бук1ана 41,3 балл, 2018 соналъ – 65,75 балл). Гьеб школалъул ц1алдохъан Ибрагьимовалъе щвана 96 балл, Х1ажиевалъе - - 91 балл. Гьезул муг1алим ккола Нурмух1амадова Лейла Мух1амадовна. Гьединалго лъик1ал х1асилал ккана Бакьагьеч1и, Г1обода, Харахьи, Г1орот1а, Г1арани, Буц1ра, Г1ахьалч1и, Хунзахъ №1, №2, интернаталъул лъималазул. Математика кьеялъул базовияб къадаралъул лъик1ал х1асилал росана Буц1ра, Ц1ияб Буц1ра, Лъаг1илухъ, Гьоц1алъ, Г1ахьалч1и, Бакьагьеч1и, Г1обода, Хунзахъ №1, №2 гьоркьохъел школазул ц1алдохъабаз.

Математика кьеялъул (профилалъулаб къадар) Г1ахьалч1и, Бакьагьеч1и, Г1арани, Гьоц1алъ, Ц1ияб Буц1ра школазул ц1алдохъабаз росна 45 –ялдасаги ц1ик1к1ун баллал. Бакьагьеч1иса Гьит1инова Марьямица, Т1айгибова Г1айшатица босана 62 балл.

Районалдаго г1урус мац1алъе 2017 соналъ гьоркьохъеб х1исабалда щвана 50,3 балл, 2018 соналъ 53,5 балл. Математикаялъе (базовияб) – 3,6, профилалъулаб 2017 – 24,7; 2018 – 34,4. Гьел х1асилаздасан нилъеда бихьула лъималаз ц1алуде ц1ик1к1араб к1вар кьолеб бук1ин.

Т1убараб лъаг1алицаго районалъул школазул муг1алимзаби г1ахьаллъана районалда ва республикаялда т1орит1улел тадбиразда.

Творческияб къаг1идаялъ х1алт1улел муг1алимзаби, тарбиячаг1и загьир гьариялъул мурадалда щибаб соналда районалда т1орит1ула «Лъаг1алил учитель», «Лъаг1алил тарбияч1ужу», «Рахьдал мац1алъул бищунго лъик1ав учитель», «Самый классный, классный» конкурсал.

Муг1рузул районазда гьоркьоб т1обит1улеб «Лъаг1алил учитель – 2018» конкурсалда Г1арани гьоркьохъеб школалъул ингилис мац1алъул учительница М.Патах1овалъ ккуна т1оцебесеб бак1, республикаялда гьей ккана бищунго лъик1ал щугоязде гьоркьое.

Районалда т1обит1улеб «Бищунго лъик1ай рахьдал мац1алъул учитель» конкурсалда Г1обода гьоркьохъеб школалъул учительница Мух1амадова Пат1иматица босана т1оцебесеб бак1, республикаялдаги нилъер район мустах1икъаб къаг1идаялда бихьизабуна.

«Лъаг1алил тарбияч1ужу – 2018» конкурсалда Гиничукь ясли-ахалъул тарбияч1ужу Г1абдурах1манова Булулица ккуна 1 –себ бак1 ва республикаялдаги лъик1аб къиматалда цее яхъана.

Ахираб заманалда «Самый классный, классный» абураб конкурс лъугьун буго муг1алимзабазе ц1акъго бокьулеблъун. Щибаб соналда гьенибги нилъер муг1алимзабаз ккола цересел бак1ал.

Гьаб соналда Дагъистаналдаго т1оцебе т1обит1ана «Бищунго лъик1ав предметалъул учитель» абураб конкурс. Гьенибги нилъер районалъул щибаб предметалъул муг1алимзабаз жигараб бут1а лъуна.

Дагъистан республикаялъул лъай кьеялъул министерствоялъул планалда рекъон киса-кибго ДР –ялдаго г1адин, нилъер районалдаги т1орит1ана муг1алимзабазда гьоркьор олимпиадаби. Г1урус мац1алъул ва литератураялъул муг1алимзабазда гьоркьоб т1обит1араб олимпиадаялда бергьенлъи босана Г1обода гьоркьохъеб школалъул муг1алим П.Абакаровалъ, информатикаялъул учительзабазда гьоркьоб М.Х1ажимурадовас. Абакарова Пат1иматие к1иго соналъ т1ат1алаго щвана республикаялда цебесеб бак1.

«Гьанжесеб лъай кьеялда интерактивиял технологиял» абураб республикаялъул конкурсалда г1ахьаллъана Х1ариколо гьоркьохъеб школалъул информатикаялъул учительница Хъарабудагъова Асият.

Г1обода росдал «Ромашка» ясли-ахалъе т1олгороссиялъулаб «Мисалияб ясли-ах» конкурсалда щвана медаль.

Районалъул учительзабазул коллектив г1ахьаллъана республикаялъулаб авар мац1алъул муг1алимзабазул слеталда. Гьенисан гьел т1ад руссана т1оцебесеб бак1ги босун.

Лъабго соналъ т1ат1алаго районалъул муг1алимзабазул команда г1ахьаллъулеб буго учительзабазул спартакиадаялда. Щибаб соналда гьел мустах1икълъана цересел бак1азе ва рак1алде щвеялъулал сайгъатазе.

К1алъаяздаса хадуб заманаялъ районалъул бет1ерасул ишал т1уралев Н. Задиевас, заместитетал: Ш. Г1аммаевас, Х1. Гьит1иновас, райсобраниялъул председатель Х. Хваджаевас тарбиягун, лъай кьеялъул лъик1ал х1асилал рихьизарурал педагогал к1одо гьаруна шапакъатаздалъун.

«РФ – ялъул лъай кьеялъул х1урматияв х1алт1ухъан» абураб ц1ар кьуна Лъаг1илухъ гьоркьохъеб школалъул учительница Г1усманова Пат1имат Г1усмановнаялъе, Г1урк1ч1и школалъул директор Мух1амадов Х1амзат Х1абибовичасе, Хьиндахъ школалъул учительница Х1ажиева Пат1иматие ва Хунзахъ №1 гьоркьохъеб школалъул учительница Малламух1амадова Пат1имат Абулмуслимовнаялъе.

Гьединго рик1к1ен г1емерал муг1алимзаби к1одо гьаруна райадминистрациялъул ва лъай кьеялъул отделалъул грамотабаздалъунги.

Ахиралда к1алъазе рахъарал лъай кьеялъул отделалъул начальник З. Г1умаровас ва т1аде ах1арал гьалбадерица цойги нухалъ рак1-рак1алъ баркана киналго районалъул муг1алимзабазда т1аде щолеб бугеб ц1ияб ц1алул сон, ва киназего гьарана чорхое щулияб сахлъи, х1алт1улъ ч1ах1иял бергьенлъаби.

Педагогазул рак1ал рохизаруна районалъул культураялъул х1алт1ухъабазул ва цо-цо педагогазул церерахъиназги.

Саг1ат лъик1аб батаги, нужее педагогал!

Просмотров: 47 | Добавил: NiGMaT | Рейтинг: 0.0/0

by NiGMaT © 2018 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz